Թվեր 1:1-54
1 Եվ Եհովան Սինա+ անապատում շարունակեց խոսել Մովսեսի հետ հանդիպման վրանի+ մեջ Եգիպտոսից դուրս գալուց հետո երկրորդ տարվա երկրորդ ամսվա առաջին օրը+։ Նա ասաց.
2 «Հաշվեք+ Իսրայելի որդիներին՝ ըստ իրենց տոհմերի, ըստ իրենց հայրական տների, բոլոր տղամարդկանց իրենց անուններով, բոլորին մեկ առ մեկ,
3 քսան տարեկան և ավելի բարձր տարիքի տղամարդկանց+, բոլոր նրանց, ովքեր պիտանի են Իսրայելի բանակում ծառայելու+։ Դու և Ահարոնը նրանց հաշվառման վերցրեք՝ ըստ իրենց զորքերի։
4 Ձեզ հետ պետք է լինի մի քանի մարդ՝ ամեն ցեղից մեկ մարդ։ Նրանցից յուրաքանչյուրն ազգատոհմի գլուխ պետք է լինի+։
5 Սրանք են այն մարդկանց անունները, ովքեր կօգնեն ձեզ. Ելիսուր+՝ Ռուբենի+ ցեղից Սեդիուրի որդին,
6 Սալամիել+՝ Շմավոնի+ ցեղից Սուրիսադայի որդին,
7 Նաասոն+՝ Հուդայի+ ցեղից Ամինադաբի որդին,
8 Նաթանայել+՝ Իսաքարի+ ցեղից Սոգարի որդին,
9 Եղիաբ+՝ Զաբուղոնի+ ցեղից Քելոնի որդին,
10 Հովսեփի+ որդիներից. Ելիսամա՝ Եփրեմի+ ցեղից Ամիուդի որդին, Գամաղիել՝ Մանասեի+ ցեղից Փադասուրի որդին,
11 Աբիդան+՝ Բենիամինի+ ցեղից Գեդեոնիի որդին,
12 Աքիեզեր+՝ Դանի+ ցեղից Ամիսադայի որդին,
13 Փագիել+՝ Ասերի+ ցեղից Եքրանի որդին,
14 Ելիասաֆ+՝ Գադի+ ցեղից Դագուելի+ որդին,
15 Աքիրե+՝ Նեփթաղիմի+ ցեղից Ենանի որդին։
16 Սրանք են ժողովի միջից կանչվածները՝ իրենց հայրական ցեղերի տոհմապետները+։ Նրանք Իսրայելի հազարավորների գլուխներն են»+։
17 Մովսեսն ու Ահարոնը վերցրին այս մարդկանց, ովքեր անուն առ անուն հիշատակվել էին։
18 Երկրորդ ամսվա առաջին օրը նրանք ժողովեցին բոլոր իսրայելացիներին, որպեսզի գրանցեն նրանց տոհմաբանությունը+՝ ըստ իրենց հայրական տների և տոհմերի։ Քսան տարեկան և ավելի բարձր տարիքի+ բոլոր տղամարդկանց անխտիր անուն առ անուն հաշվեցին,
19 ինչպես որ Եհովան պատվիրել էր Մովսեսին։ Սինա անապատում նա նրանց հաշվառման վերցրեց+։
20 Իսրայելի առաջնեկ+ Ռուբենի որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր տղամարդիկ, որոնք պիտանի էին բանակում ծառայելու, անուն առ անուն թվարկվածները, բոլորը միասին
21 քառասունվեց հազար հինգ հարյուր հոգի էին+։ Սրանք էին Ռուբենի ցեղից հաշվառման վերցվածները։
22 Շմավոնի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր տղամարդիկ, որոնք պիտանի էին բանակում ծառայելու, անուն առ անուն հաշվառվածները, բոլորը միասին
23 հիսունինը հազար երեք հարյուր հոգի էին+։ Սրանք էին Շմավոնի ցեղից հաշվառման վերցվածները։
24 Գադի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
25 քառասունհինգ հազար վեց հարյուր հիսուն հոգի էին+։ Սրանք էին Գադի ցեղից հաշվառման վերցվածները+։
26 Հուդայի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
27 յոթանասունչորս հազար վեց հարյուր հոգի էին+։ Սրանք էին Հուդայի ցեղից հաշվառման վերցվածները։
28 Իսաքարի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
29 հիսունչորս հազար չորս հարյուր հոգի էին+։ Սրանք էին Իսաքարի ցեղից հաշվառման վերցվածները։
30 Զաբուղոնի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
31 հիսունյոթ հազար չորս հարյուր հոգի էին+։ Սրանք էին Զաբուղոնի ցեղից հաշվառման վերցվածները։
32 Հովսեփի որդիներից Եփրեմի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
33 քառասուն հազար հինգ հարյուր հոգի էին+։ Սրանք էին Եփրեմի+ ցեղից հաշվառման վերցվածները։
34 Մանասեի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
35 երեսուներկու հազար երկու հարյուր հոգի էին+։ Սրանք էին Մանասեի ցեղից հաշվառման վերցվածները։
36 Բենիամինի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
37 երեսունհինգ հազար չորս հարյուր հոգի էին+։ Սրանք էին Բենիամինի ցեղից հաշվառման վերցվածները։
38 Դանի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
39 վաթսուներկու հազար յոթ հարյուր հոգի էին+։ Սրանք էին Դանի ցեղից հաշվառման վերցվածները։
40 Ասերի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
41 քառասունմեկ հազար հինգ հարյուր հոգի էին+։ Սրանք էին Ասերի ցեղից հաշվառման վերցվածները։
42 Նեփթաղիմի+ որդիները իրենց սերունդներով՝ ըստ իրենց տոհմերի և հայրական տների, քսան տարեկան և ավելի բարձր տարիքի բոլոր նրանք, ովքեր պիտանի էին բանակում ծառայելու, անուն առ անուն թվարկվածները
43 հիսուներեք հազար չորս հարյուր հոգի էին+։ Սրանք էին Նեփթաղիմի ցեղից հաշվառման վերցվածները։
44 Սրանք են այն հաշվառվածները, որոնց Մովսեսը Ահարոնի և Իսրայելի տասներկու տոհմապետների հետ միասին հաշվառման վերցրեց։ Նրանցից ամեն մեկը ներկայացնում էր իր ազգատոհմը։
45 Իսրայելի որդիներից բոլոր հաշվառվածները՝ ըստ իրենց ազգատոհմերի, քսան տարեկան և ավելի բարձր տարիքի բոլոր նրանք, ովքեր պիտանի էին Իսրայելի բանակում ծառայելու,
46 բոլոր հաշվառվածների թիվը կազմում էր վեց հարյուր երեք հազար հինգ հարյուր հիսուն+։
47 Սակայն ղևտացիներին+՝ իրենց հայրական ցեղերով, նրանց մեջ չհաշվառեցին+։
48 Եվ Եհովան խոսեց Մովսեսի հետ՝ ասելով.
49 «Միայն Ղևիի ցեղը հաշվառման չվերցնես ու նրանց թիվը Իսրայելի որդիների թվին չավելացնես+։
50 Ղևտացիներին նշանակիր, որ հոգ տանեն վկայության+ խորանի, դրա բոլոր պատկանելիքների և այն բոլոր բաների մասին, որոնք առնչվում են դրան+։ Խորանն ու դրա բոլոր պատկանելիքները+ նրանք պետք է տեղափոխեն ու ծառայություն մատուցեն+ դրա մոտ։ Իրենց վրանները նրանք պետք է խորանի շուրջբոլորը կանգնեցնեն+։
51 Ամեն անգամ, երբ հարկ լինի խորանը տեղափոխելու+, ղևտացիները պետք է քանդեն այն, ու երբ հարկ լինի խորանը կանգնեցնելու, ղևտացիները պետք է հավաքեն այն։ Եթե որևէ կողմնակի մարդ մոտենա դրան, մահվան պետք է մատնվի+։
52 Իսրայելի որդիներից յուրաքանչյուրն իր վրանը պետք է կանգնեցնի իր ճամբարի համեմատ, յուրաքանչյուրն իր եռցեղ ստորաբաժանման+ համեմատ՝ իրենց զորքերով։
53 Ղևտացիներն իրենց վրանները պետք է կանգնեցնեն վկայության խորանի շուրջբոլորը, որպեսզի Իսրայելի որդիների դեմ բարկություն չբորբոքվի+։ Ղևտացիները պետք է ծառայություն մատուցեն վկայության խորանի մոտ»+։
54 Իսրայելի որդիները ամեն ինչ արեցին այնպես, ինչպես Եհովան Մովսեսին պատվիրել էր։ Նրանք հենց այդպես արեցին+։
