Առակներ 29:1-27
29 Այն մարդը, որը շարունակ հանդիմանվելուց հետո+ իր պարանոցը խստացնում է+, հանկարծ կկոտրվի, և ապաքինում չի լինի+։
2 Երբ արդարները շատանում են, ժողովուրդն ուրախանում է+, բայց երբ ամբարիշտն է իշխում, ժողովուրդը հառաչում է+։
3 Իմաստություն սիրող մարդը ուրախացնում է իր հորը+, բայց ով մարմնավաճառների հետ է ընկերակցում, կործանում է թանկարժեք բաները+։
4 Արդարադատությամբ թագավորը հաստատում է երկիրը+, բայց կաշառքների ձգտող մարդը քանդում է այն+։
5 Իր ընկերոջը շողոքորթող մարդը+ նրա ոտքերի համար ցանց է գցում+։
6 Չար մարդու հանցանքի մեջ որոգայթ կա+, բայց արդարը ցնծությունից բացականչում է և ուրախ է+։
7 Արդարը գիտի խեղճերի իրավական բողոքը+, իսկ ամբարիշտը չի էլ ուզում իմանալ այդ մասին+։
8 Պարծենալով խոսող մարդը հրկիզում է քաղաքը+, բայց իմաստունները դադարեցնում են բարկությունը+։
9 Երբ իմաստուն մարդը դատի մեջ է մտնում հիմարի հետ, նա վրդովվում ու ծիծաղում է, և հանգստություն չի լինում+։
10 Արյան ծարավ մարդիկ ատում են անարատին+, իսկ ուղղամիտները յուրաքանչյուր հոգու բարիքն են փնտրում+։
11 Հիմարը թափում է իր ողջ ջղայնությունը, բայց իմաստունը մինչև վերջ հանդարտ է մնում+։
12 Եթե իշխանը ուշադրություն դարձնի սուտ զրույցներին, նրա բոլոր ծառայողները ամբարիշտ կլինեն+։
13 Աղքատն ու հարստահարող մարդը հանդիպեցին իրար+, բայց նրանց երկուսի աչքերին էլ Եհովան է լույս տալիս+։
14 Եթե թագավորը խեղճերին ճշմարտությամբ դատի+, նրա գահը ընդմիշտ հաստատուն կլինի+։
15 Գավազանն ու հանդիմանությունը իմաստություն են տալիս+, բայց ինքնահոսի թողնված երեխան կամաչեցնի իր մորը+։
16 Երբ ամբարիշտները շատանում են, հանցանքն էլ է շատանում, բայց արդարները կտեսնեն նրանց անկումը+։
17 Պատժիր որդուդ, և նա քեզ հանգստություն կբերի ու քո հոգուն մեծ հաճույք կպատճառի+։
18 Տեսիլք չլինելիս ժողովուրդը անկառավարելի է դառնում+, բայց օրենքը պահողները երջանիկ են+։
19 Միայն խոսքերով ծառան չի ուղղվի+, որովհետև նա հասկանում է դրանք, բայց ուշադրություն չի դարձնում+։
20 Տեսե՞լ ես իր խոսքերում շտապող մարդու+։ Հիմարից ավելի շատ հույս կա, քան նրանից+։
21 Եթե ինչ-որ մեկը իր ծառային մանկությունից երես է տալիս, հետագայում նա անշնորհակալ կդառնա։
22 Բարկությանն անձնատուր եղած մարդը կռիվ է հարուցում+, և նա, ով հակված է զայրանալու, շատ հանցանքներ ունի+։
23 Մարդու ամբարտավանությունը կխոնարհեցնի նրան+, բայց նա, ով ոգով խոնարհ է, փառք կստանա+։
24 Գողի հետ ընկերակցողը իր իսկ հոգին է ատում+։ Նա անեծքով երդում է լսում, բայց ոչինչ չի հայտնում+։
25 Մարդկանց հանդեպ վախը ծուղակն է գցում+, բայց Եհովային ապավինողը պաշտպանված կլինի+։
26 Շատերն են փնտրում իշխանի երեսը+, բայց մարդու դատաստանը Եհովայից է+։
27 Անարդար մարդը գարշելի է արդարների համար+, իսկ նա, ով ուղղամիտ է իր ճանապարհներում, գարշելի է ամբարշտի համար+։
