2 Petrus 1:1-21
1 Simon Petrus, ’n slaaf+ en apostel+ van Jesus Christus, aan dié wat ’n geloof verkry het wat as net so ’n groot voorreg beskou word as ons s’n,+ deur die regverdigheid+ van ons God en die Redder Jesus Christus:+
2 Mag onverdiende goedhartigheid en vrede vir julle vermeerder word+ deur juiste kennis+ van God en van Jesus, ons Here,
3 aangesien sy goddelike krag ons al die dinge geskenk het wat met lewe+ en godvrugtige toegewydheid+ verband hou, deur die juiste kennis van die een wat ons deur heerlikheid+ en deug geroep het.+
4 Deur hierdie dinge het hy ons die kosbare en uiters grootse beloftes+ geskenk, sodat julle hierdeur deelgenote in die goddelike+ natuur+ kan word, nadat julle aan die verdorwenheid ontvlug het wat deur wellus in die wêreld is.+
5 Ja, juis daarom moet julle, deur in reaksie hierop alle ywerige inspanning by te dra,+ by julle geloof deug voeg,+ by julle deug kennis,+
6 by julle kennis selfbeheersing,+ by julle selfbeheersing volharding,+ by julle volharding godvrugtige toegewydheid,
7 by julle godvrugtige toegewydheid broederlike geneentheid, by julle broederlike geneentheid liefde.+
8 Want as hierdie dinge in julle bestaan en oorvloedig is, sal dit verhoed dat julle onbedrywig of onvrugbaar word+ met betrekking tot die juiste kennis van ons Here Jesus Christus.
9 Want as hierdie dinge by iemand nie aanwesig is nie, is hy blind en sluit hy sy oë vir die lig+ en het hy die reiniging+ van sy sondes van lank gelede vergeet.+
10 Daarom, broers, moet julle des te meer julle uiterste bes doen om julle roeping+ en verkiesing+ vir julle te verseker; want as julle aanhou om hierdie dinge te doen, sal julle beslis nooit faal nie.+
11 Trouens, so sal die ingang+ in die ewige+ koninkryk van ons Here en Redder Jesus Christus+ ryklik aan julle verskaf word.
12 Om dié rede sal ek geneig wees om julle altyd aan hierdie dinge te herinner,+ hoewel julle hulle ken en vasstaan in die waarheid+ wat in julle aanwesig is.+
13 Maar ek ag dit reg, solank ek in hierdie tabernakel is,+ om julle deur herinnering op te wek,+
14 aangesien ek weet dat die aflegging van my tabernakel op hande is,+ net soos ook ons Here Jesus Christus vir my aangedui het.+
15 Daarom sal ek ook te alle tye my uiterste bes doen sodat julle ná my vertrek+ self van hierdie dinge melding kan maak.
16 Nee, dit was nie deur kunstig versinde valse stories te volg+ dat ons die krag en teenwoordigheid van ons Here Jesus Christus aan julle bekend gemaak het nie,+ maar deurdat ons ooggetuies van sy luisterrykheid geword het.+
17 Want hy het eer en heerlikheid van God die Vader ontvang+ toe hierdie woorde deur die luisterryke heerlikheid tot hom gekom het: “Dit is my seun, my geliefde, wat ek self goedgekeur het.”+
18 Ja, hierdie woorde het ons uit die hemel hoor kom+ terwyl ons saam met hom op die heilige berg was.+
19 Gevolglik is die profetiese woord+ vir ons vaster gemaak;+ en julle doen goed deur aandag daaraan te skenk soos aan ’n lamp+ wat in ’n donker plek skyn, totdat die dag aanbreek en ’n dagster+ opgaan, in julle harte.
20 Want dít weet julle allereers, dat geen profesie van die Skrif uit enige eie uitlegging voortspruit nie.+
21 Want profesie is nooit deur die wil van ’n mens voortgebring nie,+ maar mense het uit God gespreek+ namate hulle deur heilige gees meegevoer is.+
