Հոբ 16:1-22
16 Հոբը պատասխանեց՝ ասելով.
2 «Սրանց նման շատ բաներ եմ լսել։
Դուք բոլորդ էլ վշտացնող մխիթարողնե՛ր եք+։
3 Մի՞թե դատարկ խոսքերին վերջ կա+,
Եվ ի՞նչն է քեզ զայրացնում, որ պատասխանում ես։
4 Ես էլ կարող էի ձեզ պես խոսել։
Եթե ձեր հոգիները լինեին այնտեղ, ուր իմ հոգին է,
Մի՞թե ձեր դեմ փայլուն խոսքերով կխոսեի+,
Եվ մի՞թե գլուխս կթափահարեի ձեր դեմ+։
5 Ես կզորացնեի ձեզ բերանիս խոսքերով+,
Եվ շուրթերիս մխիթարությունը հետ կպահեր...
6 Երբ խոսում եմ, ցավս չի անցնում+,
Իսկ երբ չեմ խոսում, ի՞նչն է ինձնից հեռանում։
7 Բայց հիմա նա հոգնեցրել է ինձ+,
Ինձ հետ բոլոր հավաքվողներին նա ամայի է դարձրել։
8 Դու նաև բռնում ես ինձ։ Դա վկայություն+ է դարձել,
Այնպես որ հյուծվածությունս իմ դեմ է դուրս գալիս։ Այն վկայում է իմ երեսին։
9 Նրա բարկությունը ինձ կտոր-կտոր է անում, և նա թշնամություն+ է տածում իմ հանդեպ։
Նա կրճտացնում է իր ատամները ինձ վրա+։
Իմ ոսոխը իր աչքերն է սրում ինձ վրա+։
10 Նրանք լայն բաց են անում իրենց բերանը իմ դեմ+,
Նախատելով այտերիս են հարվածում,
Բազմությամբ հավաքվում են իմ դեմ+։
11 Աստված ինձ տղաների ձեռքն է մատնում
Եվ ամբարիշտների ձեռքն է ինձ շպրտում+։
12 Ես հանգիստ էի, բայց նա ցնցեց ինձ+,
Նա բռնեց իմ ծոծրակից ու փշրեց ինձ.
Նա ինձ թիրախ է դարձրել իր համար։
13 Նրա աղեղնավորները+ շրջապատում են ինձ,
Նա պատռում է երիկամներս+ և կարեկցանք չի զգում,
Նա լեղապարկս գետին է թափում։
14 Կոտրվածք կոտրվածքի հետևից. նա կոտրում է ինձ,
Զորավորի պես նա ինձ վրա է վազում+։
15 Մաշկիս վրա քուրձ+ եմ կարել,
Եվ եղջյուրս* հողի+ մեջ եմ գցել։
16 Երեսս լացից կարմրել է+,
Եվ կոպերիս վրա թանձր ստվեր կա+,
17 Չնայած որ ձեռքիս ափերին բռնություն չկա,
Եվ աղոթքս մաքուր է+։
18 Ո՜վ երկիր, արյունս+ մի՛ ծածկիր,
Թող աղաղակս հանգստի տեղ չգտնի։
19 Ահա իմ մասին վկայողը երկնքում է,
Եվ իմ վկան բարձունքներում է+։
20 Ընկերներս խոսնակներ են, որ իմ դեմ են խոսում+,
Բայց անքուն աչքով ես Աստծուն եմ նայում+։
21 Աստծու և մարդու միջև թող վճիռ կայացվի,
Նմանապես, մարդու որդու և նրա մերձավորի միջև+։
22 Ընդամենը մի քանի տարի է մնացել,
Եվ ես կհեռանամ այն ճանապարհով, որով չեմ վերադառնա»+։
Ծանոթագրություններ
^ Աստվածաշնչում «եղջյուր» բառը հաճախ խորհրդանշ. է զորություն, հզորություն և իշխանություն։
