Առակներ 24:1-34
24 Չար մարդկանց մի՛ նախանձիր+ և մի՛ փափագիր մտերմանալ նրանց հետ+,
2 որովհետև նրանց սիրտը կողոպուտի մասին է խորհում, և նրանց շուրթերը ուրիշներին չարիք անելու մասին են խոսում+։
3 Տունը իմաստությամբ կկառուցվի*+ և խորաթափանցությամբ կհաստատվի+։
4 Գիտելիքների շնորհիվ ներքին սենյակները ամեն տեսակ թանկարժեք ու հաճույք պատճառող արժեքավոր բաներով կլցվեն+։
5 Իմաստուն կերպով իր ուժն օգտագործողը ուժեղ մարդ է+, և գիտելիք ունեցող մարդը ամրապնդում է իր զորությունը+։
6 Հմուտ առաջնորդությամբ վարիր քո պատերազմը+, և խորհրդատուների շատության դեպքում փրկություն է լինում+։
7 Հիմարի համար իսկական իմաստությունը չափազանց բարձր է+, դարպասների մոտ նա չի բացի իր բերանը։
8 Ով որ ծրագրում է չարիք անել, չար գաղափարների վարպետ կկոչվի+։
9 Հիմարությունից բխող անառակ վարքը մեղք է+, և ծաղր անողը գարշելի է մարդկանց համար+։
10 Եթե նեղության օրը վհատվես+, քո ուժը խղճուկ կլինի։
11 Ազատիր նրանց, ովքեր դեպի մահ են տարվում, և օգնության հասիր նրանց, ովքեր մոտ են սպանվելուն+։
12 Եթե ասես՝ «մենք դրա մասին չգիտեինք»+, մի՞թե սրտերը գնահատողը չի նկատի դա+, և քո հոգին քննողը մի՞թե չի իմանա+ և չի հատուցի մարդուն՝ ըստ իր գործերի+։
13 Որդի՛ս, մեղր կեր, որովհետև այն լավ է, և քիմքիդ վրա թող խորիսխի քաղցր մեղր լինի+։
14 Նմանապես, քո հոգու օգտի համար իմաստություն ճանաչիր+։ Եթե գտել ես այն, լավ ապագա կունենաս, և քո հույսը չի կտրվի+։
15 Ամբարշտի նման դարանամուտ մի՛ եղիր արդարի բնակատեղի մոտ+ և մի՛ կողոպտիր նրա բնակավայրը+,
16 որովհետև եթե արդարը նույնիսկ յոթ անգամ ընկնի, վեր կկենա+, բայց ամբարիշտները փորձանքի պատճառով կսայթաքեն+։
17 Երբ քո թշնամին ընկնի, մի՛ ուրախացիր, և երբ նա սայթաքի, թող քո սիրտը չցնծա+,
18 որ Եհովան չտեսնի դա, քանի որ նրա աչքին դա չարիք կլինի, ու նա իր բարկությունը հետ կդարձնի նրանից+։
19 Մի՛ բորբոքվիր չարագործների դեմ և մի՛ նախանձիր ամբարիշտ մարդկանց+,
20 որովհետև չարը ապագա չի ունենա+. ամբարիշտների ճրագը կհանգչի+։
21 Որդի՛ս, Եհովայից ու թագավորից վախեցիր+ և խռովարարների հետ մի՛ խառնվիր+,
22 որովհետև աղետը նրանց վրա հանկարծակի կգա+։ Եվ ո՞վ գիտի, թե երբ կգա խռովարարների կործանումը+։
23 Այս խոսքերը նաև իմաստունների համար են+. «Դատաստանի ժամանակ կողմնապահություն անելը լավ չէ»+։
24 Նա, ով ամբարշտին ասում է՝ «դու արդար ես»+, կնզովվի մարդկանց կողմից և կդատապարտվի ազգերի կողմից։
25 Բայց նրան հանդիմանողներին բարիք կլինի+, և նրանք լավ բաներով կօրհնվեն+։
26 Նա, ով ազնվորեն է պատասխանում, շուրթեր կհամբուրի+։
27 Դրսի գործերդ արա և դաշտում դրանք ավարտին հասցրու+։ Դրանից հետո նաև տունդ շինիր։
28 Առանց հիմքի մերձավորիդ դեմ վկայություն մի՛ տուր+, այլապես շուրթերովդ հիմարություն կանես+։
29 Մի՛ ասա. «Ինչպես որ նա ինձ արեց, այնպես էլ ես եմ նրան անելու+, ամեն մեկին իր գործերի համեմատ եմ հատուցելու»+։
30 Ես անցնում էի ծույլի+ դաշտի մոտով ու խոհեմ սիրտ չունեցող մարդու խաղողի այգու մոտով+։
31 Տեսա, որ դրանք եղինջով էին ծածկվել+, և ամենուր մոլախոտ էր աճել, ու դրանց քարե պարիսպը քանդվել էր+։
32 Ես նայեցի ու սրտումս դրեցի+, տեսա և ընդունեցի խրատը*+.
33 մի քիչ քուն, մի քիչ նինջ, մի քիչ ձեռքերը ծալած պառկել+,
34 և քո չքավորությունը կգա ավազակի պես, ու կարիքը՝ զինված մարդու պես+։
