Moo le nɔ́ he je nɛ o yaa tu munyu ɔ. Anɛ e sa nɛ o tsɔɔ o tue buli ɔmɛ nɔ́ ehe ko lo, e sa nɛ o ye bua mɛ nɛ a tsake a susumi lo, aloo e sa nɛ o wo mɛ he wami? Moo da munyu otihi nɛ a ngɛ o munyu ɔ mi ɔ nɔ kɛ tsu yi mi tomi ɔ he ní.

Moo ma munyu oti ɔ nɔ mi. Ke o ngɛ munyu ɔ tue ɔ, ngɔɔ munyu oti nɛ je kpo ngɛ o munyuyi ɔ mi ɔ kɛ tsu ní, aloo ngɔɔ munyungu kpahi nɛ ma nyɛ maa da si kɛ ha jamɛ a munyu oti ɔ kɛ tsu ní.

Ha nɛ oti ɔmɛ a mi nɛ tɛ̃ nɛ a sisi numi ko ye. Hlaa otihi nɛ a kɔ o munyuyi ɔ he nɛ o ma nyɛ maa tsɔɔ mi saminya ngɛ be nya a kɛ tsu ní. Koo hla otihi fuu. Ke o tu oti kake he munyu ta, nɛ o yaa ekpa nɔ ɔ, moo mlɛ bɔɔ, nɛ o ha nɛ a na tsakpa nɛ ngɛ oti ɔ kɛ oti nɛ nyɛɛ se ɔ a kpɛti.