Esra 5:1-17
5 En Haggai,+ die profeet, en Sagariʹa,+ die kleinseun van Iddo,+ die profeet, het vir die Jode wat in Juda en in Jerusalem was, geprofeteer in die naam+ van die God van Israel wat oor hulle was.+
2 Toe het Serubbaʹbel,+ die seun van Sealʹtiël,+ en Jeʹsua,+ die seun van Joʹsadak, opgestaan en die huis van God, wat in Jerusalem was, begin herbou; en saam met hulle was God se profete+ wat hulle gehelp het.
3 In dié tyd het Tatʹtenai,+ die goewerneur anderkant die Rivier,+ en Seʹtar-Boʹsenai en hulle ampsgenote na hulle toe gekom, en só het hulle vir hulle gesê: “Wie het julle bevel gegee om hierdie huis te bou en hierdie balkkonstruksie te voltooi?”+
4 Toe het hulle die volgende vir hulle gesê: “Wat is die name van die manne wat hierdie gebou bou?”
5 En die oog+ van hulle God was op+ die ouer manne van die Jode, en hulle het hulle nie verhinder nie totdat die berig na Dariʹus kon gaan en daar dan ’n amptelike dokument hieroor teruggestuur kon word.
6 Hier is ’n afskrif+ van die brief wat Tatʹtenai,+ die goewerneur anderkant die Rivier,+ en Seʹtar-Boʹsenai+ en sy ampsgenote,+ die ondergoewerneurs wat anderkant die Rivier was, aan koning Dariʹus gestuur het;
7 hulle het aan hom die berig gestuur, en só was daarin geskrywe:
“Aan koning Dariʹus:
“Alle vrede!+
8 Laat dit aan die koning bekend word dat ons na die regsgebied+ van Juda gegaan het, na die huis van die groot God,+ en dit word gebou met klippe wat op hulle plek gerol word, en balke word in die mure gelê; en dié werk word gretig gedoen en vorder onder hulle hande.
9 Toe het ons hierdie ouer manne gevra. Só het ons vir hulle gesê: ‘Wie het julle bevel gegee om hierdie huis te bou en hierdie balkkonstruksie te voltooi?’+
10 En ons het hulle ook hulle name gevra om u te laat weet, sodat ons die name kon skryf van die manne wat aan hulle hoof staan.+
11 “En hulle het ons dié antwoord gegee en gesê: ‘Ons is die knegte van die God van die hemel en die aarde,+ en ons herbou die huis wat baie jare tevore gebou is, wat ’n groot koning van Israel gebou en voltooi het.+
12 Maar omdat ons vaders die God van die hemel vertoorn het,+ het hy hulle oorgegee+ in die hand van Nebukadneʹsar,+ die koning van Babilon, die Galdeër,+ en hy het hierdie huis verwoes+ en die volk in ballingskap na Babilon weggevoer.+
13 Maar in die eerste jaar van Kores,+ die koning van Babilon, het koning Kores ’n bevel uitgevaardig om hierdie huis van God te herbou.+
14 En ook die goue en silwerhouers+ van die huis van God wat Nebukadneʹsar uit die tempel, wat in Jerusalem was, geneem en na die tempel van Babilon gebring het,+ dit het koning+ Kores uit die tempel van Babilon geneem, en dit is gegee aan Sesʹbassar,+ die naam van die een wat hy as goewerneur+ aangestel het.
15 En hy het vir hom gesê: “Neem hierdie houers.+ Gaan, sit dit in die tempel wat in Jerusalem is, en laat die huis van God op sy plek herbou word.”+
16 Toe dié Sesʹbassar gekom het, het hy die fondamente gelê van die huis van God,+ wat in Jerusalem is; en van toe af tot nou toe word dit herbou, maar dit is nog nie voltooi nie.’+
17 “En as die koning dit nou goedvind, laat daar dan ondersoek ingestel word+ in die koning se skathuis wat daar in Babilon is, of dit so is dat ’n bevel+ deur koning Kores uitgevaardig is om dié huis van God in Jerusalem te herbou; en laat die koning sy beslissing hieroor aan ons stuur.”
