Esegiël 9:1-11
9 En hy het met ’n harde stem voor my ore uitgeroep en gesê: “LAAT dié wat hulle aandag op die stad rig, nader kom, elkeen met sy wapen in sy hand om verwoesting aan te rig!”
2 En kyk! ses manne het uit die rigting van die boonste+ poort gekom wat noord kyk, elkeen met sy wapen om mee te verbrysel in sy hand; en daar was een man onder hulle wat in linne geklee was,+ met ’n sekretaris se inkhoring aan sy heupe, en hulle het ingekom en langs die koperaltaar+ gaan staan.
3 En wat die heerlikheid van die God van Israel+ betref, dit is opgelig van die gerubs+ waarbo dit was, na die drumpel van die huis,+ en hy het begin roep na die man wat in die linne geklee was,+ aan wie se heupe die sekretaris se inkhoring was.
4 En Jehovah het vir hom gesê: “Trek deur die stad, deur Jerusalem, en jy moet ’n merk maak op die voorkoppe van die mense wat sug en steun+ oor al die verfoeilike dinge wat daarin gedoen word.”+
5 En vir die ander het hy voor my ore gesê: “Trek agter hom aan deur die stad en slaan. Laat julle oog nie jammer voel nie, en moenie enige medelye voel nie.+
6 Ou man, jong man en maagd en kindjie en vroue+ moet julle doodmaak—tot vernietiging toe. Maar moenie naby enigiemand gaan op wie die merk is nie,+ en julle moet by my heiligdom begin.”+ Toe het hulle begin by die ou manne wat voor die huis was.+
7 En hy het verder vir hulle gesê: “Verontreinig die huis en vul die voorhowe met dié wat omgebring is.+ Trek uit!” En hulle het uitgetrek en geslaan in die stad.
8 En terwyl hulle geslaan en ek oorgebly het, het ek op my gesig geval+ en uitgeroep en gesê: “Ag,+ o Soewereine Heer Jehovah! Verdelg u al die oorblywendes van Israel terwyl u u woede oor Jerusalem uitstort?”+
9 Toe het hy vir my gesê: “Die oortreding van die huis van Israel en Juda+ is uitermate groot,+ en die land is met bloedvergieting gevul+ en die stad is vol verdorwenheid;+ want hulle het gesê: ‘Jehovah het die land verlaat,+ en Jehovah sien nie.’+
10 En ook wat my betref, my oog sal nie jammer voel nie,+ en ook sal ek geen medelye betoon nie.+ Hulle weg sal ek beslis op hulle eie hoof laat neerkom.”+
11 En kyk! die man wat in die linne geklee was, aan wie se heupe die inkhoring was, het berig gebring en gesê: “Ek het gedoen net soos u my beveel het.”+
