Bwɔmi; Nihi Nɛ A Wa Ngɛ Jeha Mi
Ke wa ngɛ wae ngɛ jeha mi ɔ, mɛni baa wa nɔ?
Moo hyɛ munyu nɛ ji “Bua Womi—Níhi nɛ nihi nɛ a wa ngɛ jeha mi aloo a be he wami ɔ nyɛ we peemi”
-
Baiblo mi nɔ hyɛmi nɔ́ nɛ maa ye bua wɔ:
-
Fiɛ 12:1-8—Ngɛ asilɛ ko nɛ Matsɛ Salomo po ɔ mi ɔ, e kale gbɔjɔmihi nɛ baa nihi nɛ a wa ngɛ jeha mi ɔ a nɔ ɔ kaa, a hɛngmɛ ɔmɛ hyɛ we nɔ kpakpa (“o hɛngmɛ ɔmɛ a nɔ maa ha, nɛ o be nɔ́ hyɛe saminya hu”) nɛ a tue ɔmɛ hu nui nɔ kpakpa ko (“Ke la ngɛ pɛe ɔ, pe o maa nu fã kɛ fã kɛkɛ”)
-
Ngɛ kahi nɛ nihi nɛ a wa ngɛ jeha mi ɔ kɛ kpeɔ kɛ ní komɛ nɛ a nyɛ we peemi ɔ tsuo se ɔ, anɛ a ma nyɛ maa ya nɔ ma ná bua jɔmi lo?
-
Baiblo mi nɔ hyɛmi níhi nɛ maa ye bua wɔ:
-
1Sa 12:2, 23—Gbalɔ Samuel nɛ e wa ngɛ jeha mi ɔ le se nami nɛ ngɛ Yehowa we bi nɛ e maa ya nɔ maa sɔle ha mɛ ɔ he
-
2Sa 19:31-39—Matsɛ David bua jɔ kaa Barzilai nɛ e wa ngɛ jeha mi ɔ kɛ anɔkuale yemi fĩ e se. Benɛ David kɛ ní tsumi komɛ wo Barzilai dɛ ɔ, e je he si bami mi nɛ e de kaa e be nyɛe ma tsu akɛnɛ e gbɔjɔ ɔ he je
-
La 71:9, 18—Benɛ Matsɛ David ngɛ gbeye yee kaa Yehowa kɛ lɛ be nyɛe ma tsu ní hu ɔ, e kpa Yehowa pɛɛ nɛ e ha lɛ he wami konɛ e nyɛ nɛ e tsɔɔ yi nɔhi nɛ maa ba a e he ní
-
Luk 2:36-38—A jɔɔ gbalɔyo Ana nɛ ji yalɔyo nɛ e wa ngɛ jeha mi ɔ akɛnɛ e ngɔ e he kɛ ha nɛ e kɛ anɔkuale yemi sɔmɔ Yehowa a he je
-
Mɛni blɔ nɔ Yehowa guɔ kɛ tsɔɔ kaa nihi nɛ a wa ngɛ jeha mi ɔ a he jua wa ha lɛ?
La 92:12-14; Abɛ 16:31; 20:29; Yes 46:4; Tit 2:2-5
-
Baiblo mi nɔ hyɛmi níhi nɛ maa ye bua wɔ:
-
1Mo 12:1-4—Benɛ Abraham ye jeha 75 ɔ, Yehowa kɛ ní tsumi ko nɛ ma ha nɛ e si himi ma tsake ɔ wo e dɛ
-
Dan 10:11, 19; 12:13—Benɛ gbalɔ Daniel ye jeha 90 ɔ, bɔfo ko ba jé e he kpo kɛ tsɔɔ lɛ nɛ e de lɛ ke e he jua wa ha Yehowa nɛ akɛnɛ e yeɔ anɔkuale he je ɔ, a maa jɔɔ lɛ babauu
-
Luk 1:5-13—Yehowa gu nyakpɛ blɔ nɔ kɛ jɔɔ Zakaria kɛ Elizabɛt nɛ́ a wa ngɛ jeha mi ɔ nɛ a fɔ bi nyumu nɛ a wo lɛ biɛ ke Yohane
-
Luk 2:25-35—Yehowa ha Simeon nɛ e wa ngɛ jeha mi ɔ he blɔ nɛ e na bimwɔyo nɛ́ e ma ba pee Mesia a, nɛ e gba kɛ kɔ e he
-
Nít 7:23, 30-36—Gbalɔ Mose ye jeha 80 benɛ Yehowa fã lɛ kaa e nyɛɛ e we bi nɛ ji Israel bi ɔmɛ a hɛ mi ɔ
-
Kɛ e sa kaa waa kɛ Mawu sɔmɔli anɔkualetsɛmɛ nɛ a wa ngɛ jeha mi ɔ nɛ hi si ha kɛɛ?
-
Baiblo mi nɔ hyɛmi níhi nɛ maa ye bua wɔ:
-
1Mo 45:9-11; 47:12—Yosef tsɔ nɛ a ya ngɔ e papaa nɛ e wa ngɛ jeha mi ɔ kɛ ba e ngɔ nɛ e hyɛ e nɔ kɛ ya si be nɛ e gbo
-
Rut 1:14-17; 2:2, 17, 18, 23—Rut ngɔ e ní peepee kɛ e munyu tutui kɛ ye bua Naomi nɛ́ e wa ngɛ jeha mi ɔ
-
Yo 19:26, 27—Benɛ Yesu ngɛ sɛumi tso ɔ nɔ nɛ e piɛ bɔɔ nɛ e ma gbo ɔ, e de Yohane nɛ e suɔ e sane ɔ kaa e hyɛ e yayo nɔ
-
Mɛni ji ní komɛ nɛ Kristofohi ma nyɛ maa pee kɛ ye bua nihi nɛ a wa ngɛ jeha mi nɛ a ngɛ asafo ɔ mi ɔ?
Eko ɔ, O Bua Maa Jɔ Enɛ ɔ Hu He
YESU JI BLƆ Ɔ, ANƆKUALE Ɔ, KƐ WAMI Ɔ
Bi Nɛ A Wo E He Si ɔ
Benɛ Yosef kɛ Maria ngɔ Yesu kɛ ya sɔlemi we ɔ, Israel gbali enyɔ komɛ gba kɛ kɔ e he.
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.
