Եսայիա 55:1-13
55 Հե՜յ, ո՜վ բոլոր ծարավներ+, ջրի մոտ եկեք+։ Ո՜վ փող չունեցողներ, եկեք, գնեք ու կերեք+։ Այո՛, եկեք, առանց փողի ու վճարի+ գինի+ ու կաթ+ առեք։
2 Ինչո՞ւ եք փող վճարում այն բանի համար, ինչը հաց չէ, և ինչո՞ւ եք ծանր աշխատում այն բանի համար, ինչը չի հագեցնում+։ Ուշադիր ինձ լսեք ու լավ սնունդ ճաշակեք+։ Թող ձեր հոգին ընտիր կերակուր վայելի+։
3 Ականջ դրեք+ ու ինձ մոտ եկեք+։ Լսեք, ու ձեր հոգին ողջ կմնա+։ Ես, անշուշտ, ձեզ հետ ուխտ կկապեմ, որը կտևի դարեդար+ և որը կապված է Դավթի հանդեպ հավատարմորեն դրսևորած ողջ սիրառատ բարության* հետ+։
4 Ահա ես նրան+ որպես վկա+ եմ տվել ազգությունների համար+, որպես առաջնորդ+ ու ղեկավար+՝ ազգությունների համար։
5 Դու կկանչես մի ազգի, որին չես ճանաչում+, և ազգի միջից նրանք, ովքեր քեզ չէին ճանաչում, դեպի քեզ կվազեն+ հանուն քո Աստված Եհովայի+ և հանուն Իսրայելի Սրբի+, որովհետև նա կզարդարի քեզ+։
6 Փնտրե՛ք Եհովային, քանի դեռ հնարավոր է գտնել նրան+։ Կանչե՛ք նրան, քանի դեռ նա մոտ է+։
7 Թող ամբարիշտը թողնի իր ճանապարհը+, և վնասարար մարդը՝ իր մտքերը+։ Թող նա վերադառնա դեպի Եհովան, որը կողորմի նրան+, ու դեպի մեր Աստվածը, որովհետև նա մեծահոգաբար կների+։
8 «Ձեր մտքերը իմ մտքերը չեն+, և իմ ճանապարհները ձեր ճանապարհները չեն+,– ասում է Եհովան,–
9 որովհետև ինչպես որ երկինքն է երկրից բարձր+, այնպես էլ իմ ճանապարհներն են բարձր ձեր ճանապարհներից+, ու իմ մտքերը՝ ձեր մտքերից+։
10 Ինչպես որ անձրևն ու ձյունն են իջնում երկնքից և այնտեղ չեն վերադառնում, մինչև որ չեն ոռոգում երկիրը, արգասաբեր ու ծլարձակ չեն դարձնում այն+, որ սերմ տան սերմնացանին և հաց՝ ուտողին+,
11 այնպես էլ կլինի իմ բերանից դուրս եկած խոսքը+. այն անարդյունք չի վերադառնա ինձ մոտ+, այլ կկատարի այն, ինչ կամենում եմ+, և կիրագործի այն, ինչի համար ուղարկել եմ նրան+։
12 Եվ այսպես՝ դուք ուրախությամբ դուրս կգաք+ ու խաղաղությամբ ներս կմտնեք+։ Լեռներն ու բլուրները ձեր առաջ կցնծան և ուրախությամբ կբացականչեն+, իսկ դաշտի բոլոր ծառերը ծափ կտան+։
13 Փշոտ մացառների փոխարեն գիհի կաճի+, ծակծկող եղինջի փոխարեն՝ մրտենի+։ Դա փառք կբերի Եհովային+ և անջնջելի նշան կլինի դարեդար»+։
Ծանոթագրություններ
^ Կամ՝ «ողջ նվիրված սիրո»։
