Later was daar baie mense op die aarde. Die meeste van hulle was sleg. Selfs party van die engele in die hemel het sleg geword. Hulle het hulle woonplek in die hemel verlaat en na die aarde toe gekom. Weet jy hoekom hulle dit gedoen het? Sodat hulle menseliggame kon aanneem en met vroue kon trou.

Die engele en die vroue het saam seuns gehad. Hierdie seuns het baie sterk geword en mense begin boelie. Hulle het mense seergemaak. Jehovah kon nie toelaat dat dit aanhou gebeur nie. Daarom het hy besluit om die slegte mense in ’n vloed te vernietig.

Maar daar was ’n man wat anders was. Hy was lief vir Jehovah. Sy naam was Noag. Hy het ’n vrou gehad en drie seuns, Sem, Gam en Jafet, en elkeen van hulle het ’n vrou gehad. Jehovah het vir Noag gesê om ’n groot ark te bou sodat hy en sy gesin die Vloed kon oorleef. ’n Ark is ’n groot boks wat op water kan dryf. Jehovah het ook vir Noag gesê om baie diere in die ark in te bring sodat hulle ook kon oorleef.

Noag het dadelik begin om die ark te bou. Dit het Noag en sy gesin omtrent 50 jaar geneem om dit te bou. Hulle het die ark presies gebou soos Jehovah gesê het. Gedurende daardie tyd het Noag die mense oor die Vloed gewaarsku. Maar niemand het na hom geluister nie.

Uiteindelik was dit tyd om in die ark in te gaan. Kom ons vind uit wat volgende gebeur het.