Դանիել 7:1-28
7 Բաբելոնի Բաղդասար+ թագավորի առաջին տարում Դանիելն իր անկողնում երազ ու տեսիլքներ տեսավ+։ Այդ ժամանակ նա գրի առավ երազը+ և պատմեց այն ամենը, ինչ տեսել ու լսել էր։
2 Դանիելը սկսեց խոսել ու ասաց.
«Գիշերը ես տեսիլքներ էի տեսնում, և ահա երկնքի չորս քամիները+ ալեկոծում էին մեծ ծովը+։
3 Չորս հսկա գազաններ+ էին դուրս գալիս ծովից+, և յուրաքանչյուրը տարբերվում էր+ մյուսներից։
4 Առաջինը առյուծի+ էր նման և արծվի+ թևեր ուներ։ Ես շարունակեցի նայել, և ահա նրա թևերը կտրվեցին, նա բարձրացվեց երկրից+ ու մարդու պես երկու ոտքի վրա կանգնեցվեց, և նրան մարդու սիրտ տրվեց+։
5 Եվ ահա մի ուրիշ գազան՝ երկրորդը, որն արջի+ էր նման։ Նա բարձրացրել էր իր մի կողմը+, և բերանում՝ ատամների մեջ, երեք կողոսկր կար։ Նրան ասվեց. «Վե՛ր կաց, շատ մի՛ս կեր»+։
6 Դրանից հետո ես նայում էի, և ահա տեսա մեկ այլ գազան, որն ընձառյուծի+ էր նման, սակայն մեջքին թռչնի չորս թև ուներ։ Այդ գազանը չորս գլուխ ուներ+, և նրան իշխանություն տրվեց։
7 Դրանից հետո ես նայում էի գիշերվա տեսիլքներում, և ահա տեսա չորրորդ գազանին, որը ահեղ ու զարհուրելի էր և արտասովոր ուժ ուներ+։ Նա երկաթե մեծ ատամներ ուներ, խժռում ու ջարդուփշուր էր անում, իսկ մնացածը կոխկռտում էր ոտքերով։ Նա տարբերվում էր իրենից առաջ եղող մյուս բոլոր գազաններից և տասը եղջյուր ուներ+։
8 Ես ուշադիր նայում էի այդ եղջյուրներին, և ահա մեկ ուրիշ եղջյուր, որը փոքր էր+, դուրս եկավ դրանց մեջտեղը, և նախկին եղջյուրներից երեքը կոտրվեցին նրա առաջ։ Այս եղջյուրը մարդու աչքերի պես աչքեր ուներ, նաև բերան, որը մեծ-մեծ բաներ էր խոսում+։
9 Ես շարունակեցի նայել, և ահա գահեր դրվեցին+, և Հինավուրցը+ նստեց։ Նրա հանդերձը ձյան պես սպիտակ էր+, իսկ գլխի մազերը մաքուր բրդի պես էին+։ Նրա գահը կրակի բոց էր+, իսկ գահի անիվները՝ բորբոքված կրակ+։
10 Կրակե մի գետ էր հոսում նրա առջևից+։ Հազար հազարներ ծառայում էին նրան+, և բյուր բյուրեր կանգնած էին նրա առաջ+։ Ատյանը+ նստեց, և գրքերը բացվեցին։
11 Այդ ժամանակ ես շարունակեցի նայել, որովհետև լսում էի եղջյուրի մեծ-մեծ խոսքերը+։ Ես նայում էի, և ահա գազանը սպանվեց, նրա մարմինը ոչնչացվեց, և նա բորբոքված կրակին մատնվեց+։
12 Իսկ մյուս գազաններից+ իշխանությունը խլվեց, և նրանց կյանքը երկարացվեց մի որոշ ժամանակով ու ժամանակահատվածով+։
13 Հետո գիշերվա տեսիլքներում նայում էի, և ահա երկնքի ամպերով+ գալիս էր մարդու որդու+ նման մեկը։ Նրան թույլ տրվեց մոտենալ Հինավուրցին+, և նա մոտ բերվեց Նրան+։
14 Եվ նրան տրվեց իշխանություն+, պատիվ+ ու թագավորություն+, որպեսզի բոլոր ժողովուրդները, ազգություններն ու լեզուները ծառայեն նրան+։ Նրա իշխանությունը հավիտենական* իշխանություն է, որը չի անցնի, և նրա թագավորությունը չի ավերվի+։
15 Այդ պատճառով իմ՝ Դանիելիս ոգին ընկճվեց, և իմ տեսած տեսիլքները սկսեցին վախեցնել ինձ+։
16 Ես մոտեցա կանգնածներից մեկին, որ խնդրեմ այս ամենի ստույգ բացատրությունը+։ Նա խոսեց ինձ հետ և տվեց այդ բաների մեկնությունը։
17 «Այն, որ այդ հսկա գազանները չորսն են+, նշանակում է, որ չորս թագավորներ են վեր կենալու երկրից+։
18 Սակայն Ամենաբարձրյալի+ սրբերը+ կստանան թագավորությունը+ և դրան կտիրանան դարեդար, դարեր շարունակ»։
19 Հետո ես ցանկացա ավելին իմանալ չորրորդ գազանի մասին, որը տարբերվում էր մյուս բոլորից, անչափ ահեղ էր, ատամները երկաթից էին, իսկ ճանկերը՝ պղնձից, և որը խժռում ու ջարդուփշուր էր անում, իսկ մնացածը կոխկռտում էր ոտքերով+,
20 ինչպես նաև նրա գլխի տասը եղջյուրների+ և մյուս եղջյուրի մասին+, որը դուրս եկավ, և որի առաջ երեքն ընկան+, այն եղջյուրի, որն աչքեր ուներ ու մեծ-մեծ խոսող բերան+ և որն իր կերպարանքով մյուսներից ավելի մեծ էր։
21 Այնուհետև տեսա, որ այդ եղջյուրը սրբերի դեմ պատերազմ սկսեց։ Նա հաղթում էր նրանց+,
22 մինչև որ եկավ Հինավուրցը+, հօգուտ Ամենաբարձրյալի սրբերի դատավճիռ կայացվեց+, և եկավ որոշված ժամանակը, որ սրբերը տիրանան թագավորությանը+։
23 Ահա թե ինչ ասաց նա. «Չորրորդ գազանը նշանակում է, որ երկրի վրա լինելու է չորրորդ թագավորությունը, որը տարբերվելու է մյուս բոլոր թագավորություններից։ Այն խժռելու է ողջ երկիրը, կոխկռտելու և ջարդուփշուր է անելու այն+։
24 Իսկ ինչ վերաբերում է տասը եղջյուրներին, ապա այդ թագավորությունից տասը թագավորներ են վեր կենալու+։ Նրանցից հետո մեկ ուրիշն էլ է վեր կենալու, որը տարբերվելու է առաջիններից+։ Նա նվաստացնելու է երեք թագավորների+։
25 Բարձրյալի դեմ խոսքեր է ասելու+ և անընդհատ ճնշելու է Ամենաբարձրյալի սրբերին+։ Նա նպատակ է ունենալու փոխելու ժամանակներն+ ու օրենքը+, և նրանք նրա ձեռքն են տրվելու մի ժամանակ, երկու ժամանակ ու կես ժամանակ*+։
26 Եվ Ատյանը նստեց+, ու նրա իշխանությունը վերցրին նրանից, որպեսզի նա կործանման մատնվի ու լիովին ոչնչացվի+։
27 Թագավորությունը, իշխանությունն ու ողջ երկնքի թագավորությունների մեծությունը տրվեցին Ամենաբարձրյալի սրբերի ժողովրդին+։ Նրանց թագավորությունը դարեդար տևող թագավորություն է+, և բոլոր իշխանությունները կծառայեն ու կհնազանդվեն նրանց»+։
28 Այստեղ ավարտվում է իմ տեսածն ու լսածը։ Իմ՝ Դանիելիս մտքերը շատ վախեցնում էին ինձ, այնպես որ դեմքս գունատվեց։ Սակայն այդ ամենը ես պահեցի սրտումս»+։
