Սաղմոս 58:1-11
Նվագավարին։ «Մի՛ կործանիր»։ Դավթի սաղմոսը։ Միքթամ*։
58 Լուռ մնալով՝ կարո՞ղ եք արդարության մասին խոսել+։
Կարո՞ղ եք ուղղամտությամբ դատել, ո՛վ մարդկանց որդիներ+։
2 Ո՛չ, փոխարենը՝ ձեր սիրտը դրդում է ձեզ անարդարություն գործելու երկրի վրա+,Եվ ճանապարհ եք պատրաստում ձեր ձեռքերի բռնության համար+։
3 Ամբարիշտներն ապականված են դեռ մոր արգանդից+,Մոլորված են դեռ մոր որովայնից.Նրանք սուտ են խոսում+։
4 Նրանց թույնը օձի թույնի է նման+,Խուլ են, ինչպես կոբրան, որ փակում է իր ականջը+,
5 Որպեսզի չլսի թովիչների+ ձայնը,Նույնիսկ եթե հմայողը վարպետությամբ է կախարդում+։
6 Ո՛վ Աստված, փշրի՛ր նրանց ատամները իրենց բերանում+։
Կոտրի՛ր առյուծների ծնոտները, ո՛վ Եհովա։
7 Թող որ նրանք լուծվեն, ինչպես հոսող ջրերի մեջ է լուծվում որևէ բան+,
Թող որ նա լարի աղեղը իր նետերի համար, և նրանք վայր ընկնեն+։
8 Ինչպես որ խխունջն է հալվում, այդպես են նրանք քայլում,Կնոջ վիժածի նման՝ նրանք չեն տեսնի արևը+։
9 Նախքան ձեր կաթսաները կզգան վառվող փշի տաքությունը+,Նա մրրիկի պես կքշի, կտանի թե՛ կանաչ և թե՛ այրվող փուշը+։
10 Արդարը կուրախանա՝ տեսնելով վրեժխնդրությունը+։Նա իր ոտքերը ամբարշտի արյան մեջ կլվանա+։
11 Եվ մարդիկ կասեն+. «Արդարև վարձատրություն կա արդարի համար+։
Արդարև Աստված կա, որ դատում է երկիրը»+։
Ծանոթագրություններ
^ Տե՛ս 16-րդ սաղմոսի ենթախորագրի ծնթ.։
