Dɛbi, Yehowa Odasefohi wui mi dlami nyɔngma; wa jeɔ wa suɔmi mi nɛ wa haa yemi kɛ buami kɛ fĩɔ wa ní tsumi ɔ se. Mɛni ji mi dlami nyɔngma, nɛ mɛni he je nɛ Yehowa Odasefohi wui mi dlami nyɔngma a?

 Mlaa nɛ tsɔɔ kaa a wo mi dlami nyɔngma, aloo nɔ ko nɛ e ngɔ níhi nɛ e ngɛ ɔmɛ a mi mi dlami nyɔngma kɛ ha a piɛɛ Mlaa nɛ a kɛ ha blema Israel ma a he. Se Baiblo ɔ ha nɛ e pee heii kaa Mlaa a, nɛ “mi dlami nyɔngma mi kakaaka” he mlaa a hu piɛɛ he ɔ kɔ we Kristofohi a he.​—Hebri Bi 7:​5, 18; Kolose Bi 2:​13, 14.

 Yehowa Odasefohi wui mi dlami nyɔngma, nɛ a sɛ̃ afɔle, mohu ɔ, a nyɛɛ kekle Kristofo ɔmɛ a nɔ hyɛmi nɔ́ ɔ se, nɛ a fĩɔ fiɛɛmi ní tsumi ɔ se ngɛ blɔ enyɔ nɔ: a fiɛɛ nɛ a tsɔɔ ní nɛ a wui mɛ hiɔ, nɛ a je ɔ a tsui mi nɛ a haa yemi kɛ buami.

 Waa kɛ blɔ tsɔɔmi nɛ Baiblo ɔ kɛ ha Kristofohi ɔ tsuɔ ní. Baiblo ɔ de ke: “Nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ tsui mi jɔmi.”​—2 Korinto Bi 9:7.