1 Konings 19:1-21
19 Toe het Agab+ vir Iseʹbel+ alles vertel wat Eliʹa gedoen het, ja, alles, ook hoe hy al die profete met die swaard doodgemaak het.+
2 Daarop het Iseʹbel ’n boodskapper na Eliʹa toe gestuur en gesê: “Mag die gode so doen,+ en mag hulle so daaraan toevoeg+ as ek hierdie tyd môre nie jou siel soos die siel van elkeen van hulle maak nie!”
3 En hy het bang geword. Gevolglik het hy opgestaan en ter wille van sy siel weggegaan+ en in Berseʹba+ gekom, wat aan Juda behoort.+ Toe het hy sy dienaar daar agtergelaat.
4 En hy self het ’n dagreis ver die wildernis in gegaan en eindelik onder ’n sekere besemstruik gaan sit.+ En hy het begin vra dat sy siel moet sterf en gesê: “Dit is genoeg! Neem nou my siel weg,+ o Jehovah, want ek is nie beter as my voorvaders nie.”
5 Uiteindelik het hy gaan lê en aan die slaap geraak onder die besemstruik.+ Maar kyk! toe het ’n engel+ aan hom geraak.+ En hy het vir hom gesê: “Staan op, eet.”
6 Toe het hy gesien, en kyk, by sy kop was daar ’n ronde koek+ op verhitte klippe en ’n kruik water. En hy het begin eet en drink, waarna hy weer gaan lê het.
7 Later het die engel+ van Jehovah ’n tweede keer teruggekom en aan hom geraak en gesê: “Staan op, eet, want die reis is vir jou te veel.”+
8 Daarop het hy opgestaan en geëet en gedrink, en hy het veertig dae+ en veertig nagte deur die krag van daardie voedsel voortgegaan tot by die berg van die ware God, Horeb.+
9 Daar het hy uiteindelik in ’n grot+ ingegaan, om daar te oornag; en kyk! daar was Jehovah se woord vir hom, en dit het vir hom gesê: “Wat maak jy hier, Eliʹa?”+
10 Hierop het hy gesê: “Ek was absoluut jaloers+ ten opsigte van Jehovah, die God van die leërs; want die kinders van Israel het u verbond verlaat,+ hulle het u altare afgebreek,+ en hulle het u profete met die swaard doodgemaak,+ sodat ek alleen oorgebly het;+ en nou soek hulle my siel om dit weg te neem.”+
11 Maar dit het gesê: “Gaan uit, en jy moet op die berg voor Jehovah gaan staan.”+ En kyk! Jehovah het verbygegaan,+ en ’n groot en sterk wind het berge geskeur en groot rotse gebreek voor Jehovah uit.+ (Jehovah was nie in die wind nie.) En ná die wind was daar ’n aardbewing.+ (Jehovah was nie in die aardbewing nie.)
12 En ná die aardbewing was daar ’n vuur.+ (Jehovah was nie in die vuur nie.) En ná die vuur was daar ’n kalm, sagte stem.+
13 En toe Eliʹa dit hoor, het hy onmiddellik sy gesig met sy ampskleed toegedraai+ en uitgegaan en by die ingang van die grot gaan staan; en kyk! daar was ’n stem vir hom, en dit het vir hom gesê: “Wat maak jy hier, Eliʹa?”+
14 Hierop het hy gesê: “Ek was absoluut jaloers ten opsigte van Jehovah, die God van die leërs; want die kinders van Israel het u verbond verlaat,+ hulle het u altare afgebreek, en hulle het u profete met die swaard doodgemaak, sodat ek alleen oorgebly het; en nou soek hulle my siel om dit weg te neem.”+
15 Jehovah het toe vir hom gesê: “Gaan, keer terug op jou pad na die wildernis van Damaskus;+ en jy moet ingaan en Haʹsael+ as koning oor Sirië salf.+
16 En Jehu,+ die kleinseun van Nimsi,+ moet jy as koning oor Israel salf; en Eliʹsa,+ die seun van Safat, uit Aʹbel-Mehoʹla,+ moet jy as profeet in jou plek salf.+
17 En wie aan Haʹsael se swaard ontkom,+ sal deur Jehu doodgemaak word;+ en wie aan Jehu se swaard ontkom, sal deur Eliʹsa doodgemaak word.+
18 En ek het seweduisend in Israel laat oorbly,+ al die knieë wat nie voor Baäl gebuig het nie,+ en elke mond wat hom nie gesoen het+ nie.”
19 Toe het hy daarvandaan weggegaan en Eliʹsa, die seun van Safat, gevind terwyl hy met twaalf spanne voor hom geploeg het,+ en hy self was by die twaalfde. Toe het Eliʹa na hom toe gegaan en sy ampskleed+ op hom gegooi.
20 Daarop het hy die bulle verlaat en agter Eliʹa aan gehardloop en gesê: “Laat my asseblief my vader en my moeder soen.+ Dan sal ek u volg.” Toe het hy vir hom gesê: “Gaan, keer terug; want wat het ek aan jou gedoen?”
21 En hy het agter hom omgedraai en toe ’n span bulle geneem en hulle geslag,+ en met die trekgoed+ van die bulle het hy hulle vleis gekook en dit toe aan die mense gegee, en hulle het geëet. Daarna het hy opgestaan en Eliʹa gevolg en hom begin dien.+
