2 Օրենք 16:1-22
16 «Նշիր աբիբ+ ամիսը և քո Աստված Եհովայի պատվին Պասեքը տոնիր+, որովհետև աբիբ ամսին քո Աստված Եհովան գիշերով հանեց քեզ Եգիպտոսից+։
2 Քո խոշոր ու մանր անասուններից+ Պասեքի զոհը+ մատուցիր քո Աստված Եհովային այն վայրում, որը Եհովան կընտրի իր անունն այնտեղ լինելու համար+։
3 Դրա հետ թթխմորով պատրաստված ոչ մի բան չուտես։ Յոթ օր անթթխմոր հաց կեր+՝ նեղության հաց, քանի որ շտապելով դուրս եկար Եգիպտոսից+։ Դա կօգնի, որ կյանքիդ բոլոր օրերում հիշես այն օրը, երբ դուրս եկար Եգիպտոսից+։
4 Յոթ օր քո ամբողջ տարածքում թթխմոր ընդհանրապես չպետք է լինի+, և առաջին օրվա երեկոյան զոհաբերված մսից ոչինչ չպետք է մնա ամբողջ գիշեր մինչև առավոտ+։
5 Պասեքի զոհը չմատուցես քո քաղաքներից որևէ մեկում, որոնք քո Աստված Եհովան տալիս է քեզ,
6 այլ զոհը մատուցիր այն վայրում, որը քո Աստված Եհովան կընտրի, որ իր անունն այնտեղ լինի+։ Դա մատուցիր երեկոյան՝ մայրամուտին+, այն նշանակված ժամանակին, երբ դուրս եկար Եգիպտոսից։
7 Զոհը պատրաստիր ու կեր+ այն վայրում, որը քո Աստված Եհովան կընտրի+, իսկ առավոտյան վերադարձիր քո վրանները։
8 Վեց օր անթթխմոր հաց կեր, իսկ յոթերորդ օրը հանդիսավոր հավաքույթ է քո Աստված Եհովայի պատվին+։ Ոչ մի գործ չանես։
9 Քեզ համար յոթ շաբաթ հաշվիր։ Յոթ շաբաթները սկսիր հաշվել այն ժամանակվանից+, երբ առաջին անգամ հացահատիկի արտում մանգաղով գործ անես։
10 Այնուհետև քո Աստված Եհովայի պատվին տոնիր Շաբաթների տոնը+՝ կամավոր ընծա բերելով այն ամենից, ինչով քո Աստված Եհովան կօրհնի քեզ+։
11 Այն վայրում, որը քո Աստված Եհովան կընտրի, որպեսզի իր անունն այնտեղ լինի+, ուրախացիր քո Աստված Եհովայի առաջ+, ինչպես դու, այնպես էլ քո որդին, աղջիկը, ծառան, աղախինը, քո քաղաքում գտնվող ղևտացին, պանդուխտը+, որբը*+, այրին+, որոնք քեզ մոտ են ապրում։
12 Հիշիր, որ դու ստրուկ էիր Եգիպտոսում+, ուստի պահիր ու կատարիր այս կանոնները+։
13 Քո կալից, յուղի և գինու հնձանից ամեն ինչ հավաքելուց հետո յոթ օր տոնիր Տաղավարների տոնը+։
14 Տոնի ընթացքում ուրախացիր+, ինչպես դու, այնպես էլ քո որդին, աղջիկը, ծառան, աղախինը, ղևտացին, պանդուխտը, որբը և այրին, որոնք քո քաղաքում են։
15 Այն վայրում, որը Եհովան կընտրի, յոթ օր քո Աստված Եհովայի պատվին տոն նշիր+, որովհետև քո Աստված Եհովան կօրհնի+ քո ամբողջ բերքն ու ձեռքիդ բոլոր գործերը, և այդժամ դու ուրախ կլինես+։
16 Տարին երեք անգամ՝ Անթթխմոր հացերի տոնին+, Շաբաթների տոնին+ և Տաղավարների տոնին+, քո բոլոր տղամարդիկ պետք է գան քո Աստված Եհովայի առաջ այն վայրում, որը նա կընտրի+. ոչ ոք դատարկաձեռն չպետք է ներկայանա Եհովայի առաջ+։
17 Յուրաքանչյուրի ձեռքի նվերը պետք է համապատասխանի այն օրհնությանը, որը քո Աստված Եհովան տվել է քեզ+։
18 Դատավորներ+ ու գլխավորներ+ նշանակիր այն քաղաքների դարպասների մոտ, որոնք քո Աստվածը՝ Եհովան, տալիս է ըստ քո ցեղերի. նրանք ժողովրդին արդար դատաստանով պետք է դատեն։
19 Արդարադատությունը չխեղաթյուրես+։ Կողմնակալ չլինես+ և կաշառք չվերցնես, որովհետև կաշառքը կուրացնում է իմաստունների աչքերն+ ու աղավաղում է արդարների խոսքերը։
20 Արդարության, միմիայն արդարության հետամուտ եղիր+, որպեսզի ողջ մնաս ու տիրես այն երկրին, որը քո Աստված Եհովան տալիս է քեզ+։
21 Որպես սուրբ ձող ոչ մի ծառ չտնկես քո Աստված Եհովայի զոհասեղանի մոտ, որը կշինես քեզ համար+։
22 Եվ քեզ համար սուրբ սյուն չկանգնեցնես+, ինչը քո Աստված Եհովան ատում է»+։
Ծանոթագրություններ
^ Բառացի՝ «անհայր տղան»։
