Եսթեր 4:1-17
4 Երբ Մուրթքեն+ իմացավ այն ամենի մասին, ինչ կատարվել էր+, պատռեց իր հանդերձները, քուրձ հագավ+, իր վրա մոխիր+ ցանեց, գնաց քաղաքի մեջտեղը և սկսեց բարձրաձայն ու դառնագին լաց լինել+։
2 Ի վերջո, նա հասավ արքունական դարպասի մոտ+, բայց ներս չմտավ, քանի որ ոչ ոք քուրձ հագած չէր կարող մտնել թագավորի դարպասներից ներս։
3 Բոլոր գավառներում+, որտեղ որ հասնում էր թագավորի խոսքն ու օրենքը, հրեաները մեծ սուգ էին անում+, ծոմ էին պահում+, լաց էին լինում և ողբում։ Քուրձն+ ու մոխիրը+ շատերի համար մահիճ էր դարձել։
4 Եսթերի աղախիններն ու ներքինիները+ գալիս ու պատմում էին նրան այդ ամենի մասին, և թագուհին շատ էր տառապում։ Նա հանդերձներ ուղարկեց, որ Մուրթքեն իր վրայից հանի քուրձը և հագնի այդ հանդերձները, սակայն Մուրթքեն չընդունեց դրանք+։
5 Այդ ժամանակ Եսթերը կանչեց թագավորի ներքինիներից մեկին՝ Հաթաքին+, որը նշանակված էր նրան ծառայելու, և հրամայեց, որ գնա Մուրթքեի մոտ ու իմանա, թե ինչ է պատահել, և ինչի պատճառով է եղել այդ ամենը։
6 Ուստի Հաթաքը գնաց Մուրթքեի մոտ՝ քաղաքի հրապարակ, որը արքունական դարպասի առաջ էր։
7 Եվ Մուրթքեն պատմեց նրան այն ամենը, ինչ պատահել էր իրեն+, ինչպես նաև մանրամասնորեն պատմեց, թե որքան փող էր Համանը խոստացել տալ թագավորի գանձատանը+՝ հրեաներին կործանելու համար+։
8 Շուշանում+ հաստատված օրենքի պատճենը+, որի նպատակն էր կործանել հրեաներին, Մուրթքեն տվեց նրան, որպեսզի նա ցույց տա Եսթերին և ասի ու պատվիրի նրան+, որ գնա թագավորի մոտ և նրա բարեհաճությունն աղերսելով+՝ խնդրի իր ժողովրդի համար+։
9 Հաթաքը+ եկավ ու Եսթերին հաղորդեց Մուրթքեի խոսքերը։
10 Այդ ժամանակ Եսթերն ասաց Հաթաքին, որ Մուրթքեին+ հետևյալն ասի.
11 «Թագավորի բոլոր ծառաները և նրա գավառներում բնակվող ժողովուրդները գիտեն, որ թագավորը մեկ օրենք+ ունի, ըստ որի՝ այն տղամարդը կամ կինը, որն առանց կանչվելու կգա թագավորի մոտ՝ ներսի գավիթ+, մահվան կմատնվի։ Նա ողջ կմնա միայն այն դեպքում, եթե թագավորը մեկնի նրան իր ոսկե գավազանը+։ Իսկ ես արդեն երեսուն օր է՝ չեմ կանչվել թագավորի մոտ»։
12 Մուրթքեին հայտնեցին Եսթերի խոսքերը։
13 Ի պատասխան՝ նա հետևյալ խոսքերն ուղարկեց Եսթերին. «Մի՛ կարծիր, թե թագավորի տանը եղողները կկարողանան ավելի հեշտությամբ փրկվել, քան մյուս բոլոր հրեաները+։
14 Եթե այս ժամանակ լուռ մնաս, հրեաների օգնությունն ու ազատագրումը ուրիշ տեղից կգա+, բայց դու և քո հոր տունը կվերանաք։ Եվ ո՞վ գիտի, գուցե հենց այս ժամանակի համար ես դու թագուհի դարձել»+։
15 Եսթերը պատասխան ուղարկեց Մուրթքեին՝ ասելով.
16 «Գնա՛, հավաքի՛ր Շուշանում+ եղող բոլոր հրեաներին, և ինձ համար ծո՛մ+ պահեք։ Երեք օր+ գիշեր-ցերեկ ո՛չ կերեք, ո՛չ էլ խմեք։ Ես էլ իմ աղախինների+ հետ ծոմ կպահեմ, իսկ հետո կմտնեմ թագավորի մոտ, թեև դա օրենքի դեմ է, և եթե մեռնելու եմ+, թող մեռնեմ»։
17 Դա լսելով՝ Մուրթքեն գնաց և արեց այն ամենն, ինչ Եսթերը պատվիրել էր իրեն։
