Ելք 36:1-38
36 «Պետք է աշխատեն Բեսելիելը, նաև Օհոլիաբը+ և իմաստուն սիրտ ունեցող բոլոր մարդիկ, ում Եհովան իմաստություն+ ու հասկացողություն+ է տվել, որպեսզի իմանան, թե ինչպես անեն սուրբ ծառայության հետ կապված բոլոր գործերը այն ամենի համաձայն, ինչ Եհովան պատվիրել է»+։
2 Մովսեսը կանչեց Բեսելիելին, Օհոլիաբին և իմաստուն սիրտ ունեցող բոլոր մարդկանց, որոնց սրտում Եհովան իմաստություն էր դրել+, բոլոր նրանց, ում սիրտը մղում էր աշխատանքի անցնելու և կատարելու այն+։
3 Այդ ժամանակ նրանք Մովսեսի առջևից վերցրին ողջ նվիրաբերությունը+, որ Իսրայելի որդիները բերել էին սուրբ ծառայությանն առնչվող գործն անելու համար, իսկ վերջիններս ամեն առավոտ դեռ կամավոր ընծաներ էին բերում։
4 Բոլոր իմաստունները, ովքեր կատարում էին ողջ սուրբ գործը, թողնում էին իրենց աշխատանքը և մեկը մյուսի հետևից գալիս էին
5 ու Մովսեսին ասում. «Ժողովուրդը շատ ավելին է բերում, քան անհրաժեշտ է այն գործի համար, որ Եհովան պատվիրել է անել»։
6 Ուստի Մովսեսը պատվիրեց, որ ամբողջ ճամբարում հայտարարվի ու ասվի. «Տղամարդի՛կ և կանա՛յք, այլևս ոչինչ մի՛ պատրաստեք սուրբ նվիրաբերության համար»։ Եվ ժողովուրդը դադարեց բերելուց։
7 Բերվածը բավական էր կատարվելիք ամբողջ գործի համար, այն ավելի քան բավական էր։
8 Աշխատանքն անողների մեջ բոլոր իմաստուն սիրտ+ ունեցողները սկսեցին պատրաստել խորանը+ և տասը պաստառները՝ ոլորված բարձրորակ կտավից, կապույտ թելից, ծիրանիով ներկված բրդից ու որդան կարմրով ներկված մանվածքից. դրանց վրա նա* քերովբեներ պատրաստեց, որը ասեղնագործի աշխատանքն է։
9 Ամեն մի պաստառի երկարությունը քսանութ կանգուն էր, և ամեն մեկի լայնությունը՝ չորս կանգուն։ Բոլոր պաստառները մեկ չափս ունեին։
10 Հետո հինգ պաստառները նա իրար միացրեց+, մյուս հինգ պաստառներն էլ իրար միացրեց։
11 Այնուհետև կապույտ թելից կապօղակներ պատրաստեց մի պաստառի ծայրին, որը միացման տեղում էր։ Նույնը արեց վերջին պաստառի ծայրին, որը միացման տեղի մյուս կողմում էր+։
12 Հիսուն կապօղակ պատրաստեց մեկ պաստառի վրա և հիսուն կապօղակ պատրաստեց այն պաստառի ծայրին, որը գտնվում էր միացման մյուս տեղում, այնպես որ կապօղակները դեմ դիմաց եղան+։
13 Ի վերջո, նա ոսկե հիսուն կեռեր պատրաստեց և այդ կեռերով պաստառները իրար միացրեց. այդպիսով մեկ խորան դարձավ+։
14 Ապա այծի մազից պաստառներ պատրաստեց խորանը ծածկելու համար։ Տասնմեկ պաստառ պատրաստեց+։
15 Ամեն մի պաստառի երկարությունը երեսուն կանգուն էր, և ամեն մեկի լայնությունը՝ չորս կանգուն։ Տասնմեկ պաստառները մեկ չափս ունեին+։
16 Հետո հինգ պաստառները միացրեց իրար, մյուս վեց պաստառներն էլ միացրեց իրար+։
17 Հիսուն կապօղակ պատրաստեց վերջին պաստառի ծայրին, որը միացման տեղում էր, հիսուն կապօղակ էլ պատրաստեց մյուս պաստառի ծայրին, որը միանում էր դրա հետ+։
18 Ապա նա պղնձե հիսուն կեռեր պատրաստեց պաստառները իրար միացնելու համար, որպեսզի դրանք մեկ ամբողջություն դառնան+։
19 Նա ծածկոցի համար ծածկ պատրաստեց խոյի՝ կարմիր ներկված կաշվից, դրա վրա էլ մի ծածկոց՝ փոկի կաշվից+։
20 Խորանի համար ակացիայի փայտից+ շրջանակներ պատրաստեց, որոնք կանգնած էին։
21 Շրջանակի երկարությունը տասը կանգուն էր, և ամեն մի շրջանակի լայնությունը՝ մեկուկես կանգուն+։
22 Ամեն մի շրջանակը իրար զուգահեռ երկու ելուստ ուներ։ Այդպես նա պատրաստեց խորանի բոլոր շրջանակները+։
23 Խորանի համար շրջանակներ պատրաստեց՝ քսան շրջանակ այն կողմի համար, որ դեպի Նեգև՝ դեպի հարավ է նայում+։
24 Այդ քսան շրջանակների համար նա արծաթե քառասուն ակոսավոր պատվանդաններ պատրաստեց՝ երկու ակոսավոր պատվանդան՝ երկու ելուստ ունեցող մեկ շրջանակի տակ և երկու ակոսավոր պատվանդան՝ երկու ելուստ ունեցող մյուս շրջանակի տակ+։
25 Խորանի մյուս, այսինքն՝ հյուսիսային կողմի համար նա քսան շրջանակ պատրաստեց+
26 և դրանց համար քառասուն ակոսավոր արծաթե պատվանդաններ պատրաստեց՝ երկու ակոսավոր պատվանդան՝ մեկ շրջանակի տակ և երկու ակոսավոր պատվանդան՝ մյուս շրջանակի տակ+։
27 Խորանի հետևի հատվածի՝ դեպի արևմուտք նայող կողմի համար վեց շրջանակ պատրաստեց+։
28 Խորանի հետևի հատվածում երկու շրջանակ պատրաստեց որպես անկյունային հենակներ+։
29 Դրանք ներքևից մինչև վերև բաղկացած էին երկու միանման մասերից, որոնք վերևում իրար էին միանում առաջին օղակի մոտ։ Երկուսն էլ պատրաստեց այնպես, որ երկու անկյունային հենակներ լինեն+։
30 Ընդամենը ութ շրջանակ եղավ իրենց տասնվեց արծաթե ակոսավոր պատվանդաններով։ Յուրաքանչյուր շրջանակի տակ՝ երկուական ակոսավոր պատվանդան+։
31 Ակացիայի փայտից նա ձողեր պատրաստեց՝ հինգ հատ՝ խորանի մի կողմի շրջանակների համար+
32 և հինգ ձող՝ խորանի մյուս կողմի շրջանակների համար, նաև հինգ ձող՝ խորանի արևմտյան, այսինքն՝ հետևի կողմի շրջանակների համար+։
33 Մեջտեղի ձողը պատրաստեց այնպես, որ այն անցնի շրջանակների կենտրոնով մի ծայրից մինչև մյուս ծայրը+։
34 Շրջանակները ոսկով պատեց ու դրանց համար ոսկե օղակներ պատրաստեց, որպեսզի ձողերն անցնեն դրանց միջով, և ձողերը ոսկով պատեց+։
35 Կապույտ թելից, ծիրանիով ներկված բրդից, որդան կարմրով ներկված մանվածքից և ոլորված բարձրորակ կտավից նա վարագույր+ պատրաստեց։ Դրա վրա քերովբեներ+ պատրաստեց. դա ասեղնագործի աշխատանքն է։
36 Ապա դրա համար ակացիայի փայտից չորս սյուն պատրաստեց ու դրանք ոսկով պատեց. դրանց սեպերը ոսկուց էին։ Դրանց համար նա նաև արծաթե չորս ակոսավոր պատվանդաններ ձուլեց+։
37 Վրանի մուտքի համար կապույտ թելից, ծիրանիով ներկված բրդից, որդան կարմրով ներկված մանվածքից և ոլորված բարձրորակ կտավից մի վարագույր պատրաստեց. դա ջուլհակի աշխատանքն է+։
38 Նաև պատրաստեց դրա հինգ սյուները և դրանց սեպերը։ Դրանց գագաթներն ու միացման տեղերը նա ոսկով պատեց, իսկ դրանց ակոսավոր պատվանդանները պղնձից էին+։
Ծանոթագրություններ
^ Հվնբր Բեսելիելը։
