Եսայիա 65:1-25
65 «Ես թույլ եմ տվել, որ ինձ փնտրեն+ նրանք, ովքեր չէին հարցնում իմ մասին+։ Ես թույլ եմ տվել, որ ինձ գտնեն նրանք, ովքեր չէին փնտրում ինձ+։ Մի ազգի, որը չէր կանչում իմ անունը+, ես ասացի. «Ես այստե՛ղ եմ, ես այստե՛ղ եմ»+։
2 Ամբողջ օրը ձեռքերս տարածում էի դեպի կամակոր+ ժողովուրդը, որը քայլում է չար ճանապարհով+ և գնում է իր մտքերի հետևից+՝
3 դեպի այն ժողովուրդը, որն անընդհատ բացահայտ կերպով վիրավորում է ինձ+, պարտեզներում զոհ է մատուցում+ և աղյուսների* վրա զոհաբերության ծուխ+ բարձրացնում,
4 որը նստում է գերեզմանների վրա+, գիշերն անցկացնում է հյուղերում, խոզի+ միս է ուտում, և որի անոթներում զզվելի բաների+ մսաջուր կա։
5 Նրանք ասում են. «Մի կո՛ղմ քաշվիր, մի՛ մոտեցիր ինձ, այլապես իմ սրբությունը քեզ կանցնի»+։ Նրանք ծուխ են իմ քթանցքների մեջ+, կրակ են, որ վառվում են ամբողջ օրը+։
6 Ահա դա գրված է իմ առաջ+։ Ես չեմ լռի+ ու կհատուցեմ+, հատուցումը նրանց ծոցը կդնեմ+
7 նրանց հանցանքների ու միաժամանակ նրանց նախահայրերի հանցանքների պատճառով+,– ասում է Եհովան։– Քանի որ զոհաբերության ծուխ էին բարձրացնում լեռների վրա, բլուրների վրա+ նախատում էին ինձ+, ես էլ նախևառաջ կչափեմ նրանց վարձը և այն կդնեմ նրանց ծոցը»+։
8 Այսպես է ասում Եհովան. «Ինչպես որ ողկույզի մեջ նոր գինի+ կա, և ինչ-որ մեկն ասում է՝ «մի՛ փչացրու այն+, որովհետև նրանում օրհնություն կա»+, այնպես էլ ես կվարվեմ հանուն իմ ծառաների. չեմ կործանի բոլորին+։
9 Հակոբից սերունդ առաջ կբերեմ+ և Հուդայից՝ մի ժառանգ, որը կտիրի իմ լեռներին+։ Իմ ընտրյալները կտիրանան այդ երկրին+, ու իմ ծառաները կբնակվեն այնտեղ+։
10 Սարոնը+ ոչխարների համար արոտավայր կդառնա+, և Աքորի+ հարթավայրը՝ անասունների համար հանգստի վայր։ Սա կարվի հանուն իմ ժողովրդի, որը փնտրելու է ինձ+։
11 Բայց ձեզ, որ թողնում եք Եհովային+, մոռանում եք իմ սուրբ լեռը+, սեղան եք գցում Բախտի աստծու+ համար և խառնած գինի եք լցնում Ճակատագրի աստծու համար+,
12 ես սրի կմատնեմ+, և դուք բոլորդ կխոնարհվեք, որ մորթվեք+, քանի որ ես կանչում էի+, բայց դուք չէիք պատասխանում, խոսում էի, բայց չէիք լսում+, անում էիք այն, ինչը չար է իմ աչքին+, և ընտրում էիք այն, ինչը տհաճ է ինձ»+։
13 Ուստի այսպես է ասում Գերիշխան Տեր Եհովան. «Ահա իմ ծառաները կուտեն+, իսկ դուք սոված կմնաք+։ Իմ ծառաները կխմեն+, իսկ դուք ծարավ կմնաք+։ Իմ ծառաները կուրախանան+, իսկ դուք կամաչեք+։
14 Իմ ծառաները սրտի բերկրանքից ուրախ կբացականչեն+, իսկ դուք սրտի ցավից կաղաղակեք ու ոգու կսկիծից կոռնաք+։
15 Ձեր անունը կթողնեք երդման* համար, որով կերդվեն իմ ընտրյալները, և Գերիշխան Տեր Եհովան ձեզանից ամեն մեկին մահվան կմատնի+, իսկ իր ծառաներին ուրիշ անունով կկոչի+։
16 Երկրի վրա յուրաքանչյուր ոք, ով օրհնում է ինքն իրեն, հավատարիմ Աստծով կօրհնի+, և երկրի վրա յուրաքանչյուր ոք, ով երդում է տալիս, հավատարիմ Աստծով կերդվի+, որովհետև նախկին նեղությունները կմոռացվեն և իմ աչքերից ծածկված կլինեն+։
17 Ահա ես նոր երկինք+ ու նոր երկիր+ եմ ստեղծում, նախկին բաները չեն հիշվի+ և ոչ էլ սրտում կմնան+։
18 Իսկ դուք ցնծացեք+ ու հավիտյան ուրախացեք այն բանով, ինչ ստեղծում եմ+, որովհետև Երուսաղեմը ստեղծում եմ, որ ուրախության պատճառ լինի, նաև նրա ժողովրդին, որ ցնծության պատճառ լինի+։
19 Ես կուրախանամ Երուսաղեմով ու կցնծամ իմ ժողովրդով+. նրանում լացի ձայն և սրտաճմլիկ աղաղակ չի լսվի»+։
20 «Այնտեղ այլևս չի լինի կաթնակեր երեխա, որ ընդամենը մի քանի օր ապրի+, և ոչ էլ ծեր մարդ, որ իր բոլոր օրերը չապրի+։ Բայց մարդ կմահանա որպես պատանի, նույնիսկ եթե հարյուր տարեկան լինի, և մեղավորը նույնիսկ հարյուր տարեկանում կանիծվի+։
21 Նրանք տներ կշինեն ու կբնակվեն դրանցում+, խաղողի այգիներ կտնկեն ու դրանց պտուղը կուտեն+։
22 Նրանք չեն շինի, որ ուրիշը բնակվի, ու չեն տնկի, որ ուրիշը ուտի։ Իմ ժողովրդի օրերը ծառի օրերի չափ կլինեն+, և իմ ընտրյալները լիովին կօգտվեն իրենց ձեռքի գործից+։
23 Նրանք զուր տեղը ծանր չեն աշխատի+ և չեն ծնի աղետի համար+, որովհետև նրանք Եհովայի կողմից օրհնված սերունդ են+, իրենց զավակներն էլ իրենց հետ+։
24 Նրանք դեռ չկանչած՝ ես կպատասխանեմ+, դեռ խոսելիս կլինեն, ու ես կլսեմ+։
25 Գայլն+ ու գառը միասին կարածեն+, առյուծը ցլի պես հարդ կուտի+, և օձի կերակուրը հողը կլինի+։ Նրանք չեն վնասի+ ու ոչինչ չեն ավերի իմ ողջ սուրբ լեռան վրա»+,– ասում է Եհովան։
