“Moo kane mlaa womi nɛ ɔ daa. Mo susu he nyɔ kɛ pia; nɛ o ye nɔ́ tsuaa nɔ́ nɛ a ngma ngɛ mi ɔ nɔ; ja jã loko níhi a mi maa hi ha mo, nɛ o maa ye manye.”

Yoshua 1:8

“A je blɔ kane Mawu mlaa a, nɛ a tsɔɔ sisi fitsofitso, bɔ nɛ pee nɛ ma a tsuo nɛ nu sisi.”

Nehemia 8:8

‘A gbaa nɔ nɛ bui nimli yayamihi a ga womi tue . . . , se mohu e bua jɔɔ Yehowa mlaa a he, nɛ e susuɔ he nyɔ kɛ pia . . . E yeɔ manye ngɛ nɔ́ tsuaa nɔ́ mi.’

La 1:1-3

“Kɛkɛ nɛ Filipo sa fo kɛ ya na lɛ ɔ, nɛ e nu nɛ nyumu ɔ ng  gbalɔ Yesaya womi ɔ kanee. Filipo bi lɛ ke, ‘Nɔ́ nɛ o ngɛ kanee ɔ, anɛ o ngɛ sisi nue?’ Sɔmɔlɔ nɔkɔtɔma a he nɔ ke, ‘Kɛ ma pee kɛɛ nɛ ma nu sisi kaa ja nɔ ko tsɔɔ mi?’”

Bɔfo Ɔmɛ A Ní Tsumi 8:30, 31

 “Kɛ je be nɛ Mawu bɔ je ɔ, e he wami nɛ ngɛ daa, kɛ e su nɛ ji níhi nɛ a nɛ́ kɛ hɛngmɛ ɔ jeɔ kpo paa ngɛ e nibɔ ní ɔmɛ a mi, nɛ adesa naa. Lɔ ɔ he ɔ, a be nya jemi ko kulaa.”

Roma Bi 1:20

“Ngɔɔ o he wami tsuo kɛ tsu ní nɛ ɔmɛ be tsuaa be, konɛ nihi tsuo nɛ a na o mɔde bɔmi.”

1 Timoteo 4:15

“Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa. Nyɛ ko ha waa jɔɔ wa he nya buami kaa bɔ nɛ ni komɛ hlaa peemi ɔ.”

Hebri Bi 10:24, 25

“Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.”

Yakobo 1:5