Hebreërs 5:1-14
5 Want elke hoëpriester wat uit die mense geneem word, word ten behoewe van mense oor die dinge in verband met God aangestel,+ sodat hy gawes en offerandes vir sondes kan bring.+
2 Hy kan op gematigde wyse met die onkundiges en dwalendes handel, aangesien hy ook met sy eie swakheid omring is,+
3 en as gevolg daarvan is hy verplig om net soveel vir homself as vir die volk offers vir sondes te bring.+
4 Ook neem iemand hierdie eer nie uit sy eie nie,+ maar net wanneer hy deur God geroep word,+ net soos ook Aäron+ geroep is.
5 So ook het die Christus homself nie verheerlik+ deur ’n hoëpriester te word nie,+ maar is hy verheerlik+ deur hom wat met betrekking tot hom gesê het: “Jy is my seun; ék het vandag jou vader geword.”+
6 Net soos hy ook op ’n ander plek sê: “Jy is ’n priester vir ewig volgens die wyse van Melgiseʹdek.”+
7 In die dae van sy vlees het Christus smekinge en ook bedes+ met sterk+ uitroepe en trane aan die Een opgedra wat hom uit die dood kon red, en hy is weens sy godvrugtige vrees+ verhoor.
8 Hoewel hy ’n Seun was, het hy gehoorsaamheid geleer uit die dinge wat hy gely het;+
9 en nadat hy tot volmaaktheid gebring is,+ het hy verantwoordelik geword vir die ewige redding+ van almal wat hom gehoorsaam,+
10 omdat hy uitdruklik deur God ’n hoëpriester volgens die wyse van Melgiseʹdek genoem is.+
11 Oor hom het ons baie te sê wat moeilik is om te verduidelik, aangesien julle afgestomp geword het in julle gehoor.+
12 Want hoewel julle vanweë die tyd inderdaad onderrigters+ behoort te wees, het julle weer nodig dat iemand julle van die begin af die elementêre dinge+ van die heilige verklarings van God+ moet leer; en julle het mense geword wat melk nodig het, nie vaste voedsel nie.+
13 Want elkeen wat melk gebruik, is onbekend met die woord van regverdigheid, want hy is ’n klein kindjie.+
14 Maar vaste voedsel is vir volwasse mense, vir dié wie se waarnemingsvermoëns+ deur gebruik geoefen is om te onderskei wat reg sowel as verkeerd is.+
