2 Petrus 2:1-22
2 Daar het egter ook valse profete onder die volk opgestaan, soos daar ook valse onderrigters onder julle sal wees.+ Húlle sal heimlik verderflike sektes invoer en sal selfs die eienaar verloën wat hulle gekoop het+ en so ’n spoedige vernietiging oor hulleself bring.
2 Verder sal baie hulle losbandige dade+ navolg,+ en weens hulle sal die weg van die waarheid gesmaad word.+
3 Ook sal hulle julle uit hebsug met valse woorde uitbuit.+ Maar wat hulle betref, die oordeel van lank gelede+ sloer nie, en hulle vernietiging sluimer nie.+
4 Waarlik, as God hom nie daarvan weerhou het om die engele+ te straf wat gesondig het nie, maar hulle, deur hulle in Tarʹtarus+ te werp, aan kuile van dik duisternis oorgelewer het om vir die oordeel bewaar te word;+
5 en hy hom nie daarvan weerhou het om ’n eertydse wêreld te straf nie,+ maar Noag, ’n prediker van regverdigheid,+ met sewe ander veilig bewaar het+ toe hy ’n watervloed+ oor ’n wêreld van goddelose mense gebring het;
6 en hy die stede Sodom en Gomorʹra veroordeel het deur hulle tot as te verbrand,+ waardeur hy vir goddelose mense ’n voorbeeld van toekomstige dinge gegee het;+
7 en hy die regverdige Lot verlos het,+ wat baie ontsteld was oor die wettrotserende mense se oorgawe aan losbandige gedrag+—
8 want dié regverdige man het deur wat hy gesien en gehoor het terwyl hy onder hulle gewoon het, van dag tot dag sy regverdige siel gepynig weens hulle wettelose dade—
9 dan weet Jehovah hoe om mense van godvrugtige toegewydheid uit beproewing te verlos,+ maar om onregverdige mense te bewaar vir die dag van die oordeel om uitgeroei te word,+
10 maar veral dié wat agter vlees aan gaan met die begeerte om dit te verontreinig+ en wat op heerskappy neersien.+
Vermetel en eiesinnig, bewe hulle nie voor heerlikes nie, maar praat smadend,+
11 terwyl engele, hoewel hulle groter in sterkte en krag is, nie met smadende woorde+ ’n beskuldiging teen hulle inbring nie, uit respek vir Jehovah.+
12 Maar soos redelose diere wat van nature gebore word om gevang en vernietig te word, sal hierdie mense, in die dinge waarvan hulle onkundig is en smadend praat,+ in hulle eie weg van vernietiging ook vernietiging ondergaan,
13 deurdat hulle as loon vir onreg+ hulleself onreg aandoen.+
Hulle beskou ’n weelderige lewe in die dag as ’n genot.+ Hulle is vlekke en smette, wat hulle met onbeteuelde genot aan hulle bedrieglike leringe oorgee terwyl hulle saam met julle fees hou.+
14 Hulle het oë wat vol egbreuk is+ en wat nie kan ophou sondig nie,+ en hulle verlok onbestendige siele. Hulle het ’n hart wat geoefen is in hebsug.+ Hulle is vervloekte kinders.+
15 Omdat hulle die reguit weg verlaat het, is hulle mislei. Hulle het die weg gevolg van Biʹleam,+ die seun van Beor, wat die loon van onreg liefgehad het,+
16 maar ’n teregwysing ontvang het vir sy eie skending van wat reg was.+ ’n Stom pakdier, wat met die stem van ’n mens gepraat het,+ het die profeet se waansinnige optrede verhinder.+
17 Hulle is fonteine sonder water,+ en miswolke wat deur ’n hewige storm voortgedryf word, en vir hulle is die donkerheid van die duisternis bewaar.+
18 Want hulle spreek opgeblase woorde wat geen nut het nie, en deur die begeertes van die vlees+ en deur losbandige gewoontes verlok+ hulle dié wat pas aan mense ontvlug het+ wat in dwaling wandel.
19 Terwyl hulle vryheid aan hulle beloof,+ voer hulle self ’n bestaan as slawe van verderflikheid.+ Want elkeen wat deur ’n ander oorwin word, word deur dié ’n slaaf gemaak.+
20 Waarlik, as hulle, nadat hulle deur juiste kennis van die Here en Redder Jesus Christus aan die verontreinigings van die wêreld ontvlug het,+ weer in hierdie selfde dinge verwikkel raak en oorwin word,+ het die laaste toestande vir hulle erger geword as die eerste.+
21 Want dit sou vir hulle beter gewees het as hulle die weg van regverdigheid nie noukeurig geken het nie,+ as dat hulle, nadat hulle dit noukeurig geken het, hulle afkeer van die heilige gebod wat aan hulle oorgelewer is.+
22 Oor hulle het gekom wat die ware spreekwoord sê: “Die hond+ het na sy eie uitbraaksel teruggekeer, en die gewaste sog om in die modder te rol.”+
