Հոբ 18:1-21
18 Այդ ժամանակ Բաղդատ սովեցին պատասխանեց՝ ասելով.
2 «Որքա՞ն ժամանակ է պետք, որ վերջ տաք խոսքերին։
Նախ դուք հասկացողություն ձեռք բերեք, որ հետո էլ մենք խոսենք։
3 Ինչո՞ւ մենք պետք է անասուն+ համարվենք
Եվ անմաքուր լինենք ձեր աչքին։
4 Դու նա ես, ով բարկությամբ պատառոտում է իր հոգին։
Մի՞թե հանուն քեզ երկիրը պիտի լքված լինի,
Կամ ժայռը շարժվի իր տեղից։
5 Ինչ խոսք, ամբարշտի լույսը կհանգչի+,
Եվ նրա կրակի կայծը չի փայլի։
6 Նրա վրանում լույսը կխավարի+,
Եվ նրա ճրագը նրանում կհանգչի։
7 Նրա առույգ քայլքը նեղվածքի մեջ կընկնի,
Եվ նրա խորհուրդը իրեն վայր կգցի+։
8 Նա իր ոտքերով ուռկանը կընկնի,
Եվ ցանցի վրայով նա կքայլի+։
9 Որոգայթը նրա կրունկը կբռնի+,
Եվ ծուղակը+ կբռնի նրան։
10 Հողի մեջ նրա համար պարան է թաքցված,
Նաև թակարդ՝ նրա ճանապարհին։
11 Շուրջբոլորը եղող հանկարծահաս սարսափները վախի մեջ են գցում նրան+
Եվ կրնկակոխ հետապնդում։
12 Նրա զորությունը հյուծվում է,
Եվ աղետը+ պատրաստ է նրան կաղ դարձնելու։
13 Մահվան առաջնեկը կուտի նրա մաշկի կտորները,
Այն կուտի նրա անդամները։
14 Նրա վստահությունը արմատախիլ կլինի նրա վրանից+,
Եվ նա կտարվի սարսափների թագավորի մոտ։
15 Նրա վրանում պիտի բնակվի մի բան, որ նրանը չէ,
Նրա բնակատեղի վրա ծծումբ+ շաղ կտրվի։
16 Ներքևում նրա արմատները կչորանան+,
Իսկ վերևում ճյուղը կթառամի։
17 Նրա մասին հիշատակումն անգամ կկորչի երկրի վրայից+,
Եվ փողոցում նա անուն չի ունենա։
18 Նրան լույսից դեպի խավար կքշեն
Եվ երկրից կվռնդեն։
19 Իր ժողովրդի մեջ նա սերունդ և հետնորդներ չի ունենա+,
Եվ նրա պանդխտության վայրում վերապրող չի լինի։
20 Արևմուտքի մարդիկ նրա օրվան ապշահար կնայեն,
Եվ արևելքի մարդիկ սարսուռով կհամակվեն։
21 Ահա այսպիսին են հանցավորի վրանները,
Եվ սա է Աստծուն չճանաչողի տեղը»։
