Եզեկիել 19:1-14
19 «Իսկ դու Իսրայելի իշխանների+ մասին ողբերգ+ ասա.
2 «Ո՞վ էր քո մայրը. առյուծ՝ առյուծների մեջ+։ Նա պառկում էր առյուծների մեջ ու մեծացնում էր իր կորյուններին։
3 Նա դաստիարակեց իր կորյուններից մեկին+, և այն դարձավ հզոր առյուծ։ Նա սովորեց պատառոտել որսը+ և նույնիսկ մարդկանց խժռեց։
4 Ազգերը լսեցին նրա մասին. նա բռնվեց նրանց պատրաստած փոսում, և նրան կարթերով Եգիպտոս տարան+։
5 Երբ նա տեսավ, որ զուր էր սպասել, և իր հույսը կորել է, վերցրեց մեկ այլ կորյունի+ ու նրան հզոր առյուծ դարձրեց։
6 Նա սկսեց քայլել առյուծների մեջ, հզոր առյուծ դարձավ, սովորեց պատառոտել որսը+ և նույնիսկ մարդկանց խժռեց+։
7 Նա իմանում էր, թե որտեղ են գտնվում նրանց բնակելի աշտարակները, և ավերում էր նրանց քաղաքները+, այնպես որ երկիրն ամայի դարձավ, և նա իր մռնչյունով լցրեց այն+։
8 Շրջակա գավառներից ազգերը նրա դեմ դուրս եկան+ և իրենց ցանցը գցեցին նրա վրա+։ Նա բռնվեց նրանց պատրաստած փոսում+։
9 Ի վերջո, նրան կարթերով գցեցին վանդակի մեջ ու բերեցին Բաբելոնի թագավորի մոտ+։ Նրան բերեցին որսացանցով, որպեսզի նրա ձայնն այլևս չլսվի Իսրայելի լեռներում+։
10 Քո մայրը+ ջրերի մոտ տնկված որթատունկի պես էր արյանդ մեջ+։ Առատ ջրերի շնորհիվ նա պտղատու դարձավ և շատ ճյուղեր արձակեց+։
11 Դրանք նրա համար ամուր ճյուղեր դարձան, որ պիտանի էին իշխանների գավազանների համար+։ Որթատունկը ավելի բարձր դարձավ, քան մյուս ծառերի ճյուղերը։ Իր բարձրության ու սաղարթի շնորհիվ նա տեսանելի դարձավ+։
12 Բայց նրան արմատախիլ արեցին ցասումով+, գետին գցեցին, և արևելյան քամին չորացրեց նրա պտուղները+։ Նրա ամուր ճյուղը պոկեցին, և այն չորացավ+։ Կրակը լափեց այն+։
13 Հիմա այն տնկված է անապատում+, անջուր ու ծարավուտ երկրում+։
14 Եվ ահա դրա ճյուղից կրակ դուրս եկավ+, լափեց դրա ընձյուղները, պտուղները, և այն մնաց առանց ամուր ճյուղի՝ իշխելու գավազանի+։
Սա ողբերգ է և ողբերգ էլ կմնա»»+։
