Հոբ 22:1-30
22 Եղիփազ թեմանացին պատասխանեց՝ ասելով.
2 «Կարո՞ղ է արդյոք մարդը օգտակար լինել Աստծուն+,
Կամ հասկացողություն ունեցող մարդը օգուտ կտա՞ նրան։
3 Մի՞թե Ամենակարողին հաճելի է, որ դու արդար ես+,
Կամ մի՞թե նա շահ ունի, որ քո ճանապարհը անարատ ես դարձնում+։
4 Քո աստվածավախությա՞ն համար նա պիտի հանդիմանի քեզ,
Նա քե՞զ հետ պիտի դատի մեջ մտնի+։
5 Մի՞թե քո չարությունն արդեն չափազանց շատ չէ+,
Եվ մի՞թե քո հանցանքներին վերջ չի լինի։
6 Դու առանց պատճառի քո եղբայրներից գրավ ես վերցնում+
Եվ նույնիսկ մերկ մարդկանց վրայից հանում ես նրանց հանդերձները։
7 Հոգնածին ջուր չես խմեցնում
Եվ քաղցածից խնայում ես հացը+։
8 Երկիրը զորավոր մարդուն է պատկանում+,
Եվ նրանում բնակվում է նա, ում հանդեպ կողմնապահություն են անում։
9 Այրիներին դու դատարկաձեռն ես ուղարկել,
Եվ որբերի թևերը կոտրված են+։
10 Դրա համար էլ թռչնի թակարդներ կան շուրջբոլորդ+,
Եվ անսպասելի սարսափը տագնապի մեջ է գցել քեզ,
11 Կամ էլ խավար է, և դու չես կարողանում տեսնել,
Եվ ջրերի տարափը ծածկում է քեզ։
12 Մի՞թե Աստված երկնքի+ պես բարձր չէ։
Նայիր աստղերի ողջ բազմությանը+, թե ինչքան բարձր են։
13 Սակայն դու ասում ես. «Աստված ի՞նչ գիտի։
Մի՞թե թանձր խավարի միջից նա կարող է դատել։
14 Ամպերը թաքնվելու տեղ են նրա համար, և նա չի տեսնում,
Երկնքի կամարի վրա է նա շրջում»։
15 Մի՞թե բռնելու ես վաղեմի ճանապարհը,
Որ վնասաբեր մարդիկ կոխկռտել են,
16 Մարդիկ, որոնք հափշտակվել են՝ իրենց ժամանակը դեռ չեկած+,
Որոնց հիմքը+ գետի պես հոսել է,
17 Որոնք ճշմարիտ Աստծուն ասում են. «Հեռացի՛ր մեզնից+։
Ամենակարողն ի՞նչ կարող է անել մեր դեմ»։
18 Սակայն նրանց տները նա բարիքներով է լցրել+,
Իսկ ամբարիշտների խորհուրդը հեռու է ինձնից+։
19 Արդարները կտեսնեն ու կուրախանան+,
Եվ անմեղը կծաղրի նրանց.
20 «Իսկապես որ, մեր հակառակորդները բնաջինջ են եղել,
Եվ ինչ որ մնացել է նրանցից, կրակը կլափի»։
21 Ճանաչիր նրան, խնդրեմ, և խաղաղություն պահպանիր,
Այդ դեպքում բարիքներ կգան քեզ վրա։
22 Ընդունիր, խնդրեմ, օրենքը նրա բերանից
Եվ նրա խոսքերը սրտիդ մեջ դիր+։
23 Եթե վերադառնաս դեպի Ամենակարողը+, դարձյալ կշինվես։
Եթե անարդարությունը վրանիցդ հեռու տանես,
24 Եթե հողի մեջ թանկարժեք մետաղ դնես
Եվ Օֆիրի+ ոսկի՝ գետահովտի ժայռի մեջ,
25 Ապա Ամենակարողը քո թանկարժեք մետաղը կլինի,
Նաև ընտիր արծաթ կլինի քեզ համար+։
26 Այդ ժամանակ անսահման ուրախություն կգտնես Ամենակարողի մոտ+
Եվ երեսդ կբարձրացնես դեպի Աստված+։
27 Դու կաղաչես նրան, և նա կլսի քեզ+,
Եվ դու կկատարես քո խոստումները+։
28 Դու մի բան կվճռես, և այն կկատարվի,
Ճանապարհներիդ վրա լույս կշողա+։
29 Եթե ամբարտավանությամբ խոսես, կնվաստանաս+,
Բայց աչքերը խոնարհած մարդուն նա կփրկի+։
30 Նա կազատի անմեղ մարդուն+,
Եվ դու կազատվես մաքուր ձեռքերիդ+ շնորհիվ»։
