1 Petrus 3:1-22
3 Net so+ moet julle, vrouens, onderdanig wees+ aan julle eie mans, sodat, as sommige nie aan die woord gehoorsaam is nie,+ hulle sonder ’n woord deur die gedrag van hulle vrouens+ gewen kan word,+
2 omdat hulle ooggetuies was van julle kuis gedrag+ tesame met diep respek.
3 En laat julle versiering nie dié wees van uiterlike haarvlegtery+ en van die omhang van goue sierade+ of die dra van boklere nie,
4 maar laat dit die geheime persoon+ van die hart in die onverderflike versiering+ van die stille en sagmoedige gees+ wees, wat in die oë van God van groot waarde is.
5 Want so het vroeër ook die heilige vroue wat op God gehoop het, hulle versier, en hulle het hulle aan hulle eie mans onderwerp,
6 soos Sara Abraham gehoorsaam het en hom “heer” genoem het.+ En julle het haar kinders geword, mits julle aanhou om goed te doen en om geen oorsaak van verskrikking te vrees nie.+
7 Net so+ moet julle, mans, voortgaan om ooreenkomstig kennis+ met hulle saam te woon en aan hulle eer toe te ken+ as ’n swakker vat, die vroulike, aangesien julle ook saam met hulle erfgename+ van die onverdiende guns van die lewe is, sodat julle gebede nie verhinder word nie.+
8 Laastens moet julle almal eensgesind wees,+ meegevoel betoon, broederlike geneentheid en tere medelye hê,+ nederig van verstand wees,+
9 nie kwaad met kwaad+ of uitskellery met uitskellery vergeld nie,+ maar seën eerder,+ want julle is tot hierdie weg geroep, sodat julle ’n seën kan beërf.
10 Want “wie die lewe wil liefhê en goeie dae wil sien,+ laat hom sy tong weerhou+ van wat sleg is en sy lippe daarvan om bedrog te spreek,+
11 maar laat hy afwyk van wat sleg is+ en doen wat goed is; laat hom vrede soek en dit nastreef.+
12 Want die oë+ van Jehovah is op die regverdiges, en sy ore is tot hulle smeking;+ maar die aangesig van Jehovah is teen dié wat slegte dinge doen.”+
13 Ja, wie is die mens wat julle kwaad sal aandoen as julle ywerig word vir wat goed is?+
14 Maar selfs as julle ter wille van regverdigheid sou ly, is julle gelukkig.+ Vrees egter nie die voorwerp van hulle vrees nie,+ en raak ook nie ontsteld nie.+
15 Maar heilig die Christus as Here in julle harte,+ en wees altyd gereed om julle te verdedig+ voor elkeen wat van julle ’n rede vir die hoop in julle eis, maar doen dit met sagmoedigheid+ en diep respek.
16 Behou ’n goeie gewete,+ sodat hulle wat minagtend van julle goeie gedrag in verband met Christus praat,+ in die saak waarin daar teen julle gepraat word, beskaamd sal word.+
17 Want dit is beter om te ly omdat julle goed doen,+ as die wil van God dit verlang, as omdat julle kwaad doen.+
18 Ja, ook Christus het eens en vir altyd aangaande sondes gesterf,+ ’n regverdige vir onregverdiges,+ om julle tot God te lei+—hy wat doodgemaak is in die vlees,+ maar lewend gemaak is in die gees.+
19 In hierdie toestand het hy ook gegaan en vir die geeste in die gevangenis gepreek,+
20 wat eens ongehoorsaam was+ toe die geduld van God+ in Noag se dae gewag het, terwyl die ark gebou is,+ waarin ’n paar mense, naamlik agt siele, veilig deur die water heen gevoer is.+
21 Wat hiermee ooreenkom, red julle ook nou,+ naamlik die doop (nie die wegdoening van die vuilheid van die vlees nie, maar die versoek tot God om ’n goeie gewete),+ deur die opstanding van Jesus Christus.+
22 Hy is aan God se regterhand,+ want hy het na die hemel gegaan; en engele+ en owerhede en magte is aan hom onderwerp.+
