Ելք 34:1-35
34 Հետո Եհովան ասաց Մովսեսին. «Քեզ համար երկու քարե տախտակ պատրաստիր նախորդների նման+, և տախտակների վրա ես կգրեմ այն խոսքերը, որ նախորդ տախտակների վրա էին+, որոնք դու կոտրեցիր+։
2 Առավոտյան պատրաստ եղիր, քանի որ առավոտյան պետք է բարձրանաս Սինա լեռը ու լեռան գագաթին կանգնես իմ կողքին+։
3 Ոչ ոք չպետք է քեզ հետ բարձրանա, և թող ոչ ոք չերևա ամբողջ լեռան վրա+։ Ավելին, ոչ մի հոտ կամ նախիր չպետք է արածի լեռան դիմաց»+։
4 Ուստի Մովսեսը երկու քարե տախտակ տաշեց նախորդների նման և վաղ առավոտյան վեր կացավ ու բարձրացավ Սինա լեռը, ինչպես որ Եհովան պատվիրել էր իրեն։ Երկու քարե տախտակները նրա ձեռքում էին։
5 Եհովան ամպով իջավ+ և կանգնեց այնտեղ՝ նրա մոտ, ու հռչակեց Եհովայի անունը+։
6 Եհովան անցավ նրա երեսի առջևով ու հռչակեց. «Եհո՛վա, Եհո՛վա, ողորմա՛ծ+ ու գթառա՛տ+ Աստված, բարկանալու մեջ դանդաղ+ և սիրառատ բարությամբ+ ու ճշմարտությամբ+ լի,
7 որը հազարավորների հանդեպ սիրառատ բարություն է ցուցաբերում+, ներում է հանցանքը, օրինազանցությունն ու մեղքը+, բայց մեղավորներին ոչ մի դեպքում անպատիժ չի թողնում+, այլ հայրերի հանցանքի համար պատժում է որդիներին ու թոռներին մինչև երրորդ և չորրորդ սերունդը»+։
8 Մովսեսը շտապ ծնկի եկավ ու մինչև գետին խոնարհվեց+։
9 Ապա ասաց. «Ո՛վ Եհովա, եթե հաճություն եմ գտել քո աչքում, ապա խնդրում եմ, թող Եհովան գնա մեզ հետ+, որովհետև սա համառ* ժողովուրդ է+։ Ներիր մեր հանցանքն ու մեղքը+ և մեզ քո սեփականությունը դարձրու»+։
10 Նա էլ ասաց. «Ահա ես ուխտ եմ կապում. քո այս ամբողջ ժողովրդի առաջ ես զարմանահրաշ գործեր կանեմ, որոնք երբեք չեն արվել ամբողջ երկրի վրա և բոլոր ազգերի մեջ+, ու ողջ ժողովուրդը, որի մեջ դու գտնվում ես, կտեսնի Եհովայի գործը, որովհետև ինչ որ քեզ կանեմ, ակնածանք կներշնչի+։
11 Իսկ դու պահիր այն, ինչ այսօր պատվիրում եմ քեզ+։ Քո առջևից ես կքշեմ ամորհացիներին, քանանացիներին, քետացիներին, փերեզացիներին, խևացիներին ու հեբուսացիներին+։
12 Զգույշ եղիր, որ ուխտ չկապես այն երկրի բնակիչների հետ, ուր գնալու ես+, որ չլինի թե դա ծուղակ լինի քեզ համար+։
13 Նրանց զոհասեղանները քանդեք, նրանց սուրբ սյուները կոտրեք և նրանց սուրբ ձողերը կտրեք+։
14 Ուրիշ աստծու առաջ չխոնարհվես+, որովհետև Եհովան, որի անունը Խանդոտ է, խանդոտ Աստված է*+։
15 Զգույշ եղիր, որ այդ երկրի բնակիչների հետ ուխտ չկապես, որովհետև նրանք իրենց աստվածների հետ պոռնկություն կանեն*+ և իրենց աստվածներին զոհ կմատուցեն+, ու ինչ-որ մեկը կհրավիրի քեզ, և դու կուտես նրա մատուցած զոհից+։
16 Այդ ժամանակ ստիպված կլինես նրանց աղջիկներին քո որդիների համար վերցնել+, և նրանց աղջիկները պոռնկություն կանեն* իրենց աստվածների հետ ու քո որդիներին կստիպեն պոռնկություն անել իրենց աստվածների հետ+։
17 Քեզ համար ձուլածո կուռք-աստվածներ չշինես+։
18 Նշիր Անթթխմոր հացերի տոնը+։ Յոթ օր անթթխմոր հաց կեր, ինչպես որ պատվիրել եմ քեզ։ Դա արա աբիբ+ ամսին՝ նշանակված ժամանակին, որովհետև աբիբ ամսին էր, որ դուրս եկար Եգիպտոսից։
19 Արգանդ բացող յուրաքանչյուր առաջնեկ* իմն է+, նաև քո բոլոր անասունների՝ ցլերի ու ոչխարների արու առաջնեկները+։
20 Էշի առաջնեկին փրկագնիր ոչխարով+, իսկ եթե չփրկագնես, ապա նրա վիզը կոտրիր։ Քո որդիների միջից ամեն առաջնեկի փրկագնիր+։ Ոչ ոք դատարկաձեռն թող չներկայանա իմ առաջ+։
21 Վեց օր աշխատիր, իսկ յոթերորդ օրը պահիր շաբաթը+։ Շաբաթը պահիր նաև հերկման և հնձի ժամանակ+։
22 Շաբաթների տոնը նշիր ցորենի հնձի առաջին հասած պտուղներով+ և տարվա վերջում նշիր բերքահավաքի տոնը+։
23 Տարին երեք անգամ քո բոլոր տղամարդիկ պետք է ներկայանան+ ճշմարիտ Տիրոջ՝ Եհովայի՝ Իսրայելի Աստծու առաջ։
24 Քո առջևից ես կքշեմ ազգերին+ և քո տարածքը ընդարձակ կդարձնեմ+, ու երբ տարին երեք անգամ գնաս քո Աստված Եհովայի երեսը տեսնելու, ոչ ոք քո երկիրը չի ցանկանա+։
25 Ինձ մատուցվող զոհի արյունը թթխմորով պատրաստված ոչ մի բանի հետ չզոհես+։ Պասեքի տոնի ժամանակ մատուցվող զոհը չպետք է ամբողջ գիշեր մնա մինչև առավոտ+։
26 Քո հողի առաջին հասած պտուղներից ամենալավը+ պետք է բերես քո Աստված Եհովայի տուն+։
Ուլն իր մոր կաթի մեջ չեփես»+։
27 Եհովան շարունակեց ասել Մովսեսին. «Քեզ համար գրի առ այս խոսքերը+, որովհետև այս խոսքերի համաձայն եմ ես ուխտ կապում քեզ հետ և Իսրայելի հետ»+։
28 Այնտեղ՝ Եհովայի մոտ, նա մնաց քառասուն օր ու քառասուն գիշեր։ Ո՛չ հաց կերավ, ո՛չ էլ ջուր խմեց+։ Եվ Նա տախտակների վրա գրեց ուխտի խոսքերը՝ Տասը խոսքերը*+։
29 Երբ Մովսեսն իջավ Սինա լեռան վրայից, Վկայության երկու տախտակները նրա ձեռքին էին+։ Մովսեսը չգիտեր, որ Նրա հետ խոսելու պատճառով իր երեսից լույս էր ճառագում+։
30 Երբ Ահարոնն ու Իսրայելի որդիները նայեցին Մովսեսին, տեսան, որ նրա երեսից լույս էր ճառագում, և նրանք վախեցան նրան մոտենալուց+։
31 Մովսեսը կանչեց նրանց։ Ահարոնն ու ժողովի բոլոր տոհմապետները եկան Մովսեսի մոտ, ու նա սկսեց խոսել նրանց հետ։
32 Դրանից հետո նրան մոտեցան Իսրայելի բոլոր որդիները, և նա սկսեց պատվիրել նրանց այն ամենը, ինչ Եհովան ասել էր իրեն Սինա լեռան վրա+։
33 Երբ Մովսեսը ավարտում էր նրանց հետ խոսելը, քողով ծածկում էր իր երեսը+։
34 Սակայն երբ ներկայանում էր Եհովայի առաջ՝ նրա հետ խոսելու, իր երեսից հանում էր քողը, մինչև որ դուրս կգար+։ Հետո դուրս էր գալիս ու Իսրայելի որդիներին հայտնում այն, ինչ իրեն պատվիրվել էր+։
35 Իսրայելի որդիները տեսնում էին Մովսեսի երեսը, տեսնում էին, որ նրանից լույս է ճառագում+, և Մովսեսը դարձյալ քողով ծածկում էր իր երեսը, մինչև որ մտներ Աստծու հետ խոսելու+։
Ծանոթագրություններ
^ Բռց.՝ «խստապարանոց»։
^ Կամ՝ «բացարձակ նվիրվածություն պահանջող Աստված է»։ Տե՛ս 20։5-ի ծնթ.։
^ Այսինքն՝ հոգևոր պոռնկություն։
^ Այսինքն՝ հոգևոր պոռնկություն։
^ Բռց.՝ «այն ամենը, որ առաջինն է արգանդ բացում»։
^ Այսինքն՝ պատվերի տասը խոսքերը, տասը հրահանգները, Տասնաբանյա, կամ՝ Տասը պատվիրանները։