Հեսու 16:1-10
16 Հովսեփի+ որդիների սահմանը, որ վիճակով+ ընկավ նրանց, սկսվում էր Երիքովի մոտ՝ Հորդանանից+ մինչև Երիքովի ջրերի արևելյան կողմը, և անցնում անապատի միջով, որը Երիքովից ձգվում էր դեպի Բեթելի+ լեռները։
2 Ապա դուրս էր գալիս Բեթելից, որ Լուզի+ մոտ է, ու անցնում էր արաքացիների+ սահմանով՝ Ատարոթում,
3 իսկ արևմտյան կողմից իջնում էր դեպի Հեֆալթիի սահմանը և հասնում մինչև Ներքին Բեթ-Օրոնի+ սահմանը ու Գազեր+. այն վերջանում էր ծովի մոտ+։
4 Հովսեփի որդիները+՝ Մանասեն ու Եփրեմը+, հողատարածքներ ստացան+։
5 Եփրեմի որդիների սահմանը՝ իրենց տոհմերի համեմատ, նրանց ժառանգության սահմանը արևելյան կողմում Ատարոթ-Ադարն+ էր մինչև Վերին Բեթ-Օրոն+,
6 և այս սահմանը դեպի ծովն էր դուրս գալիս։ Հյուսիսում Մաքմեթաթն+ էր, այնուհետև սահմանը պտույտ էր տալիս դեպի արևելք՝ Թեանաթսելի կողմը, ու գնում արևելք՝ դեպի Հանոա։
7 Հանոայից իջնում էր Ատարոթ ու Նաարա, հասնում էր Երիքով+ ու դուրս գալիս Հորդանան։
8 Թափուայից+ սահմանը շարժվում էր արևմուտք՝ դեպի Կանա+ հեղեղատը, ու վերջանում ծովի մոտ+։ Սա է Եփրեմի որդիների ցեղի ժառանգությունը՝ իրենց տոհմերի համեմատ։
9 Եփրեմի որդիները առանձնացված քաղաքներ+ ունեին Մանասեի որդիների ժառանգության մեջ. այդ բոլոր քաղաքները՝ իրենց ավաններով։
10 Նրանք չվռնդեցին քանանացիներին+, որ Գազերում+ էին բնակվում, ուստի քանանացիները շարունակում են ապրել Եփրեմի տարածքում մինչև այս օրը+ և ստրկական աշխատանք են կատարում+։
