Սաղմոս 48:1-14
Երգ։ Կորխի+ որդիների սաղմոսը։
48 Եհովան մեծ է և բազում գովաբանությունների է արժանի+Մեր Աստծու քաղաքում+՝ իր սուրբ լեռան վրա+։
2 Գեղեցիկ է իր բարձրությամբ, ամբողջ երկրի ուրախությունն է+Սիոն լեռը հեռավոր հյուսիսային կողմերում+,Մեծ Թագավորի քաղաքը+։
3 Նրա ամրոցներում Աստված հայտնի է որպես ապահով բարձունք+,
4 Որովհետև ահա թագավորները պայմանավորվեցին ու հանդիպեցին+Եվ միասին եկան ու անցան+։
5 Նրանք անձամբ տեսան ու զարմացան։Շփոթության մեջ ընկան և խուճապահար փախան+։
6 Դող բռնեց նրանց այնտեղ+,Եվ սաստիկ ցավ՝ ծննդկան կնոջ ցավերի նման+։
7 Արևելյան քամիով դու խորտակում ես Թարսիսի նավերը+։
8 Ինչ որ լսել էինք, հենց այն տեսանք+Զորքերի Տեր Եհովայի քաղաքում՝ մեր Աստծու քաղաքում+։Աստված ինքը կհաստատի այն հավիտյան+։ (Սելա)
9 Քո տաճարի մեջ+, ո՛վ Աստված,Մենք քո սիրառատ բարության մասին ենք խորհում+։
10 Ինչպես որ քո անունը+, ո՛վ Աստված, այնպես էլ քո գովաբանությունըՄինչև երկրի ծայրերն է։Աջ ձեռքդ լի է արդարությամբ+։
11 Թող ուրախանա Սիոն լեռը+,Թող ցնծան Հուդայի փոքր քաղաքները*+ քո դատավճիռների համար+։
12 Ո՛վ ժողովուրդ, Սիոնի շո՛ւրջը դարձեք, նրա չորս կո՛ղմը պտտվեք+,Հաշվե՛ք նրա աշտարակները+։
13 Ձեր ուշադրությունը դեպի նրա պատնե՛շը դարձրեք+,Քննե՛ք նրա ամրոցները,Որպեսզի այդ մասին պատմեք գալիք սերնդին+.
14 Որովհետև այս Աստվածն է մեր Աստվածը դարեդար, այո՛, հավիտյան+։Նա է մեզ առաջնորդելու մինչև մահ+։
Ծանոթագրություններ
^ Կամ՝ «կախյալ քաղաքները»։ Բռց.՝ «դուստրերը»։
