Aywilɛho Yemi
Mɛni Baiblo mi nɔ hyɛmi nɔ́ lɛ tsɔɔ kaa tɔmi ko be he kaa wa maa ye aywilɛho ke wa nɔ ko gbo?
1Mo 23:2; 24:67; 37:34, 35; 42:36; Yo 11:19, 31, 33-36
Moo hyɛ 2Sa 1:17-27; Nít 9:36-39 ɔ hulɔ
Mɛni tsɔɔ kaa Yehowa suɔ kaa e wo nihi nɛ a hao ɔ a bua?
La 34:18; Yes 57:15; 61:1, 2
Kɛ si fɔfɔɛ mi nɛ gbogboe ɔmɛ ngɛ nɛ wa maa le ɔ maa wo wa bua ha kɛɛ?
-
Baiblo mi nɔ hyɛmi níhi nɛ maa ye bua wɔ:
-
Luk 20:37, 38—Yesu tsɔɔ kaa gbogboehi a si tlemi ɔ ngɛ mi niinɛ, nɛ ngɛ Yehowa hɛ mi ɔ, e ngɛ kaa nɔ́ nɛ nihi nɛ a gbo ɔ ngɛ wami mi
-
Yo 11:5, 6, 11-14—Yesu kɛ gbenɔ to mahe he benɛ e huɛ Lazaro nɛ e suɔ e sane ɔ gbo ɔ
-
Heb 2:14, 15—Bɔfo Paulo tsɔɔ nya kaa e sɛ nɛ wa ha nɛ gbenɔ nɛ wo wa he gbeye
-
Mɛni he je nɛ ligbi nɛ nɔ ko gbo ɔ hi wawɛɛ pe ligbi nɛ a fɔ lɛ ɔ?
Kɛ Baiblo ɔ kale gbenɔ ha kɛɛ, nɛ mɛni Mawu maa pee ngɛ gbenɔ he?
Yes 25:8; 1Ko 15:26; Kpj 20:14; 21:3, 4
Mɛni he je nɛ wa ma nyɛ ma ná hɛ nɔ kami ngɛ gbogboehi a si tlemi nɛ maa ba hwɔɔ se ɔ mi ɔ?
Yes 26:19; Yo 5:28, 29; Nít 24:15
-
Baiblo mi nɔ hyɛmi níhi nɛ maa ye bua wɔ:
-
Baiblo ɔ tu nihi kpaanyɔ nɛ a tle mɛ si ngɛ zugba a nɔ kɛ Yesu nɛ a tle lɛ si kɛ ho hiɔwe ya a he munyu. Ngmamihi nɛ tu gbogboehi a si tlemi nɛ ya nɔ ɔ he munyu ɔ maa wo nihi nɛ a suɔli gbo ɔ a bua konɛ a ná hɛ nɔ kami kɛ ha hwɔɔ se
-
1Ma 17:17-24—Gbalɔ Eliya tle Yalɔyo ko binyumu si ngɛ ma ko nɛ ngɛ Sidon, nɛ a tsɛɛ ke Zarefat ɔ mi
-
2Ma 4:32-37—Gbalɔ Elisha tle jokuɛ nyumuyo ko nɛ ngɛ Shunem ma a mi ɔ si, nɛ e ngɔ lɛ kɛ ha e fɔli
-
2Ma 13:20, 21—Benɛ nyumu ko nɛ e gbo kɛ we ɔ he ya sa gbalɔ Elisha wuhi a he ɔ, e ba wami mi ekohu
-
Luk 7:11-15—Benɛ Yesu kɛ nihi babauu nɛ a kɛ yalɔyo ɔ yaa nɛ a ya pu e bi ɔ kpe ngɛ Nain ma a agbo ɔ nya a, e tsɛ̃ɛ yalɔyo ɔ binyumu ɔ ha lɛ
-
Luk 8:41, 42, 49-56—Yesu tle Yairo nɛ ji kpe he nɔ hyɛlɔ ɔ biyo ɔ si
-
Yo 11:38-44—Yesu tle e huɛ Lazaro nɛ nyu bi ngɛ e kɛ lɛ a kpɛti ɔ si nɛ e kɛ e nyɛmiyihi Marta kɛ Maria pee kake ekohu
-
Nít 9:36-42—Bɔfo Petro tle Dɔkas, Kristofo no ko nɛ a le lɛ kaa e mi mi jɔ ɔ si
-
Nít 20:7-12—Bɔfo Paulo tle niheyo ko nɛ a tsɛ lɛ ke Yutiko, nɔ nɛ e tsɔ kɛ je saflɛ nya ba nɔ si ɔ si
-
-
Yehowa tle Yesu Kristo si kaa mumi mi nibɔ ní nɛ be gboe hu kɛ ho hiɔwe ya, kɛ tsɔɔ kaa sihi tsuo nɛ Mawu wo kɛ kɔ hwɔɔ se he ɔ maa ba mi
-
Yesu ji nɔ kekle nɛ a tle lɛ si kɛ ho hiɔwe ya nɛ a ha lɛ nɔmlɔ tso nɛ e be gboe, nɛ jã nɔuu kɛ̃ nɛ e ji ngɛ e se nyɛɛli 144,000 nɛ a pɔ mɛ nu ɔ hu a blɔ fami
-
Mɛni blɔ nɔ wa ma nyɛ maa gu kɛ ye bua nihi nɛ a ngɛ aywilɛho yee ngɛ a suɔlɔ ko gbenɔ he ɔ?
Eko ɔ, O Bua Maa Jɔ Enɛ ɔ Hu He
HWƆƆMI MƆ
Ke Nɔ Ko Gbo ɔ, Mɛni Si Fɔfɔɛ Mi E Ya Jee?
Baiblo ɔ tu nihi kpaanyɔ komɛ nɛ a tle mɛ si kɛ je gbeje ɔ a he munyu. Mɛni nimli nɛ ɔmɛ de ngɛ gbenɔ he?
HWƆƆMI MƆ
Yesu Si Temi ɔ—Anɛ Sane Nɛ ɔ Ya Nɔ Niinɛ Lo?
Mɛni he je nɛ Sane Kpakpa amɛ nɛ kɔɔ Yesu he ɔ ji anɔkuale ɔ?
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.
