LES 28
Wys dat jy waardeer wat Jehovah en Jesus vir jou gedoen het
Hoe voel jy wanneer ’n vriend vir jou ’n pragtige geskenk gee? Dit maak jou heel moontlik baie gelukkig, en jy wil vir jou vriend wys dat jy daardie geskenk waardeer. Jehovah en Jesus het vir ons die grootste geskenk gegee wat ons ooit kon kry: die losprys. Hoe kan ons wys dat ons dit waardeer?
1. Wat is een manier waarop ons kan wys dat ons waardeer wat God en Christus vir ons gedoen het?
Die Bybel belowe dat “elkeen wat geloof in [Jesus] beoefen,” vir ewig kan lewe (Johannes 3:16). Wat beteken dit om geloof te beoefen? Dit beteken dat ons meer moet doen as om net in Jesus te glo. Ons moet ook wys dat ons geloof het deur die keuses wat ons maak en deur die dinge wat ons doen (Jakobus 2:17). Wanneer ons wys dat ons geloof het deur wat ons doen en deur wat ons sê, versterk ons ons vriendskap met Jesus en sy Vader, Jehovah. – Johannes 14:21.
2. Watter spesiale geleentheid help ons om te wys dat ons waardeer wat Jehovah en Jesus gedoen het?
Die aand voordat Jesus gesterf het, het hy vir sy volgelinge van nog ’n manier vertel hoe hulle kan wys dat hulle sy offerande waardeer. Hy het vir hulle gesê om bymekaar te kom vir ’n spesiale geleentheid wat die Bybel “die Here se Aandmaal” noem, en dit word ook die Herdenking van Christus se dood of die Gedenkmaal genoem (1 Korintiërs 11:20). Jesus wou hê dat sy apostels, en alle ware Christene ná hulle, moes onthou dat hy sy lewe vir ons gegee het. Daarom het Jesus vir hulle gesê: “Hou aan om dit te doen as ’n herinnering aan my” (Lukas 22:19). Wanneer jy die Gedenkmaal bywoon, wys jy dat jy dankbaar is vir die groot liefde wat Jehovah en Jesus vir ons het.
SOEK DIEPER
Kyk na nog maniere hoe jy kan wys dat jy dankbaar is vir die groot liefde wat Jehovah en Jesus gewys het. Leer hoekom die Herdenking van Christus se dood so belangrik is.
3. Wat kan ons doen om te wys dat ons dankbaar is?
Verbeel jou dat iemand jou lewe gered het. Sou jy net vergeet wat daardie persoon vir jou gedoen het? Of sou jy na maniere soek om vir hom te wys dat jy dankbaar is vir wat hy gedoen het?
Ons skuld Jehovah ons lewens. Lees 1 Johannes 4:8-10, en bespreek dan hierdie vrae:
-
Hoekom is Jesus se offerande ’n spesiale geskenk?
-
Hoe voel jy oor wat Jehovah en Jesus vir jou gedoen het?
Hoe kan ons wys dat ons dankbaar is vir wat Jehovah en Jesus vir ons gedoen het? Lees 2 Korintiërs 5:15 en 1 Johannes 4:11; 5:3. Nadat elke vers gelees is, bespreek hierdie vraag:
-
Volgens hierdie vers, wat kan ons doen om te wys dat ons dankbaar is?
4. Volg Jesus na
Nog ’n manier om te wys dat ons dankbaar is, is deur Jesus na te volg. Lees 1 Petrus 2:21, en bespreek dan hierdie vraag:
-
Op watter maniere kan jy Jesus se voetstappe noukeurig navolg?
Jesus was lief vir God se Woord, het vir ander van die goeie nuus vertel en het mense gehelp
5. Woon die Herdenking van Christus se dood by
Om te sien wat gebeur het die eerste keer toe die Here se Aandmaal gehou is, lees Lukas 22:14, 19, 20. Bespreek dan hierdie vrae:
-
Wat het by die Here se Aandmaal gebeur?
-
Wat stel die brood en die wyn voor? – Sien vers 19 en 20.
Jesus wou hê dat sy dissipels die Here se Aandmaal een keer ’n jaar moes hou op die datum waarop hy gesterf het. Daarom kom Jehovah se Getuies elke jaar bymekaar om Christus se dood te onthou op die manier wat hy gesê het ons moet. Om meer oor hierdie belangrike vergadering te leer, speel die VIDEO. Bespreek dan die volgende vraag.
-
Wat gebeur by die Gedenkmaal?
Die brood en die wyn stel verskillende dinge voor. Die brood stel Jesus se volmaakte menseliggaam voor wat hy vir ons opgeoffer het. Die wyn stel sy bloed voor
PARTY MENSE SÊ: “Al wat jy moet doen om gered te word, is om in Jesus te glo.”
-
Hoe kan jy Johannes 3:16 en Jakobus 2:17 gebruik om te wys dat meer nodig is?
WAT ONS GELEER HET
Ons wys dat ons waardeer wat Jesus vir ons gedoen het deur geloof in hom te beoefen en deur die Herdenking van sy dood by te woon.
Hersiening
-
Wat beteken dit om geloof in Jesus te beoefen?
-
Hoe sal jy graag wil wys dat jy waardeer wat Jehovah en Jesus vir jou gedoen het?
-
Hoekom is dit so belangrik om die Herdenking van Christus se dood by te woon?
LEER MEER
Wat motiveer Christus se dood ons om te doen?
Leer meer oor geloof en hoe ons dit kan beoefen.
“Beoefen geloof in Jehovah se beloftes” (Die Wagtoring, Oktober 2016)
Lees die lewensverhaal “Ek voel skoon, lewendig en heel” en kyk hoe ’n vrou se lewe verbeter het toe sy verstaan het wat Christus se offerande vir haar beteken.
“Die Bybel verander lewens” (Die Wagtoring, 1 Augustus 2011)
Kyk hoekom min mense by die Gedenkmaal van die brood eet en van die wyn drink.
Jy sal dalk ook hiervan hou
ALGEMENE VRAE
Wat behels ’n Bybelstudie wat Jehovah se Getuies aanbied?
Jy kan enige Bybelvertaling gebruik wanneer jy die Bybel gratis met Jehovah se Getuies studeer. Jy kan gerus jou hele gesin, ander familielede of enige vriende nooi om by jou Bybelstudie in te sit.
