Հոբ 37:1-24
37 «Արդարև, դրանից սիրտս սարսռում է+
Եվ վեր է թռչում իր տեղից։
2 Ուշադիր լսեք նրա ձայնի դղրդյունին+
Եվ նրա բերանից դուրս եկող թնդյունին։
3 Նա արձակում է այն ողջ երկնքի տակ,
Եվ իր կայծակները+՝ մինչև երկրի ծայրերը։
4 Այնուհետև մի ձայն է շառաչում.
Նա որոտում է+ իր փառահեղ ձայնով+,
Եվ երբ լսվում է նրա ձայնը+, հետ չի պահում դրանք։
5 Աստված իր ձայնով որոտում է+ զարմանահրաշ կերպով,
Մեծ բաներ է անում, որ մենք չենք կարող հասկանալ+։
6 «Դեպի երկի՛ր թափվիր»+,– ասում է նա ձյանը,
Հորդառատ անձրևին և նույնիսկ իր ուժգին հեղեղին+։
7 Յուրաքանչյուր մարդու ձեռքին նա կնիք է դնում,
Որպեսզի ամեն մահկանացու մարդ իմանա նրա գործը։
8 Գազանը դարան է մտնում
Եվ իր թաքստոցներում+ է բնակվում։
9 Ներքին սենյակից+ փոթորկալից քամին է դուրս գալիս,
Եվ հյուսիսային քամիներով ցուրտն է գալիս+։
10 Աստծու շնչից սառույց+ է գոյանում,
Եվ ջրերի լայնությունը սեղմվում է*+։
11 Նա խոնավությամբ ծանրաբեռնում է ամպը,
Նրա լույսը+ ցրում է ամպերը։
12 Նրա առաջնորդությամբ նրանք շրջվում են, որ իրենց գործը անեն,
Ուր էլ որ նա հրամայի+ նրանց գնալ երկրի երեսին։
13 Դրանց օգնությամբ նա կա՛մ պատժում է+, կա՛մ խոնավացնում է երկիրը+,
Կա՛մ էլ իր սիրառատ բարությունն+ է ցույց տալիս։
14 Ականջ դիր սրան, ո՛վ Հոբ,
Կանգ առ և ուշադիր եղիր Աստծու զարմանահրաշ գործերի հանդեպ+։
15 Գիտե՞ս արդյոք, թե Աստված երբ է սահմանել նրանց նշանակումը+,
Եվ երբ է ցոլացրել իր ամպի լույսը։
16 Գիտե՞ս արդյոք, թե ինչպես է ամպը պահում իր հավասարակշռությունը+.
Կատարյալ գիտելիքներ Ունեցողի զարմանահրաշ գործերը գիտե՞ս+։
17 Ինչո՞ւ են հանդերձներդ տաքանում,
Երբ երկրի վրա հանդարտություն է գալիս հարավից+։
18 Մի՞թե նրա հետ կարող ես կոփել երկինքը+
Եվ ձուլված հայելու պես ամուր դարձնել։
19 Իմացրու մեզ, թե ինչ ասենք նրան,
Խավարի պատճառով չենք կարողանում խոսքեր արտաբերել։
20 Մի՞թե նրան պետք է տեղեկացնել, որ ես ուզում եմ խոսել,
Կամ մի՞թե որևէ մարդ ասել է, որ այդ մասին կհաղորդեն նրան+։
21 Հիմա նրանք չեն տեսնում լույսը։
Այն կշողա երկնքում,
Երբ քամին անցնի ու այն մաքրի ամպերից։
22 Հյուսիսից ոսկե շքեղություն է գալիս,
Աստծու մեծափառությունը+ ակնածանք է ներշնչում։
23 Ամենակարողին մենք չենք ըմբռնել+.
Նա բարձր է զորությամբ+
Եվ արդարադատությունն+ ու արդարության+ առատությունը չի նսեմացնի+։
24 Ուստի թող մարդիկ վախենան նրանից+։
Նա հաշվի չի առնում նրանց, ովքեր սրտում իրենք իրենց իմաստուն են համարում»+։
Ծանոթագրություններ
^ Կամ՝ սառցակալում է։
