Դատավորներ 11:1-40
11 Գաղաադցի+ Հեփթայեն+ ուժեղ ու խիզախ մարդ էր+։ Նա մի պոռնիկ+ կնոջ զավակ էր, իսկ Հեփթայեի հայրը Գաղաադն էր։
2 Գաղաադի կինը նրա համար որդիներ ծնեց։ Երբ այդ կնոջ որդիները մեծացան, վռնդեցին Հեփթայեին՝ ասելով. «Դու ժառանգություն չունես մեր հոր տան մեջ+, որովհետև դու ուրիշ կնոջ որդի ես»։
3 Հեփթայեն փախավ իր եղբայրներից ու բնակություն հաստատեց Տոբ երկրում+։ Հեփթայեի շուրջը դատարկապորտ մարդիկ էին հավաքվում և շրջում էին նրա հետ+։
4 Որոշ ժամանակ անց Ամմոնի որդիները պատերազմ սկսեցին Իսրայելի դեմ+։
5 Եվ երբ Ամմոնի որդիները սկսեցին պատերազմել Իսրայելի դեմ+, Գաղաադի երեցները շուտափույթ գնացին, որ Հեփթայեին Տոբ երկրից բերեն+։
6 Նրանք ասացին Հեփթայեին. «Եկ և մեր զորապետը եղիր, և մենք պատերազմենք Ամմոնի որդիների դեմ»։
7 Սակայն Հեփթայեն ասաց Գաղաադի երեցներին+. «Դուք չէի՞ք, որ ատում էիք ինձ և ինձ դուրս վռնդեցիք իմ հոր տնից+։ Հիմա, երբ նեղության մեջ եք, ինչո՞ւ եք եկել ինձ մոտ»+։
8 Գաղաադի երեցներն ասացին Հեփթայեին. «Հենց այդ պատճառով էլ քեզ մոտ ենք եկել+։ Արի մեզ հետ ու կռվիր Ամմոնի որդիների դեմ, և դու մեր՝ Գաղաադի բոլոր բնակիչներիս, գլուխը կլինես»+։
9 Հեփթայեն էլ ասաց Գաղաադի երեցներին. «Եթե դուք ինձ հետ բերեք, որ Ամմոնի որդիների դեմ պատերազմեմ, ու Եհովան նրանց իմ ձեռքը մատնի+, ապա ես ձեր գլուխը կդառնամ»։
10 Գաղաադի երեցներն էլ պատասխանեցին Հեփթայեին. «Թող Եհովան լսի ու դատի մեզ+, եթե քո խոսքի համաձայն չվարվենք»+։
11 Ուստի Հեփթայեն գնաց Գաղաադի երեցների հետ, և ժողովուրդը նրան իր վրա գլուխ ու զորապետ դրեց+։ Հեփթայեն իր այս բոլոր խոսքերը ասաց Եհովայի առաջ+ Մասփայում+։
12 Այդ ժամանակ Հեփթայեն պատգամաբերներ ուղարկեց Ամմոնի որդիների+ թագավորի մոտ՝ ասելով. «Դու ինձ հետ ի՞նչ գործ ունես+, որ եկել ես իմ դեմ պատերազմելու իմ երկրում»։
13 Իսկ Ամմոնի որդիների թագավորը Հեփթայեի պատգամաբերներին ասաց. «Երբ Իսրայելը դուրս եկավ Եգիպտոսից, գրավեց իմ երկիրը+՝ Առնոնից+ մինչև Հաբոկ և մինչև Հորդանան+։ Եվ հիմա վերադարձրու այն խաղաղությամբ»։
14 Սակայն Հեփթայեն նորից պատգամաբերներ ուղարկեց Ամմոնի որդիների թագավորի մոտ
15 ու ասաց նրան.
«Այսպես է ասում Հեփթայեն. «Իսրայելը չի զավթել Մովաբ երկիրը+ և Ամմոնի որդիների երկիրը+։
16 Երբ Իսրայելը Եգիպտոսից դուրս եկավ, անապատով գնաց մինչև Կարմիր ծովը+ ու եկավ Կադես+։
17 Հետո Իսրայելը պատգամաբերներ ուղարկեց Եդոմի թագավորի մոտ+՝ ասելով. «Խնդրում եմ, թույլ տուր՝ անցնեմ քո երկրի միջով»։ Բայց Եդոմի թագավորը չլսեց։ Մովաբի+ թագավորի մոտ էլ ուղարկեց, սակայն նա էլ չհամաձայնվեց։ Եվ Իսրայելը մնաց Կադեսում+։
18 Երբ նրանք շրջում էին անապատում, Եդոմի երկրի+ ու Մովաբի երկրի շուրջը պտույտ տվեցին, եկան Մովաբի երկրի արևելյան կողմը+ ու ճամբար դրեցին Առնոնի շրջանում։ Նրանք չմտան Մովաբի սահմանից ներս+, որովհետև Առնոնը Մովաբի սահմանն էր+։
19 Դրանից հետո Իսրայելը պատգամաբերներ ուղարկեց ամորհացիների Սեհոն թագավորի մոտ, որը Եսեբոնի թագավորն էր+, ու ասաց նրան. «Խնդրում ենք, թույլ տուր՝ անցնենք քո երկրի միջով մինչև մեր տեղը»+։
20 Սեհոնը չվստահեց Իսրայելին, որ թույլ տար նրան անցնել իր տարածքով, ուստի Սեհոնը հավաքեց իր ողջ ժողովրդին ու բանակ դրեց Հասսայում+ և սկսեց կռվել Իսրայելի դեմ+։
21 Այդ ժամանակ Իսրայելի Աստված Եհովան Սեհոնին ու նրա ողջ ժողովրդին Իսրայելի ձեռքը մատնեց, և նրանք ջարդեցին նրանց. և Իսրայելը տիրեց այդ երկրում ապրող ամորհացիների ամբողջ երկրին+։
22 Այդպես նրանք տիրեցին ամորհացիների ողջ երկրին՝ Առնոնից մինչև Հաբոկ և անապատից մինչև Հորդանան+։
23 Այսպես Իսրայելի Աստված Եհովան ամորհացիներին վռնդեց իր Իսրայել ժողովրդի առաջից+, իսկ դու ուզում ես վռնդել այդ ժողովրդին։
24 Մի՞թե դուք չեք ժառանգի նրանց երկիրը, որոնց ձեր Քամոս+ աստվածը թույլ է տալիս ձեզ վռնդել։ Մենք էլ պիտի ժառանգենք նրանց երկիրը, որոնց մեր Աստված Եհովան է վռնդել մեր առաջից+։
25 Եվ հիմա դու Սեպփորի որդի Բաղակից՝ Մովաբի թագավորից ավելի լա՞վն ես+. մի՞թե նա երբևէ վիճել է Իսրայելի հետ, կամ մի՞թե նա երբևէ պատերազմել է նրա դեմ։
26 Իսրայելը երեք հարյուր տարի ապրեց Եսեբոնում և նրա կախյալ քաղաքներում+, Արոերում+ և նրա կախյալ քաղաքներում և Առնոնի եզերքին գտնվող բոլոր քաղաքներում. ինչո՞ւ հենց այդ ժամանակ դրանք չխլեցիք+։
27 Ես քո դեմ մեղք չեմ գործել, իսկ դու ինձ հետ վատ ես վարվում՝ պատերազմելով իմ դեմ։ Թող այսօր Եհովան՝ Դատավորը+, դատաստան անի Իսրայելի որդիների և Ամմոնի որդիների միջև»»։
28 Սակայն Ամմոնի որդիների թագավորը չլսեց Հեփթայեի՝ իրեն ուղարկած այս խոսքերը+։
29 Եհովայի ոգին իջավ Հեփթայեի վրա+, և նա անցավ Գաղաադի ու Մանասեի միջով, ապա անցավ Գաղաադի Մասփայի+ միջով և Գաղաադի Մասփայից Ամմոնի որդիների կողմը գնաց։
30 Այնուհետև Հեփթայեն երդում+ տվեց Եհովային ու ասաց. «Եթե դու Ամմոնի որդիներին ամբողջությամբ իմ ձեռքը մատնես,
31 և երբ ես խաղաղությամբ+ վերադառնամ Ամմոնի որդիների մոտից, այդ ժամանակ նա, ով իմ տան դռներից ինձ ընդառաջ դուրս գա, Եհովային կպատկանի+, և ես նրան ողջակեզ կմատուցեմ»+։
32 Եվ այսպես, Հեփթայեն գնաց Ամմոնի որդիների մոտ՝ նրանց դեմ պատերազմելու, և Եհովան նրա ձեռքը մատնեց նրանց։
33 Նա հարվածեց նրանց Արոերից մինչև Մեննիթ+՝ քսան քաղաքներ, և մինչև Աբել-Քերամիմ՝ սաստիկ կոտորածով։ Այսպես Ամմոնի որդիները հպատակվեցին Իսրայելի որդիներին։
34 Վերջապես Հեփթայեն եկավ Մասփա+՝ իր տունը, և ահա նրա աղջիկը դուրս եկավ նրան ընդառաջ՝ դափ նվագելով ու պարելով+։ Նա նրա միակ զավակն էր, և նրանից բացի, նա տղա կամ աղջիկ չուներ։
35 Երբ Հեփթայեն տեսավ նրան, պատառոտեց իր հագուստներն+ ու ասաց. «Վա՜յ ինձ, աղջի՛կս։ Դու ինձ տապալեցիր ու դարձար մեկը, որին ես վտարման դատապարտեցի։ Բերանս բաց եմ արել Եհովայի առաջ և հիմա չեմ կարող հետ կանգնել»+։
36 Բայց նա ասաց. «Հա՛յր իմ, եթե քո բերանը բաց ես արել Եհովայի առաջ, ապա ինձ հետ արա այն, ինչ դուրս է եկել քո բերանից+, քանի որ Եհովան քեզ համար վրեժխնդիր եղավ քո թշնամիներից՝ Ամմոնի որդիներից»։
37 Նաև ասաց իր հորը. «Միայն թե այս բանն արա ինձ համար. թույլ տուր՝ ընկերուհիներիս հետ երկու ամսով գնամ լեռները ու կուսությանս վրա ողբամ»+։
38 Նա էլ ասաց՝ գնա։ Եվ երկու ամսով արձակեց նրան։ Աղջիկը գնաց իր ընկերուհիների հետ ու լեռներում ողբաց իր կուսության վրա։
39 Երկու ամիսը լրանալուց հետո վերադարձավ իր հոր մոտ, որից հետո հայրը կատարեց իր երդումը, որ տվել էր նրա համար+։ Աղջիկը երբեք հարաբերություն չունեցավ որևէ տղամարդու հետ։ Եվ Իսրայելում սովորություն դարձավ.
40 ամեն տարի՝ տարվա մեջ չորս օր, Իսրայելի աղջիկները գնում էին գովելու գաղաադցի Հեփթայեի աղջկան+։
