2 Kronieke 1:1-17
1 En Salomo, die seun van Dawid, is voortdurend in sy koningskap versterk,+ en Jehovah sy God was met hom+ en het aangehou om hom uitermate groot te maak.+
2 En Salomo het met die hele Israel gepraat, met die hoofde oor duisend+ en oor honderd+ en met die regters+ en met al die owerstes van die hele Israel,+ die hoofde van die vaderhuise.+
3 Toe het Salomo en die hele gemeente saam met hom na die hoogte gegaan wat in Giʹbeon was;+ want daar was die tent van samekoms+ van die ware God, wat Moses, die kneg+ van Jehovah, in die wildernis gemaak het.
4 Dawid het egter die ark+ van die ware God uit Kirʹjat-Jeaʹrim+ laat opbring na die plek wat Dawid daarvoor gereedgemaak het,+ want hy het ’n tent daarvoor opgeslaan in Jerusalem.+
5 En die koperaltaar+ wat Besaʹleël,+ die seun van Uri, die seun van Hur,+ gemaak het, is voor die tabernakel van Jehovah gesit; en Salomo en die gemeente het hulle soos gewoonlik daarheen gewend.
6 Salomo het toe daar offers voor Jehovah gebring op die koperaltaar wat by die tent van samekoms behoort het, en hy het duisend brandoffers daarop gebring.+
7 Gedurende dié nag het God aan Salomo verskyn en toe vir hom gesê: “Vra! Wat moet ek jou gee?”+
8 Daarop het Salomo vir God gesê: “U het teenoor my vader Dawid groot liefderyke goedhartigheid bewys+ en het my in sy plek koning gemaak.+
9 En nou, o Jehovah God, laat u belofte aan my vader Dawid betroubaar wees,+ want u het my koning gemaak+ oor ’n volk wat so talryk soos die stofdeeltjies van die aarde is.+
10 Gee my nou wysheid en kennis+ sodat ek voor hierdie volk kan uitgaan en sodat ek kan inkom,+ want wie kan hierdie groot volk van u rig?”+
11 Toe het God vir Salomo gesê: “Omdat dít jou na aan die hart gelê het+ en jy nie rykdom, besittings en eer of die siel van jou haters gevra het nie, en jy ook nie baie dae gevra het nie,+ maar jy wysheid en kennis vir jou vra sodat jy my volk kan rig waaroor ek jou koning gemaak het,+
12 word die wysheid en die kennis aan jou gegee;+ ook sal ek jou rykdom en besittings en eer gee soos nie een van die konings gehad het wat voor jou was nie+ en soos niemand ná jou sal hê nie.”+
13 Toe het Salomo van die hoogte wat in Giʹbeon was,+ van die tent van samekoms+ af, na Jerusalem gekom en oor Israel bly regeer.+
14 En Salomo het strydwaens en perde bly versamel sodat hy duisend-vierhonderd strydwaens en twaalfduisend perde gehad het,+ en hy het hulle in strydwastede+ en naby die koning in Jerusalem gehou.
15 En die koning het die silwer en die goud in Jerusalem soos die klippe gemaak;+ en sederhout het hy so oorvloedig gemaak soos die wildevyebome+ wat in die Sjefeʹla is.+
16 En perde is uit Egipte na Salomo uitgevoer,+ en die koning se geselskap koopmanne het telkens die trop perde teen ’n prys geneem.+
17 En gewoonlik het hulle ’n strydwa uit Egipte gebring en uitgevoer vir seshonderd silwerstukke en ’n perd vir honderd-en-vyftig; en so was dit vir al die konings van die Hetiete en die konings van Sirië.+ Deur middel van hulle het die uitvoer geskied.
