1 Timoteus 5:1-25
5 Moenie ’n ouer man skerp kritiseer nie.+ Inteendeel, vermaan hom soos ’n vader, jonger manne soos broers,
2 ouer vroue+ soos moeders, jonger vroue soos susters+ met alle kuisheid.
3 Eer weduwees wat werklik weduwees is.+
4 Maar as ’n weduwee kinders of kleinkinders het, moet dié eers leer om godvrugtige toegewydheid in hulle eie huisgesin te beoefen+ en om ’n verskuldigde vergoeding aan hulle ouers+ en grootouers te bly betaal, want dit is aangenaam in God se oë.+
5 Die vrou wat dan nou werklik ’n weduwee is en behoeftig agtergelaat is,+ het haar hoop op God gestel+ en hou nag en dag vol met smekinge en gebede.+
6 Maar die een wat haar aan sinlike bevrediging oorgee,+ is dood+ hoewel sy lewe.
7 Hou dan aan om hierdie bevele te gee,+ sodat hulle onberispelik kan wees.+
8 Ja, as iemand vir sy eie mense,+ en veral vir dié wat lede van sy huisgesin is,+ nie sorg nie, het hy die geloof+ verloën+ en is hy erger as ’n ongelowige.
9 Laat ’n weduwee op die lys geplaas word wat nie minder nie as sestig jaar oud is, die vrou van een man,+
10 van wie getuienis afgelê word omtrent goeie werke,+ as sy kinders grootgemaak het,+ as sy vreemdelinge gasvry ontvang het,+ as sy die voete van heiliges gewas het,+ as sy die verdruktes gehelp het,+ as sy elke goeie werk ywerig nagestreef het.+
11 Wys daarenteen jonger weduwees af, want wanneer hulle geslagsdrange tussen hulle en die Christus gekom het,+ wil hulle trou
12 en kom hulle onder ’n oordeel omdat hulle hulle eerste betuiging van geloof verontagsaam het.+
13 Terselfdertyd leer hulle ook om ledig te wees en by die huise rond te slenter; ja, nie net ledig nie, maar ook skindertonge en persone wat hulle met ander se sake bemoei+ en oor dinge praat waaroor hulle nie behoort te praat nie.
14 Daarom wil ek hê dat die jonger weduwees moet trou,+ kinders baar,+ ’n huishouding behartig en die teenstander geen aanleiding gee om kwaad te spreek nie.+
15 Party is in werklikheid reeds afgekeer om Satan te volg.
16 As ’n gelowige vrou weduwees het, moet sy hulle help,+ en laat die las nie op die gemeente val nie. Dan kan dit dié help wat werklik weduwees is.+
17 Laat die ouer manne wat die leiding goed neem,+ dubbele eer waardig geag word,+ veral dié wat hard werk in woord en onderrigting.+
18 Want die Skrifgedeelte sê: “Jy mag ’n bul nie muilband wanneer hy die graan uitdors nie”;+ ook: “Die werker is sy loon werd.”+
19 Moenie ’n beskuldiging teen ’n ouer man aanvaar nie, behalwe op grond van die verklaring van twee of drie getuies.+
20 Wys persone wat sonde beoefen,+ voor alle aanwesiges tereg,+ sodat ook die res vrees kan hê.+
21 Ek gelas jou plegtig voor God en Christus Jesus+ en die uitverkore engele om hierdie dinge sonder vooroordeel na te kom en niks uit partydigheid te doen nie.+
22 Moet nooit iemand haastig die hande oplê nie;+ moet ook nie deel hê aan die sondes van ander nie;+ bewaar jouself kuis.+
23 Moenie langer water drink nie, maar gebruik ’n bietjie wyn+ ter wille van jou maag en jou herhaalde gevalle van siekte.
24 Die sondes van party mense is algemeen bekend+ en lei regstreeks tot ’n oordeel, maar wat ander mense betref, hulle sondes word ook later bekend.+
25 Net so is ook die goeie werke algemeen bekend,+ en dié wat anders is, kan nie verborge gehou word nie.+
