Fã 4 Mi Nylɔmi
Nɔ nɛ e kɛ mo ngɛ Baiblo ɔ kasee ɔ kɛ mo ma susu sane bimihi nɛ nyɛɛ se nɛ ɔmɛ a he:
Nyɛɛ kane Abɛ 13:20.
Mɛni he je nɛ e he hia nɛ o kɛ nile nɛ hla nihi nɛ o kɛ maa pee huɛ ɔ?
(Hyɛ Ní Kasemi 48.)
Mɛni Baiblo ga womi lɛ maa ye kɛ bua mo ke o ji . . .
huno loo yogbayo?
fɔlɔ loo jokuɛ?
(Hyɛ Ní Kasemi 49 kɛ 50.)
Mɛni munyu lɛ ke o tu ɔ, e maa sa Yehowa hɛ mi? Mɛni munyu lɛ ke o tu ɔ, e be e hɛ mi sae?
(Hyɛ Ní Kasemi 51.)
Mɛni Baiblo sisi tomi mlaahi lɛ maa ye bua mo, konɛ o mwɔ yi mi kpɔ nɛ da ngɛ bɔ nɛ o ma dla o he ha a he?
(Hyɛ Ní Kasemi 52.)
Mɛni blɔ nɔ o maa gu kɛ hla hɛja jemi nɛ sa Yehowa hɛ mi?
(Hyɛ Ní Kasemi 53.)
Nyɛɛ kane Mateo 24:45-47.
Mɛnɔ ji “tsɔlɔ anɔkualetsɛ kɛ ní lelɔ ɔ”?
(Hyɛ Ní Kasemi 54.)
Mɛni blɔ nɔ o maa gu kɛ ngɔ o be, o he wami, kɛ he lo nya níhi nɛ o ngɛ ɔ kɛ ye bua asafo ɔ?
(Hyɛ Ní kasemi 55.)
Nyɛɛ kane La 133:1.
Mɛni ji ní komɛ nɛ o ma nyɛ maa pee kɛ ye bua nɛ kake peemi nɛ hi asafo ɔ mi?
(Hyɛ Ní Kasemi 56.)
Ke wa pee yayami ko nɛ hɛdɔ ngɛ he ɔ, mɛni blɔ nɔ wa maa gu kɛ ná yemi kɛ buami kɛ je Yehowa ngɔ?
(Hyɛ Ní Kasemi 57.)
Nyɛɛ kane 1 Kronika 28:9.
Mɛni o maa pee kɛ tsɔɔ kaa o kɛ “o tsui tsuo” ngɛ Yehowa sɔmɔe ke nihi te si kɛ wo anɔkuale jami, aloo nɔ ko je anɔkuale ɔ mi?
Anɛ e he hia nɛ o pee tsakemi komɛ bɔ nɛ pee nɛ o ya nɔ nɛ o ye Yehowa anɔkuale, nɛ́ o je o he kulaa kɛ je lakpa jami he lo?
(Hyɛ Ní Kasemi 58.)
Kɛ o ma plɛ kɛ dla o he konɛ o nyɛ nɛ o da yi mi wami nya ha kɛɛ?
(Hyɛ Ní Kasemi 59.)
Mɛni o to kaa o maa pee konɛ o ya nɔ nɛ o hɛ kɛ su Yehowa he?
(Hyɛ Ní Kasemi 60.)
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
