Dɛbi. Yehowa Odasefohi he ye kaa Mawu nɛ bɔ nɔ́ tsuaa nɔ́. Se wa he we yi kaa ligbi ekpa pɛ nɛ e kɛ bɔ je ɔ. Mɛni he je? Ejakaa Baiblo ɔ kɛ jamɛ a susumi ɔ kpa we gbi. Mo susu nɔ hyɛmi níhi enyɔ nɛ ɔmɛ a he nɛ o hyɛ:

1.   Adebɔ ligbi ekpa amɛ a nya kɛmi. Ni komɛ susu kaa ligbi ekpa, nɛ ligbi ɔ eko tsuaa eko hɛɛ ngmlɛfia 24 nɛ a kɛ bɔ je ɔ. Se bɔ nɛ Baiblo ɔ kɛ munyu nɛ ji “ligbi” tsu ní ha a ma nyɛ maa tsɔɔ be gagaa.​—⁠1 Mose 2:4; La 90:4.

2.   Jeha abɔ nɛ zugba a ye. Nihi nɛ a susu kaa ligbi ekpa pɛ nɛ a kɛ bɔ je ɔ a ti ni komɛ tsɔɔ kaa zugba a ye jeha akpe bɔɔ ko pɛ. Se Baiblo ɔ tsɔɔ kaa zugba a kɛ je mluku ɔ ngɛ loko adebɔ ligbi ekpa amɛ je sisi. (1 Mose 1:1) Enɛ ɔ he ɔ, Yehowa Odasefohi ji atsinyɛ ngɛ níhi a mi hlami nɛ da nɛ je mi ní leli pee nɛ tsɔɔ kaa zugba a ye maa pee jeha ayɔ akpehi abɔ ɔ he.

 E ngɛ mi kaa Yehowa Odasefohi he ye kaa Mawu nɛ bɔ níhi mohu lɛɛ, se wa kua we je mi si kpami he nile. Wa he ye kaa Baiblo ɔ kɛ je mi si kpami he nile nɛ da a kpaa gbi.