God se vernaamste vyand is Satan die Duiwel. Hy is ’n geesskepsel wat teen Jehovah in opstand gekom het. Satan hou aan om teen God te veg en maak die lewe vir mense baie moeilik. Satan is vol boosheid. Hy is ’n leuenaar en ’n moordenaar.—Johannes 8:44.

Ander geesskepsele het by Satan aangesluit in sy opstand teen God. Die Bybel noem hulle demone. Soos Satan is die demone vyande van mense. Hulle hou daarvan om mense kwaad aan te doen (Matteus 9:32, 33; 12:22). Jehovah sal Satan en sy demone vir ewig vernietig. Hulle het nog net ’n kort tydjie oor om die lewe vir mense moeilik te maak.—Openbaring 12:12.

As jy God se vriend wil wees, moet jy nie doen wat Satan wil hê jy moet doen nie. Satan en die demone haat Jehovah. Hulle is vyande van God, en hulle wil jou ook ’n vyand van God maak. Jy moet kies wie jy wil behaag—Satan of Jehovah. As jy die ewige lewe wil geniet, moet jy kies om God se wil te doen. Satan het baie slinkse streke en maniere om mense te mislei. Die meeste mense word deur hom bedrieg.—Openbaring 12:9.