1 Samuel 27:1-12
27 Dawid het egter in sy hart gesê: “Nou sal ek eendag deur Saul se hand weggevee word. Daar is vir my niks beters as om vir seker na die land van die Filistyne+ te ontsnap+ nie; en Saul sal aangaande my die hoop opgee om my langer in die hele gebied van Israel te soek,+ en ek sal beslis uit sy hand ontkom.”
2 Toe het Dawid opgestaan, en hy en seshonderd man+ wat by hom was, het oorgetrek na Agis,+ die seun van Maog, die koning van Gat.
3 En Dawid het by Agis in Gat gebly, hy en sy manne, elkeen met sy huisgesin,+ Dawid en sy twee vrouens, Ahiʹnoam,+ die Jisreëlitiese vrou, en Abiʹgail,+ Nabal se vrou, die Karmelitiese vrou.
4 Na verloop van tyd het Saul berig ontvang dat Dawid na Gat gevlug het, en daarom het hy hom nie weer gaan soek nie.+
5 Toe het Dawid vir Agis gesê: “As ek dan nou guns in u oë gevind het, laat hulle aan my ’n plek in een van die stede van die buitedistrikte gee, sodat ek daar kan woon; want waarom sou u kneg saam met u in die koninklike stad woon?”
6 Toe het Agis op dié dag Siklag+ aan hom gegee. Daarom het Siklag aan die konings van Juda behoort tot vandag toe.
7 En die getal dae dat Dawid in die buitedistrikte van die Filistyne gewoon het, was ’n jaar en vier maande.+
8 En Dawid het met sy manne opgetrek om by die Gesuriete+ en die Girsiete en die Amalekiete+ invalle te doen; want hulle het die land bewoon wat van Telam+ tot by Sur+ en verder tot by Egipteland gestrek het.
9 En Dawid het die land verslaan, maar hy het nie man of vrou laat lewe nie;+ en hy het kleinvee en beeste en esels en kamele en klere geneem, waarna hy teruggekeer en by Agis gekom het.
10 Toe het Agis gesê: “Waar het julle vandag ’n inval gedoen?” Hierop het Dawid gesê:+ “In die suide van Juda+ en in die suide van die Jeragmeëliete+ en in die suide van die Keniete.”+
11 Wat man en vrou betref, Dawid het nie een laat lewe om hulle na Gat te bring nie, want hy het gesê: “Sodat hulle ons nie verklik en sê: ‘So het Dawid gedoen’ nie.”+ (En dit was sy handelswyse al die dae dat hy in die buitedistrikte van die Filistyne gewoon het.)
12 Gevolglik het Agis Dawid geglo+ en by homself gesê: “Hy het ongetwyfeld ’n stank onder sy volk Israel geword;+ en hy sal tot onbepaalde tyd my kneg moet word.”
