Ելք 15:1-27
15 Այդ ժամանակ Մովսեսը և Իսրայելի որդիները հետևյալ երգը երգեցին Եհովայի համար+.
«Պիտի երգեմ Եհովային, քանի որ նա փառքով փառավորված է+,
Ձին իր հեծյալի հետ ծովը նետեց+։
2 Իմ ուժն ու զորությունն է Յահը*+, քանի որ նա իմ փրկությունն է+։
Ահա իմ Աստվածը, ես կգովաբանեմ նրան+. նա իմ հոր Աստվածն է+, ես կմեծարեմ նրան+։
3 Եհովան խիզախ պատերազմող է+։ Եհովա է նրա անունը+։
4 Փարավոնի կառքերն ու նրա զորքը նա ծովը նետեց+,
Եվ նրա ընտիր ռազմիկները+ սուզվեցին Կարմիր ծովում։
5 Մոլեգնած ջրերը ծածկեցին նրանց+. քարի պես նրանք խորքերն իջան+։
6 Քո աջ ձեռքը, ո՜վ Եհովա, զորությամբ փառահեղ է+,
Քո աջ ձեռքը, ո՜վ Եհովա, կարող է փշրել թշնամուն+։
7 Քո մեծ գերազանցությամբ դու կարող ես տապալել նրանց, ովքեր ապստամբում են քո դեմ+.
Դու ուղարկում ես քո բորբոքված բարկությունը, և այն կլանում է նրանց ինչպես ծղոտի+։
8 Քո քթի* շնչից+ ջրերը հավաքվեցին,
Նրանք կանգնեցին, ինչպես պատնեշ հեղեղի դեմ,
Մոլեգնած ջրերը քարացան ծովի սրտում։
9 Թշնամին ասաց. «Հետապնդեմ+ ու հասնեմ+,
Ավար բաժանեմ+, ու հոգիս կշտանա նրանցով։
Սուրս քաշեմ, և ձեռքս կործանի նրանց»+։
10 Փչեցիր+ քո շնչով, և ծովը ծածկեց նրանց+,
Կապարի պես սուզվեցին փառահեղ ջրերում+։
11 Ո՜վ Եհովա, աստվածների մեջ ո՞վ է քեզ նման+։
Ո՞վ է քեզ նման, դու գերազանց ես սրբությամբ+,
Դու Նա ես, ումից պետք է վախենալ+, և ում փառաբանական երգեր երգել+, դու հրաշքներ Անող ես+։
12 Աջ ձեռքդ մեկնեցիր+, և երկիրը կուլ տվեց նրանց+։
13 Քո սիրառատ բարությամբ* առաջնորդեցիր այն ժողովրդին, որին ազատեցիր+.
Քո զորությամբ դու կուղեկցես նրանց դեպի քո սուրբ բնակատեղը+։
14 Ժողովուրդները կլսեն+, նրանք կտագնապեն+,
Երկունքի ցավեր+ կպատեն փղշտացիների երկրի բնակիչներին։
15 Այդ ժամանակ Եդոմի ցեղապետները տագնապահար կլինեն,
Իսկ Մովաբի բռնակալներին դող կպատի+։
Քանանի բոլոր բնակիչները կհուսահատվեն+։
16 Ահ ու սարսափ կընկնի նրանց վրա+։
Քո բազկի մեծության պատճառով նրանք քարի պես անշարժ կդառնան,
Մինչև որ քո ժողովուրդն+ անցնի, ո՜վ Եհովա,
Մինչև որ քո կազմավորած+ ժողովուրդն անցնի+։
17 Դու կբերես նրանց ու կտնկես քո լեռան՝ քո կալվածքի վրա+՝
Այն հաստատված տեղում, որ պատրաստեցիր քո բնակության համար+, ո՛վ, Եհո՛վա,
Այն սրբարանում+, ո՜վ Եհովա, որ քո ձեռքերն են հաստատել։
18 Եհովան կթագավորի դարեդար, այո՛, հավիտյան+։
19 Երբ փարավոնի ձիերը+ նրա մարտակառքերով և նրա հեծելազորով ծովը մտան+,
Այդ ժամանակ Եհովան ծովի ջրերը հետ բերեց նրանց վրա+,
Մինչդեռ Իսրայելի որդիները, չոր հատակի վրայով քայլելով, անցան ծովի միջով»+։
20 Այդ ժամանակ մարգարեուհի Մարիամը՝ Ահարոնի քույրը+, դափն իր ձեռքը վերցրեց+, և բոլոր կանայք դափերով դուրս եկան նրա հետ ու սկսեցին պարել+։
21 Մարիամն էլ, ի պատասխան տղամարդկանց, երգեց+.
«Երգե՛ք Եհովային+, քանի որ նա փառքով փառավորված է+,
Ձին իր հեծյալի հետ ծովը նետեց»+։
22 Հետո Մովսեսը Իսրայելին Կարմիր ծովից տարավ, և նրանք դուրս եկան Սուր+ անապատ ու երեք օր քայլում էին անապատով, սակայն ջուր չէին գտնում+։
23 Որոշ ժամանակ անց նրանք հասան Մեռա+, բայց Մեռայի ջրից չկարողացան խմել, քանի որ այն դառն էր։ Ահա թե ինչու նա այդ վայրը Մեռա* կոչեց+։
24 Ժողովուրդը սկսեց տրտնջալ Մովսեսի դեմ+՝ ասելով. «Ի՞նչ խմենք»։
25 Նա էլ օգնության կանչեց Եհովային+, ու Եհովան նրան մի ծառ ցույց տվեց։ Նա ծառը գցեց ջրի մեջ, և ջուրը քաղցրացավ+։
Այնտեղ Նա նրանց համար կանոն ու դատաստանի օրինակ հաստատեց և այնտեղ ստուգեց նրանց+։
26 Նա ասաց. «Եթե ուշադիր լսես քո Աստծու՝ Եհովայի ձայնին և անես այն, ինչ ճիշտ է նրա աչքին, եթե ականջ դնես նրա պատվիրաններին ու պահես նրա բոլոր կանոնները+, քեզ վրա չեմ բերի այն հիվանդություններից և ոչ մեկը, որ բերեցի եգիպտացիների վրա+, որովհետև ես Եհովան եմ՝ քեզ բուժողը»+։
27 Դրանից հետո նրանք եկան Ելիմ, որտեղ ջրի տասներկու աղբյուր և յոթանասուն արմավենի կային+։ Այնտեղ՝ ջրի մոտ, նրանք ճամբար դրեցին։
