1 Petrus 5:1-14
5 Daarom gee ek hierdie vermaning aan die ouer manne onder julle, want ek is ook ’n ouer man+ saam met hulle en ’n getuie+ van die lyding van die Christus, ja, ’n deelgenoot van die heerlikheid wat geopenbaar gaan word:+
2 Hou as herders toesig+ oor die kudde van God+ wat onder julle sorg is, nie onder dwang nie, maar gewillig;+ ook nie uit liefde vir oneerlike gewin nie,+ maar gretig;
3 ook nie as persone wat baasspeel+ oor dié wat God se erfenis is nie,+ maar deur voorbeelde vir die kudde te word.+
4 En wanneer die hoofherder+ openbaar gemaak is, sal julle die onverwelklike kroon+ van heerlikheid ontvang.+
5 Net so moet julle, jonger manne, onderdanig wees+ aan die ouer manne. Maar omgord julle almal met ootmoed teenoor mekaar,+ want God staan die hoogmoediges teë, maar hy gee onverdiende goedhartigheid aan die nederiges.+
6 Verneder julle dan onder die magtige hand van God, sodat hy julle op die bestemde tyd kan verhef;+
7 terwyl julle al julle sorge op hom werp,+ want hy sorg vir julle.+
8 Bly nugter van verstand, wees waaksaam.+ Julle teenstander, die Duiwel, loop rond soos ’n brullende leeu en is daarop uit om iemand te verslind.+
9 Maar weerstaan hom,+ vas in die geloof, in die wete dat dieselfde dinge in die vorm van lyding in die hele gemeenskap van julle broers in die wêreld veroorsaak word.+
10 Maar nadat julle ’n klein rukkie gely het,+ sal die God van alle onverdiende goedhartigheid, wat julle geroep het tot sy ewige heerlikheid+ in eenheid+ met Christus, self julle opleiding voltooi; hy sal julle standvastig maak,+ hy sal julle sterk maak.+
11 Aan hom die mag+ vir ewig. Amen.
12 Deur Silvaʹnus,+ ’n getroue broer, soos ek hom beskou, het ek met min woorde aan julle geskryf,+ om aanmoediging te gee en ’n ernstige getuienis dat dít die ware onverdiende goedhartigheid van God is; staan hierin vas.+
13 Sy wat in Babilon+ is, ’n uitverkorene soos julle, stuur vir julle groete, en so ook Markus,+ my seun.
14 Groet mekaar met ’n liefdeskus.+
Mag julle almal wat in eenheid met Christus is, vrede hê.+
