2 Konings 23:1-37
23 Toe het die koning gestuur, en hulle het al die ouer manne van Juda en Jerusalem by hom versamel.+
2 Daarna het die koning na die huis van Jehovah opgegaan, en ook al die manne van Juda en al die inwoners van Jerusalem saam met hom, en ook die priesters+ en die profete en die hele volk, klein sowel as groot;+ en hy het al die woorde van die boek+ van die verbond+ wat in die huis van Jehovah gevind is, voor hulle ore begin lees.+
3 En die koning het by die pilaar bly staan+ en toe die verbond+ voor Jehovah gesluit, om Jehovah te volg+ en om sy gebooie+ en sy getuienisse+ en sy insettinge+ met die hele hart+ en met die hele siel+ te onderhou deur die woorde van hierdie verbond wat in hierdie boek geskryf is, uit te voer.+ Toe het die hele volk tot die verbond toegetree.+
4 En die koning het die hoëpriester Hilkiʹa+ en die priesters van die tweede rang en die deurwagters+ beveel om al die voorwerpe wat vir Baäl+ en vir die heilige paal+ en vir die hele leër van die hemel gemaak is, uit die tempel van Jehovah te bring.+ Toe het hy dit buite Jerusalem op die terrasse van die Kidron+ verbrand, en hy het die stof daarvan na Bet-El+ gebring.
5 En hy het die priesters van vreemde gode ontslaan, wat deur die konings van Juda aangestel is om op die hoogtes in die stede van Juda en die omgewing van Jerusalem offerrook te laat opgaan, en ook dié wat vir Baäl,+ vir die son en vir die maan en vir die sterrebeelde van die diereriem en vir die hele leër van die hemel+ offerrook laat opgaan het.
6 Daarbenewens het hy die heilige paal+ uit die huis van Jehovah na die buitewyke van Jerusalem gebring, na die Kidronstroomvallei, en dit in die Kidronstroomvallei verbrand+ en dit tot stof vermaal en die stof daarvan op die grafte+ van die kinders van die volk gegooi.
7 Verder het hy die huise van die manlike tempelprostitute+ afgebreek wat in die huis van Jehovah was, waar die vroue tentheiligdomme vir die heilige paal geweef het.
8 Toe het hy al die priesters uit die stede van Juda laat kom om die hoogtes waar die priesters offerrook laat opgaan het, ongeskik vir aanbidding te maak, van Geba+ af tot by Berseʹba;+ en hy het die hoogtes van die poorte afgebreek wat by die ingang van die poort van die stadshoof Josua was, wat aan die linkerkant was as ’n mens die stadspoort binnegaan.
9 Die priesters+ van die hoogtes het egter nie na die altaar van Jehovah in Jerusalem opgegaan nie, maar hulle het ongesuurde+ koeke onder hulle broers geëet.
10 En hy het Tofet,+ wat in die vallei van die seuns van Hinnom+ was, ongeskik vir aanbidding gemaak, sodat niemand sy seun of sy dogter vir Molog+ deur die vuur sou laat gaan nie.+
11 Verder het hy die perde wat die konings van Juda aan die son gegee het, nie meer by die eetkamer+ van die hofbeampte Natan-Meleg, wat in die suilegange was, in die huis van Jehovah laat ingaan nie; en die strydwaens van die son+ het hy met vuur verbrand.
12 En die altare wat op die dak van die dakvertrek+ van Agas was, wat die konings van Juda gemaak het, en die altare+ wat Manasʹse in twee voorhowe van die huis van Jehovah gemaak het, het die koning afgebreek, waarna hy hulle daar verbrysel het, en hy het die stof daarvan in die Kidronstroomvallei gegooi.
13 En die hoogtes wat voor+ Jerusalem was, wat regs van die Berg van Verderf was, wat Salomo,+ die koning van Israel, gebou het vir Astoʹret,+ die walglike ding van die Sidoniërs, en vir Kamos,+ die walglike ding van Moab, en vir Milkom,+ die verfoeilike ding van die kinders van Ammon, het die koning ongeskik vir aanbidding gemaak.
14 En hy het die heilige pilare in stukke gebreek+ en die heilige pale afgekap en hulle plekke met mensebeendere gevul.
15 En ook die altaar wat in Bet-El was,+ die hoogte wat gemaak is deur Jeroʹbeam,+ die seun van Nebat, wat Israel laat sondig het,+ selfs daardie altaar en die hoogte het hy afgebreek. Toe het hy die hoogte verbrand; hy het dit tot stof vermaal en die heilige paal verbrand.
16 Toe Josiʹa omdraai, het hy die grafte gesien wat daar op die berg was. En hy het die beendere uit die grafte laat haal en dit op die altaar verbrand,+ om dit ongeskik vir aanbidding te maak, volgens Jehovah se woord+ wat verkondig is deur die man van die ware God,+ wat hierdie dinge verkondig het.
17 Toe het hy gesê: “Wat is die grafsteen wat ek daar sien?” Hierop het die manne van die stad vir hom gesê: “Dit is die graf+ van die man van die ware God wat uit Juda gekom het+ en hierdie dinge verkondig het wat u teen die altaar van Bet-El+ gedoen het.”
18 Toe het hy gesê: “Laat hom met rus.+ Laat niemand sy beendere versteur nie.” Gevolglik het hulle sy beendere ongestoord gelaat saam met die beendere van die profeet+ wat uit Samariʹa gekom het.
19 En ook al die huise+ van die hoogtes wat in die stede+ van Samariʹa was, wat die konings+ van Israel gebou het om Hom aanstoot te gee,+ het Josiʹa verwyder, en hy het daarmee gedoen volgens alles wat hy in Bet-El+ gedoen het.
20 Toe het hy al die priesters+ van die hoogtes wat daar was, op die altare geoffer en mensebeendere daarop verbrand.+ Daarna het hy na Jerusalem teruggekeer.
21 Die koning het toe die hele volk beveel en gesê: “Hou ’n pasga+ vir Jehovah julle God volgens wat in hierdie boek van die verbond geskrywe staan.”+
22 Want so ’n pasga is nie gehou sedert die dae van die rigters wat Israel gerig het nie,+ en ook nie al die dae van die konings van Israel en die konings van Juda nie.+
23 Maar in die agtiende jaar van koning Josiʹa is hierdie pasga vir Jehovah in Jerusalem gehou.+
24 En ook die geestemediums+ en die beroepsvoorspellers+ van gebeure en die terafim+ en die drekgode+ en al die walglike+ dinge wat in die land van Juda en in Jerusalem verskyn het, het Josiʹa weggeruim, sodat hy die woorde van die wet+ kon uitvoer wat geskryf is in die boek+ wat die priester Hilkiʹa in die huis van Jehovah gevind het.+
25 En voor hom was daar geen koning soos hy wat met sy hele hart en met sy hele siel+ en met al sy lewenskrag, volgens die hele wet van Moses, tot Jehovah teruggekeer het nie;+ en ook ná hom het daar nie een soos hy opgestaan nie.
26 Nogtans het Jehovah hom nie afgewend van sy groot toorngloed waarmee sy toorn teen Juda+ ontvlam het oor al die aanstootlike dinge waarmee Manasʹse hom aanstoot gegee het nie.+
27 Maar Jehovah het gesê: “Ook Juda+ sal ek onder my oë uit verwyder,+ net soos ek Israel+ verwyder het; en ek sal beslis hierdie stad verwerp wat ek uitgekies het, ja, Jerusalem, en die huis waarvan ek gesê het: ‘My naam sal daar bly.’”+
28 Wat die res van die aangeleenthede van Josiʹa betref en alles wat hy gedoen het, is dit nie opgeteken in die kroniekboek+ van die konings van Juda nie?
29 In sy dae het farao Nego,+ die koning van Egipte, opgetrek na die koning van Assiʹrië by die Eufraatrivier,+ en koning Josiʹa het hom tegemoetgegaan;+ maar hy het hom by Megidʹdo+ doodgemaak+ net toe hy hom sien.
30 En sy dienaars het hom dood in ’n wa van Megidʹdo af vervoer en hom na Jerusalem gebring+ en hom in sy graf begrawe. Toe het die volk van die land Joʹahas,+ die seun van Josiʹa, geneem en hom gesalf en hom in die plek van sy vader koning gemaak.
31 Joʹahas+ was drie-en-twintig jaar oud toe hy begin regeer het, en hy het drie maande in Jerusalem regeer. En sy moeder se naam was Hamuʹtal,+ die dogter van Jeremia, uit Libna.
32 En hy het begin doen wat sleg was in Jehovah se oë, volgens alles wat sy voorvaders gedoen het.+
33 En farao Nego+ het hom in boeie geslaan+ in Ribla,+ in die land Hamat, sodat hy nie in Jerusalem sou regeer nie, en het die land toe ’n boete opgelê+ van honderd talente silwer+ en ’n talent goud.+
34 Daarbenewens het farao Nego Elʹjakim,+ die seun van Josiʹa, in die plek van sy vader Josiʹa koning gemaak en sy naam na Joʹjakim verander; en Joʹahas het hy saamgeneem en toe na Egipte gebring, waar hy uiteindelik gesterf het.+
35 En die silwer+ en die goud het Joʹjakim aan Farao gegee. Maar hy het die land belasting opgelê,+ om die silwer op bevel van Farao te gee. Van elkeen volgens sy belastingtarief+ het hy die silwer en die goud van die volk van die land gevorder, om dit aan farao Nego te gee.
36 Joʹjakim+ was vyf-en-twintig jaar oud toe hy begin regeer het, en hy het elf jaar in Jerusalem regeer.+ En sy moeder se naam was Sebiʹda, die dogter van Pedaʹja, uit Ruma.
37 En hy het bly doen wat sleg was+ in Jehovah se oë, volgens alles wat sy voorvaders gedoen het.+
