2 Kronieke 30:1-27
30 En Hiskiʹa het na die hele Israel+ en Juda gestuur, en hy het selfs briewe aan Eʹfraim+ en Manasʹse+ geskryf, om na die huis van Jehovah+ in Jerusalem te kom om die pasga+ vir Jehovah, die God van Israel, te hou.
2 Die koning en sy vorste+ en die hele gemeente+ in Jerusalem het hulle egter voorgeneem om die pasga in die tweede maand+ te hou;
3 want hulle kon dit nie in dié tyd hou nie,+ omdat nie genoeg priesters+ hulleself geheilig het nie en ook omdat die volk nie in Jerusalem bymekaargekom het nie.
4 En die saak was reg in die oë van die koning en in die oë van die hele gemeente.+
5 Toe het hulle besluit om die oproep+ deur die hele Israel te laat gaan, van Berseʹba+ tot Dan,+ om die pasga vir Jehovah, die God van Israel, in Jerusalem te kom hou; want hulle het dit nie as ’n menigte gedoen+ volgens wat geskrywe staan nie.+
6 Toe het die hardlopers+ met die briewe uit die hand van die koning en sy vorste+ deur die hele Israel en Juda gegaan, ja, volgens die gebod van die koning, en gesê: “Kinders van Israel, keer terug+ tot Jehovah, die God+ van Abraham, Isak en Israel, sodat hy kan terugkeer tot dié van julle wat ontkom het+ en oorgebly het uit die palm van die konings van Assiʹrië.+
7 En moenie soos julle voorvaders+ en soos julle broers word wat ontrou teenoor Jehovah, die God van hulle voorvaders, gehandel het nie, sodat hy hulle ’n voorwerp van verbasing+ gemaak het, net soos julle sien.
8 Moet nou nie julle nek styf maak+ soos julle voorvaders gedoen het nie. Gee plek aan Jehovah+ en kom na sy heiligdom+ wat hy tot onbepaalde tyd geheilig het+ en dien+ Jehovah julle God, sodat sy brandende toorn+ van julle kan wyk.
9 Want wanneer julle tot Jehovah terugkeer,+ sal julle broers en julle seuns voorwerpe van barmhartigheid+ wees voor dié wat hulle gevange hou, en hulle sal toegelaat word om na hierdie land terug te keer;+ want Jehovah julle God is genadig+ en barmhartig,+ en hy sal die aangesig nie van julle afwend as julle tot hom terugkeer nie.”+
10 En die hardlopers+ het voortgegaan en van stad tot stad deur die hele land van Eʹfraim+ en Manasʹse gegaan, selfs tot by Seʹbulon; maar hulle het voortdurend die spot met hulle gedryf en hulle uitgelag.+
11 Net enkelinge+ uit Aser en Manasʹse en uit Seʹbulon het hulle verneder+ sodat hulle na Jerusalem gekom het.
12 Die hand van die ware God was ook in Juda om hulle een hart+ te gee om die gebod+ van die koning en die vorste in die saak van Jehovah+ uit te voer.
13 En hulle het in Jerusalem bymekaargekom,+ ’n talryke volk, om die fees+ van die ongesuurde koeke in die tweede+ maand te hou, ’n baie groot gemeente.
14 Toe het hulle opgestaan en die altare+ verwyder wat in Jerusalem was, en al die reukaltare+ het hulle verwyder en toe in die Kidronstroomvallei+ gegooi.
15 Daarna het hulle die pasgaoffer+ op die veertiende dag van die tweede maand geslag; en die priesters en die Leviete was verneder, sodat hulle hulle geheilig het+ en brandoffers na die huis van Jehovah gebring het.
16 En hulle het op hulle plek bly staan+ volgens hulle reël, volgens die wet van Moses, die man van die ware God, terwyl die priesters+ die bloed gesprinkel het wat hulle uit die hand van die Leviete ontvang het.
17 Want baie in die gemeente het hulle nie geheilig nie; en die Leviete+ het toesig gehad oor die slag van die pasgaoffers+ vir almal wat nie rein was nie, om hulle aan Jehovah te heilig.
18 Want ’n groot deel van die volk, baie uit Eʹfraim+ en Manasʹse,+ Isʹsaskar en Seʹbulon,+ het hulle nie gereinig+ nie, want hulle het die pasga nie geëet volgens wat geskrywe staan nie;+ maar Hiskiʹa het vir hulle gebid+ en gesê: “Mag Jehovah wat goed is,+ toegeeflik wees teenoor
19 elkeen wat sy hart voorberei het+ om die ware God, Jehovah, die God van sy voorvaders, te soek, al was dit sonder die reiniging vir wat heilig is.”+
20 Toe het Jehovah na Hiskiʹa geluister en die volk genees.+
21 So het die kinders van Israel wat hulle in Jerusalem bevind het, die fees+ van die ongesuurde koeke sewe dae lank met groot blydskap+ gehou; en die Leviete+ en die priesters+ het dag na dag met luide instrumente lof aan Jehovah gebring, ja, aan Jehovah.+
22 Daarbenewens het Hiskiʹa gespreek tot die hart+ van al die Leviete wat met voortreflike oordeelkundigheid teenoor Jehovah gehandel het.+ En hulle het die vasgestelde feesmaal sewe dae lank geëet+ en gemeenskapsoffers+ gebring en belydenis gedoen+ aan Jehovah, die God van hulle voorvaders.
23 Toe het die hele gemeente besluit+ om dit nog sewe dae te hou,+ en hulle het dit met blydskap sewe dae lank gehou.
24 Want Hiskiʹa, die koning van Juda, het vir die gemeente duisend bulle en seweduisend skape bygedra,+ en die vorste+ het vir die gemeente duisend bulle en tienduisend skape bygedra; en priesters+ het hulleself in groot getalle bly heilig.
25 En die hele gemeente van Juda+ en die priesters en die Leviete+ en die hele gemeente wat uit Israel gekom het+ en die inwonende vreemdelinge+ wat uit die land van Israel gekom het+ en dié wat in Juda gewoon het, was bly.+
26 En daar was groot blydskap in Jerusalem, want sedert die dae van Salomo,+ die seun van Dawid, die koning van Israel, was daar nie so iets in Jerusalem nie.+
27 Uiteindelik het die priesters, die Leviete, opgestaan en die volk geseën;+ en hulle stem is verhoor, sodat hulle gebed tot in sy heilige woonplek, die hemel,+ gekom het.
