1 Konings 11:1-43
11 En koning Salomo het baie uitlandse vrouens liefgehad+ benewens die dogter van Farao:+ Moabitiese,+ Ammonitiese,+ Edomitiese,+ Sidoniese+ en Hetitiese+ vrouens,
2 uit die nasies waarvan Jehovah vir die kinders van Israel gesê het: “Julle mag nie onder hulle ingaan nie,+ en hulle mag nie onder julle inkom nie; waarlik, hulle sal julle hart laat afwyk om hulle gode te volg.”+ Salomo het hulle aangekleef+ om hulle lief te hê.
3 En hy het sewehonderd vrouens gehad, vorstinne, en driehonderd byvrouens; en sy vrouens het sy hart geleidelik+ laat afwyk.
4 En toe Salomo oud word,+ het sy vrouens sy hart laat afwyk+ om ander gode te volg;+ en sy hart was nie volkome+ met Jehovah sy God soos die hart van sy vader Dawid nie.
5 En Salomo het agter Astoʹret,+ die godin van die Sidoniërs, en agter Milkom,+ die walglike ding van die Ammoniete, aan begin loop.
6 En Salomo het begin doen wat sleg was+ in die oë van Jehovah, en hy het Jehovah nie volkome gevolg soos sy vader Dawid nie.+
7 Toe het Salomo ’n hoogte gebou+ vir Kamos,+ die walglike+ ding van Moab, op die berg+ wat voor+ Jerusalem was, en vir Molog, die walglike ding van die kinders van Ammon.
8 En so het hy gedoen vir al sy uitlandse vrouens+ wat offerrook laat opgaan het en offerandes aan hulle gode gebring het.+
9 En Jehovah het vertoornd geword+ op Salomo, omdat sy hart afgewyk het van Jehovah, die God van Israel,+ wat twee keer aan hom verskyn het.+
10 En aangaande hierdie saak het hy hom beveel om nie agter ander gode aan te loop nie;+ maar hy het nie onderhou wat Jehovah beveel het nie.
11 Jehovah het toe vir Salomo gesê: “Omdat dit met jou gebeur het en jy my verbond en my insettinge wat ek jou beveel het, nie gehou het nie, sal ek vir seker die koninkryk van jou afskeur, en ek sal dit beslis aan jou kneg gee.+
12 Ek sal dit egter nie in jou dae doen nie,+ ter wille van jou vader Dawid.+ Uit die hand van jou seun sal ek dit afskeur.+
13 Maar ek sal nie die hele koninkryk afskeur nie.+ Een stam sal ek aan jou seun gee, ter wille van my kneg Dawid+ en ter wille van Jerusalem wat ek uitgekies het.”+
14 En Jehovah het ’n teenstander+ teen Salomo begin verwek,+ naamlik Hadad, die Edomiet, van die nageslag van die koning. Hy was in Edom.+
15 En toe Dawid Edom verslaan het,+ toe Joab, die leërhoof, opgetrek het om die gesneuweldes te begrawe, het hy almal wat manlik was in Edom, probeer doodmaak.+
16 (Want ses maande lank het Joab en die hele Israel daar gebly totdat hy almal wat manlik was in Edom, uitgeroei het.)
17 En Hadad het gevlug, hy en party Edomitiese manne uit die knegte van sy vader saam met hom, om na Egipte te gaan, terwyl Hadad ’n jong seun was.
18 En hulle het uit Miʹdian+ opgestaan en in Paran gekom en uit Paran+ manne saam met hulle geneem en in Egipte gekom by Farao, die koning van Egipte, wat hom toe ’n huis gegee het. Ook het hy aan hom brood toegesê en aan hom grond gegee.
19 En Hadad het deurentyd guns gevind+ in die oë van Farao, in so ’n mate dat hy aan hom ’n vrou gegee het,+ die suster van sy eie vrou, die suster van die dame Tagʹpenes.
20 Na verloop van tyd het die suster van Tagʹpenes vir hom sy seun Genuʹbat gebaar, en Tagʹpenes het hom daar in die huis van Farao gespeen;+ en Genuʹbat het in die huis van Farao gebly, tussen die kinders van Farao.
21 En Hadad het in Egipte gehoor dat Dawid met sy voorvaders ontslaap het+ en dat Joab, die leërhoof, gesterf het.+ Toe het Hadad vir Farao gesê: “Stuur my weg,+ sodat ek na my eie land kan gaan.”
22 Maar Farao het vir hom gesê: “Waaraan het jy gebrek terwyl jy by my is dat jy nou na jou eie land wil gaan?” Hierop het hy gesê: “Aan niks; maar u behoort my vir seker weg te stuur.”
23 En God het nog ’n teenstander teen hom verwek,+ naamlik Reson, die seun van Elʹjada, wat vir sy heer Hadadeʹser,+ die koning van Soba,+ gevlug het.
24 En hy het, toe Dawid hulle doodgemaak het,+ voortdurend manne aan sy kant bymekaargebring en hoof van ’n rowerbende geword. En hulle het na Damaskus+ gegaan en daarin gaan woon en in Damaskus begin regeer.
25 En hy was ’n teenstander van Israel al die dae van Salomo,+ en dít by die kwaad wat Hadad gedoen het; en hy het ’n afsku+ van Israel gehad terwyl hy oor Sirië bly regeer het.
26 En daar was Jeroʹbeam,+ die seun van Nebat, ’n Efraimiet uit Sereʹda, ’n kneg van Salomo,+ en sy moeder se naam was Seruʹa, ’n weduwee. Ook hy het sy hand teen die koning begin ophef.+
27 En dít is die rede waarom hy sy hand teen die koning opgehef het: Salomo het die Wal gebou.+ Hy het die gaping in die Stad van Dawid, sy vader,+ toegemaak.
28 En die man Jeroʹbeam was ’n dapper, sterk man.+ Toe Salomo sien dat die jong man ’n harde werker is,+ het hy hom opsiener gemaak+ oor al die verpligte diens+ van die huis van Josef.+
29 En in dié tyd het Jeroʹbeam uit Jerusalem uitgegaan, en die profeet Ahiʹa,+ die Siloniet,+ het hom op die pad gekry, en Ahiʹa het hom met ’n nuwe kleed bedek; en hulle twee was alleen in die veld.
30 Ahiʹa het toe die nuwe kleed gegryp wat hy aangehad het en dit in twaalf+ stukke geskeur.+
31 En hy het vir Jeroʹbeam gesê:
“Neem vir jou tien stukke; want só het Jehovah, die God van Israel, gesê: ‘Kyk, ek skeur die koninkryk uit die hand van Salomo, en ek sal jou beslis tien stamme gee.+
32 En die een stam+ sal syne bly ter wille van my kneg Dawid+ en ter wille van Jerusalem,+ die stad wat ek uit al die stamme van Israel gekies het.
33 Die rede hiervoor is dat hulle my verlaat het+ en hulle begin neerbuig het voor Astoʹret,+ die godin van die Sidoniërs, voor Kamos,+ die god van Moab, en voor Milkom,+ die god van die kinders van Ammon; en hulle het nie in my weë gewandel deur te doen wat reg is in my oë en my insettinge en my regterlike beslissings te onderhou soos sy vader Dawid nie.
34 Maar ek sal nie die hele koninkryk uit sy hand neem nie, want ek sal hom as ’n owerste aanstel al die dae van sy lewe, ter wille van my kneg Dawid wat ek uitgekies het,+ omdat hy my gebooie en my insettinge onderhou het.
35 En ek sal beslis die koningskap uit die hand van sy seun neem en dit aan jou gee, ja, tien stamme.+
36 En aan sy seun sal ek een stam gee, sodat my kneg Dawid altyd ’n lamp voor my kan hê in Jerusalem,+ die stad wat ek vir my uitgekies het om my naam daar te vestig.+
37 En ek sal jou neem, en jy sal inderdaad regeer oor alles wat jou siel begeer,+ en jy sal beslis koning oor Israel word.
38 En as jy alles gehoorsaam wat ek jou beveel en jy in my weë wandel en doen wat reg is in my oë deur my insettinge en my gebooie te onderhou, net soos my kneg Dawid gedoen het,+ dan sal ek met jou wees,+ en ek sal vir jou ’n bestendige huis bou, net soos ek vir Dawid gebou het,+ en ek sal Israel aan jou gee.
39 En ek sal die nageslag van Dawid om hierdie rede verneder,+ maar nie vir altyd nie.’”+
40 En Salomo het Jeroʹbeam probeer doodmaak.+ Toe het Jeroʹbeam opgestaan en gevlug+ na Egipte, na Sisak,+ die koning van Egipte, en hy het tot Salomo se dood in Egipte gebly.
41 Wat die res van die aangeleenthede van Salomo betref en alles wat hy gedoen het en sy wysheid, is dit nie opgeteken in die kroniekboek van Salomo nie?
42 En die dae dat Salomo in Jerusalem oor die hele Israel regeer het, was veertig jaar.+
43 Toe het Salomo met sy voorvaders ontslaap,+ en hy is in die Stad van Dawid,+ sy vader, begrawe; en sy seun Rehaʹbeam+ het in sy plek begin regeer.
