Joël 3:1-21
3 “Want kyk! in dié dae en in dié tyd,+ wanneer ek die gevangenes van Juda en Jerusalem sal terugbring,+
2 sal ek ook al die nasies bymekaarbring+ en hulle na die Joʹsafatlaagvlakte+ afbring; en ek sal daar met hulle in die gerig tree weens my volk en my erfdeel Israel,+ wat hulle onder die nasies verstrooi het; en hulle het my land verdeel.+
3 En oor my volk het hulle die lot bly werp;+ en hulle het die seun in ruil vir ’n prostituut+ gegee, en die dogter het hulle vir wyn verkoop, sodat hulle kon drink.
4 “En ook, wat het julle met my te doen, o Tirus en Sidon+ en al die streke van Filisteʹa?+ Is dit die behandeling wat julle my as vergelding gee? En as julle my hierdie behandeling gee, sal ek vinnig, gou, julle behandeling op julle hoof laat terugkom.+
5 Want julle het my silwer en my goud geneem+ en my begeerlike goeie dinge in julle tempels ingebring;+
6 en julle het die kinders van Juda en die kinders van Jerusalem aan die kinders van die Grieke+ verkoop,+ om hulle ver van hulle gebied te verwyder;+
7 kyk, ek wek hulle op om uit die plek te kom waarheen julle hulle verkoop het,+ en ek sal julle behandeling op julle hoof laat terugkom.+
8 En ek sal julle seuns en julle dogters in die hand van die kinders van Juda verkoop,+ en dié moet hulle aan die manne van Skeba+ verkoop, aan ’n nasie ver weg;+ want Jehovah het dit gespreek.
9 “ROEP dít uit onder die nasies:+ ‘Heilig ’n oorlog! Wek die kragtige manne op!+ Laat hulle nader kom! Laat hulle optrek, al die krygsmanne!+
10 Smee van julle ploegskare swaarde en van julle snoeimesse+ lanse. Wat die swakke betref, laat hy sê: “Ek is ’n kragtige man.”+
11 Verleen hulp en kom, alle nasies rondom,+ en kom bymekaar.’”+
Laat u magtiges, o Jehovah, daarheen neerdaal.+
12 “Laat die nasies opgewek word en na die Joʹsafatlaagvlakte+ optrek; want daar sal ek sit om al die nasies rondom te oordeel.+
13 “STEEK ’n sekel in,+ want die oes het ryp geword.+ Kom, daal neer, want die wynpers het vol geword.+ Die parskuipe loop oor; want hulle slegtheid het oorvloedig geword.+
14 Menigtes, menigtes is in die laagvlakte van die beslissing,+ want die dag van Jehovah is naby in die laagvlakte van die beslissing.+
15 Die son en die maan sal beslis donker word, en die sterre sal hulle glans intrek.+
16 En uit Sion sal Jehovah brul, en uit Jerusalem sal hy sy stem laat hoor.+ En hemel en aarde sal beslis bewe;+ maar Jehovah sal ’n toevlug vir sy volk wees+ en ’n vesting vir die kinders van Israel.+
17 En julle sal moet weet dat ek Jehovah julle God is,+ wat woon op Sion, my heilige berg.+ En Jerusalem moet ’n heilige plek word;+ en wat vreemdelinge betref, hulle sal nie meer daardeur trek nie.+
18 “En in dié dag sal die berge drup van soet wyn,+ en die heuwels sal vloei van melk, en al die stroombeddings van Juda sal vloei van water. En uit die huis van Jehovah sal ’n fontein uitgaan,+ en dit moet die stroomvallei van die Akasiabome natlei.+
19 Wat Egipte betref, ’n verlate woesteny sal dit word;+ en wat Edom betref, ’n verlate, woeste wildernis sal dit word,+ weens die geweld teenoor die kinders van Juda, in wie se land hulle onskuldige bloed vergiet het.+
20 Maar wat Juda betref, tot onbepaalde tyd sal dit bewoon word,+ en Jerusalem van geslag tot geslag.+
21 En ek sal hulle bloed wat ek nie as onskuldig beskou het nie, as onskuldig beskou;+ en Jehovah sal in Sion woon.”+
