1 Timoteus 1:1-20
1 Paulus, ’n apostel+ van Christus Jesus ooreenkomstig die bevel van God,+ ons Redder,+ en van Christus Jesus, ons hoop,+
2 aan Timoʹteus,+ ’n ware kind+ in die geloof:
Mag daar onverdiende goedhartigheid, barmhartigheid, vrede wees van God die Vader en Christus Jesus, ons Here.+
3 Net soos ek jou aangemoedig het om in Eʹfese te bly toe ek op die punt gestaan het om na Masedoʹnië te gaan,+ doen ek dit ook nou, sodat jy sekere persone kan beveel+ om nie ’n ander leer te verkondig nie+
4 en om ook nie aandag te skenk aan valse stories+ en aan geslagsregisters, wat op niks uitloop nie,+ maar wat eerder vrae vir navorsing lewer as enigiets in verband met geloof wat deur God uitgedeel word.
5 Die doel van hierdie opdrag is in werklikheid liefde+ uit ’n rein hart+ en uit ’n goeie gewete+ en uit geloof sonder huigelary.+
6 Deur van hierdie dinge af te wyk, het sommige hulle tot ydel praatjies+ gewend;+
7 hulle wil leermeesters+ van die wet wees,+ maar begryp nie die dinge wat hulle sê of die dinge waaroor hulle sterk bewerings maak nie.
8 Ons weet dan nou dat die Wet goed is,+ mits ’n mens dit wettiglik gebruik+
9 in die wete van hierdie feit, dat die wet nie vir ’n regverdige uitgevaardig word nie, maar vir wetteloses+ en weerbarstiges,+ goddeloses en sondaars, dié wat liefderyke goedhartigheid kortkom+ en onheiliges, vadermoordenaars en moedermoordenaars, moordenaars,
10 hoereerders,+ mans wat by mans lê, ontvoerders, leuenaars, meinediges,+ en enigiets anders wat in stryd is+ met die gesonde leer+
11 volgens die glorieryke goeie nuus van die gelukkige+ God wat aan my toevertrou is.+
12 Ek is dankbaar teenoor Christus Jesus, ons Here, wat my krag gegee het, omdat hy my getrou geag het+ deur ’n bediening aan my toe te wys,+
13 hoewel ek vroeër ’n lasteraar en ’n vervolger+ en ’n vermetele+ man was. Nietemin is barmhartigheid aan my bewys,+ omdat ek onkundig was+ en in ’n gebrek aan geloof opgetree het.
14 Maar die onverdiende goedhartigheid van ons Here was uitermate oorvloedig+ tesame met geloof en liefde wat in verband met Christus Jesus is.+
15 Betroubaar en werd om ten volle aangeneem te word, is die woord+ dat Christus Jesus in die wêreld ingekom het om sondaars te red.+ Van hulle is ek die vernaamste.+
16 Nietemin was die rede waarom barmhartigheid aan my bewys is,+ dat Christus Jesus deur middel van my, as die vernaamste geval, al sy lankmoedigheid kon toon as ’n voorbeeld vir dié wat hulle geloof op hom sal grond+ tot die ewige lewe.+
17 En aan die Koning van die ewigheid,+ onverderflik,+ onsigbaar,+ die enigste God,+ die eer en heerlikheid vir ewig en altyd.+ Amen.
18 Hierdie opdrag+ vertrou ek aan jou toe, kind, Timoʹteus, ooreenkomstig die voorspellings+ wat regstreeks na jou gewys het, sodat jy daardeur kan voortgaan om die goeie stryd te voer;+
19 terwyl jy geloof en ’n goeie gewete behou,+ wat party opsy gestoot het+ en sodoende skipbreuk gely het wat hulle geloof betref.+
20 Himeneʹus+ en Aleksander+ behoort tot hulle, en ek het hulle aan Satan oorgegee+ sodat hulle deur dissipline geleer kan word om nie te laster nie.+
