1 Սամուել 27:1-12
27 Սակայն Դավիթն ասաց իր սրտում. «Մի օր ես Սավուղի ձեռքով սպանվելու եմ։ Ինձ համար փղշտացիների+ երկիրը փախչելուց+ ավելի լավ բան չկա։ Սավուղը հույսը կկորցնի ու այլևս չի փնտրի ինձ Իսրայելի ամբողջ տարածքում+, և ես անպատճառ կփրկվեմ նրա ձեռքից»։
2 Դավիթը վեր կացավ, և ինքն ու իր հետ եղող վեց հարյուր մարդիկ+ գնացին Գեթի թագավոր Անքուսի+՝ Մաոքի որդու մոտ։
3 Դավիթն ու իր մարդիկ՝ ամեն մեկն իր ընտանիքով+, և Դավիթը իր երկու կանանց՝ հեզրայելացի Աքինոամի+ ու Նաբաղի նախկին կնոջ՝ կարմեղոսցի Աբիգեայի+ հետ բնակվեցին Գեթում՝ Անքուսի մոտ։
4 Որոշ ժամանակ անց Սավուղին տեղեկացրին, որ Դավիթը փախել է Գեթ, ուստի նա այլևս չփնտրեց նրան+։
5 Դավիթն ասաց Անքուսին. «Եթե քո աչքում բարեհաճություն եմ գտել, ապա թող գյուղաքաղաքներից մեկում ինձ տեղ տան, որ այնտեղ բնակվեմ։ Ինչի՞ համար քո ծառան քեզ հետ թագավորանիստ քաղաքում բնակվի»։
6 Այդ օրը Անքուսը նրան տվեց Սիկելակը+։ Ահա թե ինչու է Սիկելակը մինչև հիմա Հուդայի թագավորներին պատկանում։
7 Դավիթը բնակվեց փղշտացիների երկրում մեկ տարի ու չորս ամիս+։
8 Դավիթը բարձրանում էր իր մարդկանց հետ ու արշավում գեսուրացիների+, գազերացիների, ամաղեկացիների+ վրա, որոնք բնակվում էին մի երկրում, որը ձգվում էր Տելամից+ մինչև Սուր+ և դեպի ներքև՝ մինչև Եգիպտոս։
9 Դավիթը հարվածեց այդ երկիրը և ողջ չթողեց ո՛չ տղամարդ և ո՛չ էլ կին+. նա ավար վերցրեց մանր ու խոշոր անասուններին, ավանակներին, ուղտերին ու նաև հագուստներ, որից հետո վերադարձավ Անքուսի մոտ։
10 Անքուսը հարցրեց. «Ո՞ր կողմը արշավեցիք այսօր»։ Դավիթն էլ պատասխանեց+. «Դեպի Հուդայի հարավային+ կողմերը, հերամելցիների+ երկրի և կենեցիների+ երկրի հարավային կողմերը»։
11 Դավիթը կենդանի չէր թողնում ո՛չ տղամարդ և ո՛չ էլ կին, որ նրանց բերեր Գեթ։ Նա ասում էր. «Որպեսզի մեր մասին չպատմեն՝ ասելով, թե՝ «ահա Դավիթն ինչ արեց»»+։ (Նա այսպես էր վարվում ամեն ժամանակ, քանի դեռ բնակվում էր փղշտացիների երկրում)։
12 Անքուսը հավատում էր+ Դավթին ու իր մտքում ասում էր. «Այս մարդը գարշելի է դարձել իր Իսրայել ժողովրդի մեջ+, ուրեմն ընդմիշտ իմ ծառան կդառնա»։
