Հոբ 26:1-14
26 Հոբը պատասխանեց՝ ասելով.
2 «Օ՜, որքա՜ն օգնեցիր անզորին,
Ինչպե՜ս փրկեցիր ուժ չունեցող բազուկը+։
3 Որքա՜ն խորհուրդներ տվեցիր իմաստություն+ չունեցողին
Եվ շատ-շատերին իմաստություն իմացրիր։
4 Այդ ո՞ւմ խոսքեր ասացիր,
Եվ ո՞ւմ շունչը դուրս եկավ քեզնից։
5 Անզոր մեռելները սարսռում են
Ջրերի և նրանցում բնակվողների տակ+։
6 Գերեզմանը* մերկ է նրա առաջ+,
Եվ կործանման վայրը ծածկոց չունի։
7 Նա հյուսիսը տարածում է դատարկ տարածության վրա+,
Երկիրը կախում է ոչնչի վրա։
8 Ջրերը նա փաթաթում է իր ամպերի մեջ+,
Եվ ամպը չի պատռվում դրանց տակ։
9 Ծածկում է գահի դիմացը՝
Իր ամպը տարածելով դրա վրա+։
10 Նա ջրերի երեսին շրջան է գծում+,
Որտեղ լույսը խավարի է վերածվում։
11 Երկնքի սյուները սասանվում են,
Եվ նրա սաստումից նրանք ապշում են։
12 Իր զորությամբ նա խռովեցրել է ծովը+
Եվ իր հասկացողությամբ փշրել է հարստահարողին*+։
13 Իր քամիով նա ողորկել է երկինքը+,
Նրա ձեռքը խոցել է սողացող օձին+։
14 Ահա սրանք նրա ճանապարհների եզրերն են+,
Եվ ընդամենը շշուկ է լսվում նրա մասին։
Բայց ո՞վ կարող է հասկանալ նրա հզոր որոտը»+։
