NÍ KASEMI 25
Mɛni Ji Mawu Yi Mi Tomi Kɛ Ha Adesahi?
Baiblo ɔ ha nɛ wa na kaa adesa wami ngɛ ‘kpiti nɛ e mi haomi hiɛ babauu.’ (Hiob 14:1) Anɛ jã ji bɔ nɛ Mawu to e yi mi ngɛ adesahi a he lo? Ke pi jã ji Mawu yi mi tomi ɔ, lɛɛ mɛni ji e yi mi tomi ngɛ wa he mɔ? Anɛ e yi mi tomi ɔ maa ba mi lo? Moo hyɛ hetohi nɛ woɔ nɔ bua nɛ Baiblo ɔ kɛ ha a.
1. Mɛni si himi nɛ Yehowa suɔ kaa wa ná?
Yehowa suɔ kaa wa ná si himi kpakpa. Benɛ e bɔ Adam kɛ Hawa a, e kɛ mɛ wo paradeiso nɛ ngɛ fɛu nɛ́ a tsɛɛ ke Eden abɔɔ ɔ mi. Lɔ ɔ se ɔ, “Mawu gbaa mɛ nɛ e de mɛ ke, ‘Nyɛ fɔ babauu nɛ nyɛɛ hiɛ; nyɛ hyi zugba a nɔ tsuo, nɛ nyɛɛ ye zugba a tsuo nɔ.’” (1 Mose 1:28) Yehowa suɔ kaa a fɔ bimɛ nɛ a pee zugba a tsuo paradeiso, nɛ́ a hyɛ lohwe ɔmɛ a nɔ. E yi mi tomi ji kaa adesahi tsuo nɛ a ye mluku, nɛ́ a hi si kɛ ya neneene.
E ngɛ mi kaa níhi yɛ nɔ kaa bɔ nɛ Mawu to ɔ mohu lɛɛ, a se e yi mi tomi ɔ tsakee we. (Yesaya 46:10, 11) Loloolo ɔ, e suɔ kaa adesahi nɛ a buɔ lɛ tue ɔ nɛ a ná si himi kpakpa kɛ ya neneene.—Kane Kpo Jemi 21:3, 4.
2. Mɛni blɔ nɔ wa maa gu kɛ ná bua jɔmi ngɛ si himi mi amlɔ nɛ ɔ?
Yehowa bɔ wɔ konɛ waa ngɔ wa hɛ kɛ fɔ e nɔ nɛ́ e tsɔɔ wɔ blɔ. Enɛ ɔ he je nɛ wa suɔ kaa wa maa le lɛ konɛ wa ja lɛ ɔ nɛ. (Kane Mateo 5:3-6.) E suɔ nɛ huɛ bɔmi gbagbanii nɛ hi waa kɛ lɛ wa kpɛti, ‘nɛ́ waa ye e mlaa amɛ tsuo a nɔ, nɛ waa suɔ lɛ,’ nɛ wa sɔmɔ lɛ “kɛ [wa] tsui tsuo.” (5 Mose 10:12; La 25:14) Ke wa peeɔ jã a, wa ma ná bua jɔmi ke waa kɛ nyagbahi ngɛ kpee po. Ke wa sɔmɔ Yehowa a, wa si himi maa pee kpakpa, nɛ wa maa le yi mi tomi nɛ ngɛ si himi he.
MOO KASE BABAUU
Moo kase suɔmi nɛ se be nɛ Yehowa je kpo benɛ e ngɛ zugba a bɔe ɔ, kɛ nɔ́ nɛ e Munyu ɔ de ngɛ yi mi nɛ e to ngɛ wa si himi he ɔ he ní.
3. Yehowa suɔ nɛ adesahi nɛ a ná si himi kpakpa
Mo je VIDEO ɔ, nɛ nyɛ susu sane bimi nɛ ɔ he.
-
Mɛni he je nɛ Mawu bɔ zugba nɛ ngɛ fɛu nɛ ɔ?
Nyɛɛ kane Fiɛlɔ 3:11 ɔ, nɛ nyɛ susu sane bimi nɛ ɔ he:
-
Mɛni nɛ ngmami nɛ ɔ tsɔɔ mo ngɛ Yehowa he?
4. Yehowa yi mi tomi ɔ tsakee we
Nyɛɛ kane La 37:11, 29 kɛ Yesaya 55:11 ɔ, nɛ nyɛ susu sane bimi nɛ ɔ he:
-
Kɛ wa plɛ kɛ le kaa yi mi nɛ Yehowa to ngɛ adesahi a he ɔ tsakee we kɛɛ?
Kaa bɔ nɛ ke we ko puɛ nɛ a ma nyɛ ma dla lɛ ekohu ɔ, jã pɛpɛɛpɛ nɛ Mawu ma dla zugba nɛ ɔ nɛ adesahi puɛ lɛ ɔ kɛ ha nihi nɛ a suɔ lɛ ɔ
5. Ke wa sɔmɔ Yehowa a, wa si himi maa pee kpakpa
Ke wa le yi mi tomi nɛ ngɛ si himi he ɔ, wa bua maa jɔ. Mo je VIDEO ɔ, nɛ nyɛ susu sane bimi nɛ ɔ he.
-
Benɛ Terumi kase yi mi tomi nɛ ngɛ si himi he ɔ, kɛ e ná he se ha kɛɛ?
Nyɛɛ kane Fiɛlɔ 12:13 ɔ, nɛ nyɛ susu sane bimi nɛ ɔ he:
-
Mɛni wa maa pee kɛ tsɔɔ kaa wa bua jɔ níhi babauu nɛ Yehowa pee kɛ ha wɔ ɔ he?
NƆ KO MA BI KE: “Mɛni he je nɛ Mawu bɔ wɔ kɛ ba je ɔ mi nɛ wa ba ngɛ nɔ́ nae ɔ?”
-
Kɛ o ma ha heto kɛɛ?
NYA MWƆMI
Yehowa suɔ kaa wa ná si himi kpakpa, nɛ́ wa ná bua jɔmi kɛ ya neneene ngɛ zugba a nɔ. Ke wa sɔmɔ lɛ kɛ wa tsui tsuo ɔ, wa si himi maa pee kpakpa amlɔ nɛ ɔ po.
Mi Nylɔmi
-
Sisije ɔ, mɛni ji Yehowa yi mi tomi kɛ ha Adam kɛ Hawa?
-
Kɛ wa plɛ kɛ le kaa Mawu yi mi tomi kɛ ha adesahi ɔ tsakee we ha kɛɛ?
-
Mɛni o maa pee konɛ o ná si himi kpakpa?
NÍ KPAHI NƐ MAA YE BUA MO
Moo kase nɔ́ he je nɛ wa ma nyɛ ma ná nɔ mi mami kaa Eden abɔɔ hi si niinɛ ɔ he ní.
“Eden Abɔɔ ɔ—E Hi Si Niinɛ Aloo E Ji Nyazia?” (Hwɔɔmi Mɔ, January 1, 2011)
Moo kane nɔ́ he je nɛ wa ma nyɛ ma ná nɔ mi mami kaa zugba a maa hi si kɛ ya neneene ɔ he ní.
“Anɛ A Ma Kpata Zugba a Hɛ Mi Lo?” (Munyu nɛ ɔ ngɛ Intanɛti ɔ nɔ)
Moo kane nɔ́ nɛ Baiblo ɔ de ngɛ blɔ nɔ nɛ o maa gu kɛ ná si himi kpakpa he ɔ he ní.
“Mɛni Yi Mi Tomi Lɛ Ngɛ Wami He?” (Munyu nɛ ɔ ngɛ Intanɛti ɔ nɔ)
Moo hyɛ bɔ nɛ nyumu ko nɛ e susu kaa e ngɛ nɔ́ fɛɛ nɔ́ ngɛ e si himi mi ɔ ba yɔse kaa nɔ́ ko ngɛ lɛ bɔe ha.
a Ngɛ ní kasemi nɛ nyɛɛ se ɔ mi ɔ, wa maa na nɔ́ he je nɛ Mawu yi mi tomi ɔ bɛ mi lolo ɔ.
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
