Amos 3:1-15
3 “Hoor hierdie woord wat Jehovah oor julle gespreek het,+ o kinders van Israel, oor die hele familie wat ek uit Egipteland laat optrek het,+ deur te sê:
2 ‘Julle alleen het ek uit al die families van die aarde+ geken.+ Daarom sal ek van julle rekenskap eis vir al julle oortredings.+
3 “‘Sal twee saamloop tensy hulle mekaar volgens afspraak ontmoet het?+
4 Sal ’n leeu in die woud brul wanneer hy geen prooi het nie?+ Sal ’n jong maanhaarleeu sy stem uit sy skuilplek laat hoor as hy hoegenaamd niks gevang het nie?
5 Sal ’n voël in ’n valstrik op die grond val wanneer daar vir hom geen strik is nie?+ Spring ’n valstrik van die grond af op wanneer dit hoegenaamd niks gevang het nie?
6 As ’n horing in ’n stad geblaas word, bewe die volk dan nie ook nie?+ As rampspoed in die stad plaasvind, is dit dan nie ook Jehovah wat opgetree het nie?
7 Want die Soewereine Heer Jehovah sal niks doen tensy hy sy vertroulike saak aan sy knegte, die profete, geopenbaar het nie.+
8 ’n Leeu het gebrul!+ Wie sal nie bang wees nie? Die Soewereine Heer Jehovah het gespreek! Wie sal nie profeteer nie?’+
9 “‘VERKONDIG dit op die woontorings in Asdod en op die woontorings in Egipteland+ en sê: “Versamel julle teen die berge van Samariʹa,+ en aanskou die baie oproere daarbinne en gevalle van bedrog daarin.+
10 En hulle het nie geweet hoe om te doen wat reg is nie”,+ is die woord van Jehovah, “dié wat geweld+ en plundering in hulle woontorings opgaar.”’
11 “Daarom, só het die Soewereine Heer Jehovah gesê: ‘Daar is ’n teenstander rondom die land,+ en hy sal beslis jou krag van jou wegneem, en jou woontorings sal geplunder word.’+
12 “Só het Jehovah gesê: ‘Net soos die herder twee pootjies of ’n stukkie oor uit die bek van die leeu wegruk,+ so sal die kinders van Israel weggeruk word, dié wat in Samariʹa op ’n pragtige slaapbank+ en op ’n Damaskener-divan+ sit.’
13 “‘HOOR en gee getuienis+ in die huis van Jakob’, is die woord van die Soewereine Heer Jehovah, die God van die leërs.
14 ‘Want die dag dat ek van Israel rekenskap eis+ vir sy opstandige dade, sal ek ook van die altare van Bet-El rekenskap eis;+ en die horings van die altaar sal beslis afgekap word en op die grond val.+
15 En ek sal die winterhuis+ saam met die somerhuis+ platslaan.’
“‘En die huise van ivoor sal moet vergaan,+ en baie huise sal tot niet moet gaan’,+ is die woord van Jehovah.”
